1 CORINTIOS 3:21 - Chatino Tataltepec

²¹ Bi' cha' nga'aa cua'ni tyixi ma̱ lo'o tya'a ma̱, nga'aa tyu'u lca'a̱ tsa ma̱ ji'i̱ sca ti ñati̱ tya'a ya. Cuentya ji'i̱ cu'ma̱ laca cua ña'a̱ ca tya'a ndyu'ni ya cña,

1 CORINTIOS 3:21 Referans Kwoze

ROMANOS 8:32

Ná nda ycui' Ndyosi chacuayá' ji'i̱ Jesús cha' tya'a̱chu̱' yu ji'i̱ cña ji'i̱ Ni jua'a̱ ti, masi nu sca ti Sñi' ycui' Ni laca yu; nda Ni ji'i̱ yu cha' cajaa lo crusi cuentya ji'i̱ lcaa na lo'o tya'a na. Cua nda Ni lcaa cha' tso'o nu ji'i̱ ycui' ca Ni ji'i̱ Jesús, la cui' nu laca nu sca ti Sñi' ycui' Ni. Lo'o jua'a̱ sca ti cuayá' nu ta Ni cha' bi' ji'na, ñi'ya̱ lo'o nda Ni cha' bi' ji'i̱ Sñi' ycui' Ni.

1 CORINTIOS 4:6

Nchcui' na' cha' bi' lo'o cu'ma̱ cha' taca tyi'i̱ tso'o ti ma̱. Cua nchcui' tsa na' ji'i̱ tyucuaa ya, na' lo'o Apolos, cha' taca culacua xi ti' ma̱ ñi'ya̱ ntsu'u cha' ji'i̱ ya; jua'a̱ caca cuayá' ti' ma̱ cha' ná tso'o xñi ma̱ xi xa' la cha', nu si'i ñi'ya̱ nu nscua lo quityi cha' ji'i̱ ycui' Ndyosi. Ná tso'o cha' chcui' tso'o ma̱ lo'o sca yu tya'a ya nu lca'a̱ tsa ma̱ ji'i̱, lo'o li' cua'ni xña'a̱ ma̱ lo'o chaca yu tya'a ya.

ROMANOS 8:28

Jlo ti' na cha' cua nda ycui' Ndyosi chacuayá' ñi'ya̱ caca lcaa cha' nu ndyaca chalyuu, cha' caca tso'o chalyuu su ndi'i̱ na si ntsu'u tyiquee na ña'a̱ na ji'i̱ Ni. Na cua ngusubi Ni ji'na juani, cha' caca na ñi'ya̱ nu ngua ti' Ni tya clyo cha' caca na.

APOCALIPSIS 21:7

Ndi'ya̱ caca ji'i̱ ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu; cua'ni tlyu ngu' bi' 'na cha' na' laca̱ ycui' Ndyosi cuentya ji'i̱ ngu', lo'o jua'a̱ caca ngu' bi' sñi' na'.

ROMANOS 4:13

Lo'o jua'a̱ ngua cha' ngüiñi cha' ji'i̱ ycui' Ndyosi lo'o jyo'o Abraham, lo'o ñati̱ ji'i̱ Abraham nu ñaa chalyuu ca tiya' la; nacui̱ Ni cha' tyucui ña'a̱ chalyuu caca ji'i̱ ngu' bi' ca tiya' la. Pana bilya ta Ni cha' lo'o jyo'o Moisés nu ngua li', cha' bilya cala nu Moisés bi'; bi' cha' ná ndaquiya' jyo'o Abraham ji'i̱ cña nu ngulo Moisés, cha' tya lyiji caja cha' bi' ji'i̱ ngu'. Ngua tso'o cresiya ji'i̱ ngu' bi' cuentya ji'i̱ ycui' Ndyosi xqui'ya cha' jlya ti' ngu' ji'i̱ cha' nu nchcui' Ni, bi' cha' ngüiñi cha' ji'i̱ Ni lo'o ngu'.

2 CORINTIOS 4:5

Nu cha' nu nda ya lo'o ngu' ni, si'i cha' ji'i̱ ycui' ca ya nchcui' ya. Ndi'ya̱ laca cha' nu nchcui' ya lo'o ngu': Jesucristo laca Xu'na tyucui ña'a̱ nde cua̱, lo'o la cui' Ni laca Ni loo ji'i̱ tyucui ña'a̱ nde chalyuu. Bi' cha' ñacui̱ ya cha' xqui'ya Jesús nu Xu'na na ndyu'ni ya cña cuentya ji'i̱ ma̱.

2 CORINTIOS 4:15

Ndalo ya ji'i̱ lcaa cha' ti'í nu ndyacua ji'i̱ ya xqui'ya cu'ma̱; tiya' la li' tyatu̱ quiña'a̱ la tya'a ñati̱ ma̱ nu taca tya xlya'be ji'i̱ ycui' Ndyosi cuentya ji'i̱ ya, cha' jua'a̱ quiña'a̱ tsa tya'a ñati̱ ma̱ ntsu'u nu cua ngujui xlya'be nu ta ycui' Ndyosi ji'i̱ ma̱. Lo'o li' stu'ba ti taca cua'ni chi̱ na loo ycui' Ndyosi.

2 CORINTIOS 6:10

Masi xñi'i̱ tsa ti' ya xqui'ya cha' ti'í nu ndyacua ji'i̱ ya tu'ni, pana ña'a̱ ti chaa ti' ya; ti'i tsa ya tu'ni, pana ndyiji juersa ji'i̱ ya cha' xtyucua ya ji'i̱ tyu̱u̱ tya'a ñati̱. Masi ná sca na ntsu'u ji'i̱ ya tsiya' ti lo'o ndi'i̱ ya nde chalyuu; pana ycui' Ndyosi nxtyucua ji'i̱ ya, lcaa na ntsu'u ji'i̱ ya li'.