1 CORINTIOS 3:6 - Chatino Tataltepec

⁶ Ñi'ya̱ laca sca ñati̱ nu cataa sca si'yu, lo'o li' chaca laca nu su'ba hitya su̱u̱ na cuiñii bi', jua'a̱ laca cuare lo'o ma̱; na' laca̱ nu ya̱a̱ ndacha' na' cha' bi' ji'i̱ ma̱ su clyo, lo'o tiya' la li' ñaa Apolos nda la cha' bi' lo'o ma̱. Pana sca ti ycui' Ndyosi laca nu ndu'ni cha' tyanu tso'o cha' bi' ne' cresiya ji'i̱ ma̱;

1 CORINTIOS 3:6 Referans Kwoze

1 CORINTIOS 1:30

Ndi'ya̱ laca cha': cua nacui̱ ycui' Ndyosi cha' caca stu'ba cha' ji'na lo'o Jesucristo, lo'o jua'a̱ cua nda Ni ji'i̱ Jesucristo ji'na. Masi ná nchca ji'na, pana nu Jesucristo ni, lcaa cha' nchca ji'i̱ ycui'. Xqui'ya nu Jesús bi' nchca tso'o cresiya ji'na ñati̱ cuxi na cuentya ji'i̱ ycui' Ndyosi; xqui'ya Jesús taca caca na ñati̱ ji'i̱ ycui' Ndyosi, cha' Jesús laca nu ngua'ni lyaá ji'na ji'i̱ nu cuxi.

1 CORINTIOS 9:1

Cua ntsu'u chacuayá' 'na cha' cua'ni na' cua ña'a̱ ca lo cha'. Cua ngua'a̱ loo ycui' Ndyosi 'na cha' cua'ni na' cña ji'i̱ Ni, nu lo'o na'a̱ na' ji'i̱ ycui' Jesús nu Xu'na na. Ngusñi ma̱ cha' ji'i̱ Jesús juani xqui'ya cha' ndu'ni na' cña ji'i̱ Ni,

LOS HECHOS 19:1

Laja lo'o ndi'i̱ Apolos quichi̱ Corinto, la cui' tyempo bi' ndyaa Pablo nde ca'ya, ña'a̱ cuayá' nu ndyalaa yu nde quichi̱ Efeso. Ca bi' ndyacua tya'a yu lo'o xi ñati̱ nu ndyu'ni tlyu ji'i̱ ycui' Ndyosi.

LOS HECHOS 11:18

Nu lo'o ndyuna ngu' cha' nu nchcui' Pedro lo'o ngu', nga'aa ngua chcui' tyaala ngu' bi' lo'o Pedro. Li' ngua'ni tlyu ngu' bi' ji'i̱ ycui' Ndyosi. Ndi'ya̱ nchcui' ngu' lo'o Ni li': ―Ndyosi Sti ya, tso'o tsa ndu'ni nu'u̱ lo'o ngu' xa' tsu', masi si'i ngu' judío laca ngu' bi' ―nacui̱ ngu' ji'i̱ ycui' Ndyosi―. Ndu'ni nu'u̱ cha' ca tyuju'u ti' ngu' ji'i̱ lcaa cha' cuxi nu ntsu'u ji'i̱ ngu', cha' caja chalyuu nu ná nga'a̱ cha' tye ji'i̱ ngu' bi'.

1 TESALONICENSES 1:5

xqui'ya cha' ngusñi ma̱ cha' tso'o nu cua nchcui' ya lo'o ma̱, la cui' cha' tlyu nu nda Xtyi'i ycui' Ni cha' chcui' ya lo'o ma̱; Xtyi'i ycui' Ndyosi ngua'ni cña laja lo'o nchcui' ya lo'o ma̱, bi' cha' ngusñi ma̱ cha' bi'. Lo'o jua'a̱ jlo ti' ma̱ ñi'ya̱ ngua cña nu ngua'ni ya lo'o nguti'i̱ ya ca slo cu'ma̱.

ROMANOS 15:18

Pana tsa bi' ti cha' chcui' na' lo'o ma̱, cha' ji'i̱ cña nu ngua'ni Jesús, cha' caja ñi'ya̱ nu taquiya' ngu' xa' tsu' ji'i̱ cha' nu nchcui' ycui' Ndyosi. Si'i sca ti na' nu ngua'ni na' cña bi', pana Xtyi'i ycui' Ndyosi ngua'ni cña lo'o na' lo'o nchcui' na' lo'o ngu'.

LOS HECHOS 21:19

Nchcuicha' Pablo ji'i̱ ngu' bi', li' nchcui' yu lo'o ngu', ndacha' yu lcaa ña'a̱ cña nu ngua'ni ycui' Ndyosi lo'o nguti'i̱ ya slo ngu' xa' tsu'.

LOS HECHOS 18:24

La cui' tyempo ndyalaa sca nu qui'yu ngu' judío nde quichi̱ Efeso. Apolos naa yu bi', lo'o Alejandría naa quichi̱ tyi yu. Jlo tsa ti' yu lcaa cha' ji'i̱ ycui' Ndyosi nu nscua lo quityi tya sa'ni la, lo'o jua'a̱ tso'o tsa nchcui' yu cha' ji'i̱ ycui' Ndyosi lo'o ñati̱.

LOS HECHOS 16:14

Lidia naa sca nu cuna'a̱ bi'; ngu' Tiatira laca, lo'o cña ji'i̱ laca cha' ndujui' late' nde quichi̱ Filipos bi', sca lo late' nu cuaa ña'a̱, nu tso'o xi ña'a̱. Ndu'ni tlyu ma' cusu' bi' ji'i̱ ycui' Ndyosi, cha' tso'o ndyuna ma' cha' ji'i̱ ycui' Ndyosi nu Xu'na na; jua'a̱ nguxtyucua Ni ji'i̱ ma' cha' cui'ya tso'o cuentya ñi'ya̱ nu ndyu'u cha' nu ngulu'u Pablo ji'i̱ ngu'.

LOS HECHOS 14:27

bi' cha' ndyalaa ngu' chaca quiya' quichi̱ Antioquía bi'. Li' ndyu'u ti'i̱ lcaa ñati̱ ji'i̱ Jesucristo slo ngu'; ndu̱ Pablo lo'o Bernabé nda ngu' cha' lo'o tya'a ngu', lcaa ña'a̱ cha' nu cua ngua'ni ycui' Ndyosi lo'o ngu' ca su ndyaa ngu' tyijyu', cha' jua'a̱ cua nda Ni chacuayá' cha' xñi ngu' xa' tsu' cha' ji'i̱ Jesucristo.

1 CORINTIOS 1:12

xa' ña'a̱ nchcui' sa scaa ma̱. Ntsu'u sca taju ji'i̱ ma̱ nu nacui̱: “Ji'i̱ Pablo ngusñi ya cha'”; chaca taju ji'i̱ ma̱ nacui̱: “Ñati̱ ji'i̱ Apolos laca ya”; jua'a̱ tya xa' la ngu' taju ji'i̱ ma̱ nacui̱ ngu': “Ñati̱ ji'i̱ Pedro laca ya”; jua'a̱ tya xa' la ngu' nacui̱: “Ñati̱ ji'i̱ Cristo laca ya”.

1 CORINTIOS 3:7

ná ndu'ni cha' tilaca laca nu cua nda cha' bi' lo'o ma̱ tya clyo la, ná ndu'ni cha' tilaca laca nu tya nda la cha' bi' lo'o ma̱ ca tiya' la. Sca ti ycui' Ndyosi laca nu ndulo tsa cha' ji'i̱, cha' ycui' Ndyosi laca nu ndu'ni cha' tyanu tachaa cha' ji'i̱ Ni ne' cresiya ji'i̱ ma̱.

1 CORINTIOS 3:22

masi na', masi Apolos, masi Pedro; lo'o jua'a̱ cuentya ji'i̱ cu'ma̱ laca cua ña'a̱ ca cha' nu ndyaca nde chalyuu, masi lu'ú na, masi cua ngujuii na, masi sca cha' nu ndyaca juani, masi sca cha' nu caca tyempo nde loo la; cuentya ji'i̱ cu'ma̱ laca lcaa cha' nu ndyaca nde chalyuu lacua.

EFESIOS 3:17

ndijña na' ji'i̱ Ni cha' ca cuayá' ti' ma̱ cha' ngua'ni Ni cha' cua ndyanu Xtyi'i ycui' Jesús ne' cresiya ji'i̱ ma̱, nu lo'o ngusñi tso'o ma̱ cha' ji'i̱ ycui' Ndyosi; ndijña na' ji'i̱ Ni cha' tsa cu' ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱, xqui'ya cha' tso'o tsa ngusñi su̱u̱ cha' bi' ne' cresiya ji'i̱ ma̱;