1 CORINTIOS 16:18 - Chatino Tataltepec

¹⁸ cua ngua'ni ngu' bi' cha' nguula la ti' tyiquee na', la cui' ñi'ya̱ nu ngua'ni ngu' bi' lo'o cu'ma̱. Nga'a̱ cha' taquiya' ma̱ ji'i̱ lcaa ñati̱ nu ndyu'ni cña jua'a̱.

1 CORINTIOS 16:18 Referans Kwoze

FILEMÓN 1:7

Tso'o tsa tyiquee na' juani, tlyu tyiquee na' xqui'ya nu'u̱, lo'o ngujui cha' 'na cha' ntsu'u tsa tyiquee nu'u̱ ña'a̱ nu'u̱ ji'i̱ ngu' tya'a na, cha' nxtyucua tsa nu'u̱ ji'i̱ ngu' tya'a na cha' talo tyiquee ngu'. Chañi cha' tya'a na cuentya ji'i̱ Jesucristo laca nu'u̱.

2 CORINTIOS 7:13

Lo'o nu juani tso'o la nti' ya cuentya ji'i̱ cu'ma̱. Tso'o ti nti' ycui' ya lacua; lo'o jua'a̱ lye la chaa ti' ya juani cha' cua na'a̱ ya ji'i̱ Tito, cha' tso'o tsa ngua ti' yu. Ca ta'a cu'ma̱ ngua'ni ma̱ cha' ti̱ ti cresiya ji'i̱ yu ndyalaa yu juani.

1 TESALONICENSES 5:12

Cu'ma̱ tya'a ngusñi na cha' ji'i̱ Jesús, ndijña ya ji'i̱ ma̱ cha' cui'ya ma̱ cuentya ji'i̱ lcaa ña'a̱ cha' tso'o nu ndyu'ni ngu' nu laca cña ji'i̱ ma̱. Cua nda ycui' nu Xu'na na cña ji'i̱ ngu' bi' cha' caca ngu' loo, cha' culu'u ngu' bi' ji'i̱ ma̱ cua ña'a̱ ca cha' tso'o nu caca cua'ni ma̱ cuentya ji'i̱ ycui' Ndyosi.

COLOSENSES 4:8

Bi' cha' nda na' ji'i̱ yu cha' ca̱a̱ yu ca su ndi'i̱ ma̱, cha' ca chaa ti' ma̱ chaca quiya' lo'o ña'a̱ ma̱ ji'i̱ yu; nti' na' cha' cacha' yu ji'i̱ ma̱ ñi'ya̱ nu ndyaca ji'i̱ lcaa tya'a ya su ndi'i̱ ya ca nde.

ROMANOS 15:32

Lo'o jua'a̱ jña ma̱ cha' ji'i̱ Ni, cha' tso'o ti caca tyiquee na' lo'o tyalaa na' ca su ndi'i̱ ma̱, cha' xa' caca nguula ti' tyiquee na' nu lo'o tyi'i̱ na' lo'o ma̱, si jua'a̱ nti' Ni cha' caca.

3 JUAN 1:4

Sca ti cha' nclyacua ti' na' cuentya ji'i̱ cu'ma̱, si chañi cha' ndaquiya' ma̱ ji'i̱ cha' liñi nu cua nda Jesús lo'o na, cha' cuañi' la cu'ma̱ cuentya jna'; tso'o tsa ntsu'u tyiquee na' lo'o ndyuna na' cha' jua'a̱ ndu'ni ma̱.

FILEMÓN 1:20

Tya'a na laca yu chacuayá' ji'i̱ Jesucristo, bi' cha' ñi'ya̱ nu ngüijña na' jinu'u̱ tsa̱ cha' tso'o ti chcui' nu'u̱ lo'o yu, jua'a̱ cua'ni nu'u̱ lo'o yu, cha' jua'a̱ taca xtyucua nu'u̱ 'na cha' talo na' ca nde.

HEBREOS 13:7

Tyi'u ti' ma̱ ji'i̱ ngu' jyo'o tya'a ma̱ nu ngua loo ji'i̱ ma̱ chacuayá' ji'i̱ Jesucristo; ngu' bi' laca nu cua nchcui' cha' ji'i̱ ycui' Ndyosi lo'o ma̱ tya clyo, bi' cha' culacua tso'o ti' ma̱ ji'i̱ cña tso'o nu ngua'ni ngu' bi' nde chalyuu. Cua'ni ma̱ ñi'ya̱ nu ngua'ni ngu' bi' lo'o ngusñi ngu' cha' ji'i̱ ycui' Ndyosi.