1 CORINTIOS 3:8 - Chatino Tataltepec

⁸ Sca ti cuayá' ndu'ni ya lo'o tya'a ya, masi nda ya cha' lo'o cu'ma̱ su clyo, masi nclyu'u tso'o la ya cha' bi' ji'i̱ ma̱ ca tiya' la. Ycui' Ndyosi ni, tya ta la Ni cha' tso'o ji'i̱ ya, tsa ña'a̱ nu ndyu'ni tso'o ya cña ji'i̱ Ni.

1 CORINTIOS 3:8 Referans Kwoze

ROMANOS 2:6

Tsa̱ bi' tya Ni ji'na tsa ña'a̱ nu ngua'ni na lo'o nguti'i̱ na chalyuu;

2 JUAN 1:8

Bi' cha' tii ti ti' ma̱ tyi'i̱ ma̱ chalyuu, cha' ná culiji yu'u jua'a̱ ti lcaa cha' nu cua ndyuna ma̱ lo'o nguti'i̱ ya ca slo ma̱. Li' caja lcaa cha' tso'o nu cua nti' ycui' Ndyosi ta Ni ji'i̱ ma̱ lo'o tye chalyuu.

SAN MATEO 16:27

Chañi cha' chaca quiya' ca̱a̱ na' nu cua nda Ni 'na lijya̱ na' cha' caca na' ñati̱, stu'ba ti ca̱a̱ na' lo'o lcaa xca̱ ji'i̱ ycui' Ndyosi; ndubi tsa ña'a̱ loo na' lo'o xee ji'i̱ ycui' Ndyosi Sti na' li'. Lo'o li' ta na' xcaya' ngu', ni cña nu cua ngua'ni scaa ngu' lo'o ya̱a̱ ngu' chalyuu.

APOCALIPSIS 22:12

―Cua'a̱ jyaca̱ ma̱ ji'i̱ cha' nu chcui' na' re ―nacui̱ ycui' Jesús li'―. Yala ti ca̱a̱ na' chaca quiya'. Lo'o ca̱a̱ na', li' tyi'u ti' na' cha' cua'ni na' lo'o lcaa ñati̱ ñi'ya̱ nu ngua'ni ngu' lo'o ya̱a̱ ngu' chalyuu; tso'o tsa caca ji'i̱ ngu' nu ngua'ni cha' tso'o, lo'o jua'a̱ cha' ti'í caja ji'i̱ ngu' nu ngua'ni cha' cuxi.

1 CORINTIOS 15:58

Cu'ma̱ tya'a ngusñi na cha' ji'i̱ Jesús, ntsu'u tsa tyiquee na' ña'a̱a̱ ji'i̱ cu'ma̱. Ndi'ya̱ ñacui̱ na' ji'i̱ ma̱, cha' ña'a̱ ti xñi tso'o ma̱ cha' ji'i̱ ycui' Ndyosi, lcaa tsa̱ jlya ti' ma̱ ji'i̱ Ni; xcui' lye tsa cua'ni ma̱ cña ji'i̱ ycui' nu Xu'na na, ná ca taja ti' ma̱ lo'o cua'ni ma̱ cña bi'. Cua jlo ti' ma̱ cha' ná culiji jua'a̱ ti sca cña nu ndyu'ni ma̱ cuentya ji'i̱ ycui' Ndyosi.

1 PEDRO 5:4

Nu lo'o tyu'u tucua ycui' nu Xu'na na, li' ta Ni na tso'o nu tyacua ji'i̱ ma̱. Ná nga'a̱ cha' tye tsiya' ti na nu ta Ni ji'i̱ lcaa na nu ntsu'u cña ji'na cha' ña'a̱si̱i̱ na ji'i̱ taju ñati̱ ji'i̱ Ni; si'i ñi'ya̱ nti' ngana nu caja ji'na lo'o ndyu'ni na cña nde chalyuu nu yala ti tye bi'.

HEBREOS 6:10

Lo'o jua'a̱ liñi tsa ndu'ni ycui' Ndyosi lo'o na. Ná cjlyaa ti' Ni lcaa cha' tso'o nu cua ndyu'ni ma̱, nu lo'o nxtyucua ma̱ ji'i̱ ngu' tya'a ngusñi na cha' ji'i̱ Jesús, cha' cua quiña'a̱ xi cña ndyu'ni ma̱ cuentya ji'i̱ ngu' bi'. Xqui'ya cha' ndyu'ni ma̱ jua'a̱, bi' cha' jlo ti' xa' ñati̱ cha' ntsu'u tsa tyiquee ma̱ ji'i̱ Jesús, cha' ña'a̱ ti tya ndyu'ni ma̱ cha' tso'o lo'o ngu' juani.

GÁLATAS 6:4

Ntsu'u cha' cui'ya na cuentya ñi'ya̱ nu ndi'i̱ scaa na chalyuu. Si chañi cha' tso'o tsa ndu'ni na, cha' ji'i̱ ycui' na laca cha' bi'; ná ntsu'u cha' cua'ni tyucuaa ti' na lo'o xa' la ñati̱.

1 CORINTIOS 3:14

Nu lo'o talo cña nu ngua'ni sca ñati̱ lo'o cua ndyaa lo quii' bi', li' ta Ni cha' tso'o nu tyacua ji'i̱ ñati̱ bi'.

1 CORINTIOS 3:9

Tya'a ndyu'ni ya cña ji'i̱ ycui' Ndyosi laca cuare; lo'o cu'ma̱ ni, ndu'ni Ni cña ne' cresiya ji'i̱ ma̱, cña ji'i̱ ycui' Ndyosi laca bi'. Lo'o jua'a̱ taca ta na' chaca cui̱i̱ lo'o ma̱ juani: ñi'ya̱ si laca ma̱ sca ni'i̱ tonu, jua'a̱ laca ma̱ cuentya ji'i̱ ycui' Ndyosi;

APOCALIPSIS 2:23

hasta cujuii na' ji'i̱ ñati̱ nu ngusñi cha' ji'i̱ nu cuna'a̱ bi', nacui̱ Ni. Lo'o li' lcaa taju ñati̱ ji'i̱ Jesucristo lcua ti quichi̱, caja cha' ji'i̱ ngu' cha' cua ngua'ni tye na' ji'i̱ cha' cuxi bi'; li' taca jlya tso'o ti' ngu' cha' cua jlo ti' na' lcaa ña'a̱ cha' nu nclyacua ti' ñati̱ chalyuu. Lo'o li' ca cuayá' ti' lcaa ma̱ cha' la cui' ñi'ya̱ ngua'ni ma̱ cha' cuxi tya lo'o ya̱a̱ ma̱ chalyuu, jua'a̱ xcube' na' ji'i̱ ma̱, nacui̱ Jesús.

1 CORINTIOS 3:7

ná ndu'ni cha' tilaca laca nu cua nda cha' bi' lo'o ma̱ tya clyo la, ná ndu'ni cha' tilaca laca nu tya nda la cha' bi' lo'o ma̱ ca tiya' la. Sca ti ycui' Ndyosi laca nu ndulo tsa cha' ji'i̱, cha' ycui' Ndyosi laca nu ndu'ni cha' tyanu tachaa cha' ji'i̱ Ni ne' cresiya ji'i̱ ma̱.

1 CORINTIOS 4:15

Ntsu'u tsa ngu' tya'a ntsu'u cha' ji'na lo'o Cristo nu taca xtyucua ngu' ji'i̱ ma̱, pana sca ti na' ndu'ni na' ñi'ya̱ nu ndu'ni sti ma̱, cha' ndye ndacha' na' cha' tso'o nu cua nda Jesucristo lo'o na ji'i̱ ma̱; xqui'ya na' ngusñi ma̱ cha' ji'i̱ Jesús.

1 CORINTIOS 9:7

¿Ha ná jlo ti' ma̱ ñi'ya̱ ndu'ni ñati̱ chalyuu cha' tyiji̱ yu'u ji'i̱ ngu' chalyuu? Ñi'ya̱ nti' ngu' sendaru ni, ná ndya'a̱ bi' cusu̱u̱ laja ti, ntsu'u nu nda caya' ji'i̱ ngu'. Lo'o jua'a̱ ñati̱ nu ntsu'u cña ne' quixi̱' ni, ndyiji na cacu ngu' lo na nu ntyaa ngu'; nu ngu' nu ndya'a̱ lo'o scu̱' ñati̱ ni, ndyi'yu ngu' styi' nu ndyu'u ji'i̱ scu̱' ngu'. Bi' cha' ntsu'u chacuayá' ji'i̱ ya cha' caja na nu tyiji̱ yu'u ji'i̱ ya chalyuu. Jua'a̱ ni na' ji'i̱ ngu' bi'.

GÁLATAS 6:5

Nga'a̱ cha' talo na ji'i̱ cña ji'na, lcaa cha' nu ndyacua ji'na chalyuu.

SAN LUCAS 19:19

La cui' ti cha' nacui̱ rey bi' ji'i̱: “Culo nu'u̱ cña ji'i̱ ca'yu tya'a quichi̱ cuentya jna' lacua”, nacui̱ rey ji'i̱ msu bi'.