1 CORINTIOS 16:7 - Chatino Tataltepec

⁷ Ná nti' na' cha' tyeje tacui na' jua'a̱ ti slo ma̱; na cua nti' na' tyanu na' xi tyempo lo'o ma̱, chacuayá' ji'i̱ ycui' nu Xu'na na.

1 CORINTIOS 16:7 Referans Kwoze

LOS HECHOS 18:21

Ngusalya' yu lo'o ngu' bi' li': ―Ntsu'u cha' tsa'a na' ca Jerusalén cha' cua ngulala ta'a ―nacui̱ Pablo ji'i̱ ngu'―. Li' xtyu̱u̱ na' chaca quiya' nde quichi̱ re, si jua'a̱ nti' ycui' Ndyosi ―nacui̱ yu. Ndu'u Pablo quichi̱ Efeso ndyatí̱ yu ne' yaca ni'i̱, ndyaa yu li'.

SANTIAGO 4:15

Tso'o la si ndi'ya̱ ti cha' ta ma̱ lo'o ñati̱: “Nde ti tyi'i̱ ya”, ñacui̱ ma̱, “nde cña cua'ni ya; masi cña bi' cua'ni ya, sca ti si ta ycui' Ndyosi chacuayá' cua'ni ya jua'a̱”, ñacui̱ ma̱.

1 CORINTIOS 4:19

Pana ná cube ti' ma̱, ca̱a̱ na' yala ti ca su ndi'i̱ ma̱ chacuayá' ji'i̱ ycui' Ndyosi nu Xu'na na. Lo'o li' quijeloo cha' ji'i̱ ma̱ jna', nu lo'o ña'a̱ na' ñi'ya̱ ndyu'ni nu ngu' tyixi bi'; si'i na ntucuá na' ji'i̱ ngu' xqui'ya cha' nu nda ti ngu' bi' li'.

2 CORINTIOS 1:15

Jua'a̱ ngua ti' na', bi' cha' ngulacua ti' na' tsa'a na' slo cu'ma̱ tya clyo. Ná tyiquee' tsaa na'a̱ na' ji'i̱ cu'ma̱ tucua quiya' ngua ti' na' nquicha', cha' ca tso'o cresiya ji'i̱ ma̱.

ROMANOS 1:10

Lo'o jua'a̱ lcaa tsa̱ ndijña na' chacuayá' ji'i̱ Ni cha' tsa'a na' slo cu'ma̱, cha' tyi'i̱ na' xi lo'o ma̱, cua ña'a̱ ca hora nu nti' ycui' Ni.

SAN MATEO 3:15

Li' nchcui' Jesús lo'o yu: ―Tso'o tyucuatya nu'u̱ jna' juani ―nacui̱ Jesús ji'i̱ Juan―, cha' jua'a̱ tso'o si cua'ni na lcaa cña nu nti' ycui' Ndyosi cha' cua'ni na. Lo'o ndyuna Juan cha' nu nchcui' Jesús lo'o, ntyucuatya yu ji'i̱ Jesús li'.