1 CORINTIOS 4:12 - Chatino Tataltepec

¹² Ti'i̱ tsa cña nu ndu'ni ya cha' caja ñi'ya̱ nu tyiji̱ yu'u ji'i̱ ya chalyuu. Nu lo'o ti'í tsa cha' nu nda ngu' lo'o ya, ná nsacui̱ tu'ba ya ji'i̱ ngu'; tso'o ti nchcui' ya lo'o ngu' li'. Lo'o ndu'ni lya' ti' ngu' ji'i̱ ya, ndalo ya li'; ná nsacui̱ ya' ya ji'i̱ ngu' tsiya' ti.

1 CORINTIOS 4:12 Referans Kwoze

1 PEDRO 3:9

Ná cua'ni cuxi ma̱ lo'o tya'a ñati̱ ma̱, masi ngua'ni cuxi ngu' lo'o ma̱; lo'o jua'a̱ ná chcui' tyaala ma̱ lo'o tya'a̱ ñati̱ ma̱, masi tyaala tsa nchcui' ngu' lo'o ma̱. Na cua ngusubi ycui' Ni ji'i̱ ma̱ cha' xtyucua Ni ji'i̱ cu'ma̱, bi' cha' tso'o la si chcui' ma̱ lo'o ycui' Ndyosi cha' xtyucua Ni ji'i̱ ngu' tyaala bi'.

SAN MATEO 5:11

’Lo'o jua'a̱ tso'o ntsu'u tyiquee ma̱ masi xtyí lo'o ngu' ji'i̱ ma̱ xqui'ya na', masi lya' tsa ti' ngu' ji'i̱ ma̱, masi cuiñi tsa ngu', masi chcui' tsa ngu' cuentyu ji'i̱ ma̱ xqui'ya na'.

ROMANOS 12:14

Chcui' ma̱ lo'o ycui' Ndyosi cuentya ji'i̱ ñati̱ nu ndyu'ni lya' ti' ji'i̱ ma̱; pana ná jña ma̱ cha' tyanu yabe' ji'i̱ ngu' bi', masi xcui' cha' tso'o ti jña ma̱ cuentya ji'i̱ ngu' bi'.

ROMANOS 12:20

Lo'o jua'a̱ tya nda Ni xi xa' la cha': “Nu lo'o ngujui jbi'ña ji'i̱ tya'a cusu̱u̱ ma̱”, nacui̱ Ni, “tso'o la si ta ma̱ na cacu ngu' bi'; nu lo'o nguityi tsa tya'a cusu̱u̱ ma̱ hitya, ta ma̱ na co'o ngu' li'. Jua'a̱ ta ma̱ sca cha' tyuju'u ti' ji'i̱ ngu'.” Jua'a̱ cha' nscua lo quityi.

LOS HECHOS 18:3

Stu'ba ti ngua'ni Pablo cña lo'o ngu' bi' li', cha' cuityi ni'i̱ late' laca ngu'; bi' cha' ndyanu yu slo ngu' cha' cua'ni yu cña lo'o ngu'.

SAN LUCAS 6:28

La cui' tso'o ti chcui' ma̱ lo'o ñati̱ nu nda qui'ya ji'i̱ ma̱, jua'a̱ chcui' ma̱ lo'o ycui' Ndyosi cuentya ji'i̱ ñati̱ nu nchcui' cha' suba' lo'o ma̱.

1 PEDRO 3:14

Pana si ntsu'u quiya' nu cua'ni lya' ti' ngu' ji'i̱ ma̱ xqui'ya sca cha' tso'o nu ndyu'ni ma̱, tso'o la si ná caca xñi'i̱ ti' tyiquee ma̱ li'; ná cube ti' ma̱, ná cutsi̱i̱ ma̱ ji'i̱ ngu' bi'.

1 PEDRO 2:23

masi nchcui' ngu' cha' suba' lo'o yu, ni sca cha' tyaala ná nguxacui̱ yu ji'i̱ ngu'; nguxcube' tsa ngu' ji'i̱ yu, pana ná ngua ñasi̱' yu ji'i̱ ngu' li'. Sca ti lo'o ycui' Ndyosi Sti yu nchcui' yu ji'i̱ cha' cuxi nu ndyu'ni ngu' lo'o, cha' sca ti ycui' Ni laca nu xcui' liñi ndu'ni cuaya' ji'i̱ ñati̱.

SAN LUCAS 23:34

Lo'o tya ndi'i̱ ngu' nu ngujui'i̱ ca'a̱ ji'i̱ ngu' lo crusi, li' nchcui' Jesús lo'o ycui' Ndyosi Sti yu: ―Sti na' ―nacui̱ yu―, cui'ya nu'u̱ cha' clyu ti' ji'i̱ ngu' re, cha' ná jlo ti' ngu' ni cha' laca ndyu'ni ngu' jua'a̱. Li' ndacha ngu' sendaru bi' ste' Jesús ji'i̱ tya'a ngu' laja lo'o ndijya ti ngu' lo'o tya'a ngu'.

SAN MATEO 5:44

Pana, quiña'a̱ la cha' chcui' na' lo'o ma̱ juani, cha' tso'o ti tyu'u tyiquee ma̱ ña'a̱ ma̱ ji'i̱ tya'a cusu̱u̱ ma̱, lo'o jua'a̱ tso'o ti chcui' ma̱ ji'i̱ ngu' nu nchcui' cuentyu ji'i̱ ma̱, tso'o ti cua'ni ma̱ lo'o ngu' nu ti'í ti' ji'i̱ ma̱; chcui' ma̱ lo'o ycui' Ndyosi cuentya ji'i̱ ngu', masi ndyu'ni lya' ti' ngu' ji'i̱ ma̱, masi nxtyí lo'o ngu' ji'i̱ ma̱.

LOS HECHOS 7:60

Li' ngucha sti̱' yu lo'o lye tsa nchcui' yu chaca quiya': ―Xu'na na' ―nacui̱ yu―, ná sta nu'u̱ qui'ya ji'i̱ ñati̱ re cha' ngu̱ ngu' quee jna' ―nacui̱ Esteban ji'i̱ Jesús. Lo'o jua'a̱ tsa tsiya' ca ngujuii yu li'.

SAN JUAN 15:20

Tyi'u ti' ma̱ cha' nu nchcui' na' lo'o ma̱ tsubi': “Nu laca loo laca nu nclyo cña, si'i ngu' msu ti”. Ñi'ya̱ ndu'ni lya' ti' ngu' jna', jua'a̱ cua'ni lya' ti' ngu' ji'i̱ ma̱. Ná ndaquiya' ngu' ji'i̱ cha' nu ngulu'u na' ji'i̱ ngu', la cui' jua'a̱ ná taquiya' ngu' ji'i̱ cha' nu chcui' cu'ma̱ lo'o ngu' bi'.

JUDAS 1:9

Pana si'i jua'a̱ ngua'ni Miguel nu laca loo ji'i̱ xca̱ ji'i̱ ycui' Ndyosi; nu lo'o ngusu̱u̱ tya'a nu Miguel bi' lo'o nu xña'a̱ xqui'ya jyo'o Moisés, ná nchcui' ni sca cha' cuxi lo'o nu xña'a̱ bi'. Ndi'ya̱ ti nchcui' lo'o: “Ycui' nu Xu'na na' ntsu'u cha' cua'a jinu'u̱”, nacui̱ Miguel ji'i̱ nu xña'a̱ bi' li'.

1 TIMOTEO 4:10

Jlya ti' na ji'i̱ ycui' Ndyosi nu lu'ú ca; bi' cha' lye cua'ni na cña ji'i̱ Ni, masi lya' tsa ti' ngu' ji'na. Lo'o ycui' Ndyosi ni, cua'ni lyaá Ni ji'i̱ lcaa ñati̱ si taquiya' ngu' ji'i̱ Ni. Lo'o xñi na cha' ji'i̱ Ni, li' ca cuayá' tso'o la ti' na cha' bi'.

2 TESALONICENSES 3:8

Ná ndyacu laja ti ya slo cu'ma̱ nu ngua li'; nda ya caya' cha' nguxacu ma̱ ji'i̱ ya, cha' ngua'ni ya cña cha' cajá ñi'ya̱ nu tyiji̱ yu'u ji'i̱ ya. Tsa̱ lo'o talya ngua'ni ya cña lo'o ya' ti ya, cha' si'i cu'ma̱ nu ngüi'ya ma̱ na nu ndyacu ya li'.

1 TESALONICENSES 2:9

Cu'ma̱ ngu' tya'a na, tyi'u ti' ma̱ cha' lye tsa ngua'ni ya cña cha' caja ñi'ya̱ tyiji̱ yu'u ya chalyuu; tsa̱ lo'o talya ngua'ni ya cña lo'o ya' ti ya, cha' ná culiji ma̱ cñi ji'i̱ ma̱ lo ya laja lo'o ngulu'u ya cha' tso'o bi' ji'i̱ ma̱.

1 CORINTIOS 9:6

Si'i sca ti na' lo'o Bernabé nu nga'a̱ cha' cua'ni lye ya cña cha' caja na cacu ya, laja lo'o nclyu'u ya cha' ji'i̱ ycui' Ndyosi ji'i̱ ngu'.

LOS HECHOS 20:34

Jlo ti' ma̱ cha' ycui' na' ngua'ni na' cña lo'o ya' ti na' cha' caja cñi cha' tyiji̱ yu'u jna' chalyuu. Lo'o jua'a̱ tya nda na' xlya'be ji'i̱ ngu' nu ndya'a̱ lo'o na'.

1 PEDRO 4:19

Ndyiji xi cha' ti'í ji'i̱ ma̱ juani chacuayá' ji'i̱ ycui' Ndyosi. Cua jlo ti' Ni cha' bi', pana ná culati'i̱ Ni ji'na si jua'a̱. Ntsu'u cha' tya cua'ni na xcui' cha' tso'o, cha' ña'a̱ ti xñi na cha' ji'i̱ ycui' Ni nu ngüiñá lcaa lo na, masi nchcube' na; chañi cha' cña'a̱si̱i̱ Ni ji'na li'.

ROMANOS 8:35

Ni sca cha' cuxi nu ntsu'u chalyuu ná taca cua'ni cha' culaya' Cristo ji'na juani, cha' ntsu'u tsa tyiquee nu Cristo bi' ña'a̱ Ni ji'na. Ná sca caca ji'na, masi quicha tsa na, masi ti'í ti ndi'i̱ na chalyuu, masi xcube' tsa ngu' ji'na, masi ndyiji jbi'ña ji'na, masi tye ste' na ngusu̱, masi ntsu'u tsa cha' cuxi su ndi'i̱ ti na, masi cujuii ngu' ji'na; lcaa cha' bi' ná caca cua'ni cha' culaya' Cristo ji'na.

2 CORINTIOS 11:8

Ca ta'a taju ngu' tya'a na nu ngusñi cha' ji'i̱ Jesucristo xa' quichi̱ ni, bi' laca ngu' nu nxtyucua 'na lo'o cñi tyucui tyempo lo'o ngua'ni na' cña ca su ndi'i̱ cu'ma̱; ná ngusñi ti na' caya' ji'i̱ ngu' bi', cha' jua'a̱ ngua nxtyucua na' ji'i̱ ma̱ li'.

EFESIOS 4:28

Cu'ma̱ nu nguaana ma̱ na nu ntsu'u ji'i̱ ñati̱ tya tsubi' la, nga'a̱ cha' xtyanu ma̱ cña bi' ji'i̱ ma̱, clyana ma̱ cña tso'o la nu cua'ni ycui' ma̱; tso'o la si cua'ni ma̱ cña lo'o ya' ycui' ma̱, cha' jua'a̱ caja xi ñi'ya̱ nu xtyucua ma̱ ji'i̱ tya'a ma̱ nu lyiji tsa ji'i̱.