1 CORINTIOS 15:51 - Chatino Tataltepec

⁵¹ Nti' na' cha' caca cuayá' ti' ma̱ sca cha' nu bilya cuna ñati̱: Ná lcaa na cajaa na; ntsu'u na nu ña'a̱ lu'ú ti na caca na lo'o qui'ya Ni ji'na, nu lo'o cua tye ti chalyuu. Pana lcaa na tsi tsiya' ca cha'a̱ tyucui ña'a̱ na

1 CORINTIOS 15:51 Referans Kwoze

FILIPENSES 3:21

Xcutsa'a̱ Ni ji'i̱ tyucui ña'a̱ na li', cha' caca na ñi'ya̱ laca ycui' Ni. Quicha ti ti' tyucui ña'a̱ na juani, pana ycui' Ndyosi ni, tso'o tsa ña'a̱ tyucui ña'a̱ Ni; la cui' jua'a̱ caca tyucui ña'a̱ na nde loo la li'. Taca ji'i̱ Ni culo Ni cña ji'i̱ lcaa lo na nu ntsu'u chalyuu, lo'o jua'a̱ taca ji'i̱ Ni xcutsa'a̱ Ni ji'i̱ tyucui ña'a̱ na tsiya' ti.

1 CORINTIOS 15:20

Chañi tsa cha' cua ndyu'ú Cristo chaca quiya' lacua. Lo'o ca tiya' la, li' tyu'ú quiña'a̱ la ñati̱ chaca quiya', lcaa ñati̱ nu ntsu'u cha' ji'i̱ ngu' lo'o Cristo; tyu'ú jyo'o su ntsiya nguatsi' nquicha', xa' tyu'ú ngu' chaca quiya', li' tsaa ngu' tyi'i̱ ngu' lo'o Cristo. Pana juani cua yala la ndyu'ú Cristo chaca quiya' cha' ta na cuentya ñi'ya̱ caca cha' bi'.

EFESIOS 1:9

Ñi'ya̱ nu ngua'ya cha' hique Ni tya sa'ni, jua'a̱ ngua'ni Ni li'; masi ná ndacha' Ni ji'i̱ ñati̱ chalyuu nu ngua sa'ni ñi'ya̱ caca cha' bi', tya li' ngua ti' Ni cha' cua'ni Ni cha' cala Cristo nde chalyuu. Hasta juani cua ngua cuayá' tso'o ti' na ñi'ya̱ ngua ti' ycui' Ndyosi cha' cua'ni Ni xqui'ya Cristo;

1 CORINTIOS 4:1

Nga'a̱ cha' tyi'u ti' ma̱ cha' cña ji'i̱ ycui' Cristo ndyu'ni ya. Na ndi'ya lo ya cña cha' culu'u ya ji'i̱ ñati̱ lcaa cha' nu cua ngulu'u ycui' Ndyosi ji'i̱ ya; sca cha' nu bilya cuna ñati̱ chalyuu tsiya' ti, bi' laca cha' nu culu'u ya ji'i̱ ngu'.

1 CORINTIOS 15:6

Tiya' la li' ngulu'u loo Jesús ji'i̱ tyu̱u̱ tsa tya'a ñati̱, nteje tacui ca'yu siyento tya'a ñati̱ nu ndi'i̱ se'i̱ ti li'. Lo'o ña'a̱ ti tya tyu̱u̱ tya'a ngu' bi' tya lu'ú ngu', masi ntsu'u xi ngu' bi' nu cua ngujuii.

1 CORINTIOS 2:7

Cua nda ycui' Ndyosi cha' tso'o bi' lo'o na cha' chcui' na lo'o ñati̱. Bilya caca cuayá' ti' ñati̱ chalyuu ji'i̱ cha' bi' tya sa'ni la, cha' ná nti' Ni cha' cuna ñati̱ nu ngua li'. Pana tya lo'o bilya tya' chalyuu, tya li' ngulacua ti' Ni ñi'ya̱ nu cua'ni Ni; ngua ti' ycui' Ndyosi cha' cua'ni lyaá Ni ji'na lo'o xñi na cha' ji'i̱ Jesús. Tlyu tsa cha' tso'o caca ji'na li'.

EFESIOS 5:32

Tlyu tsa cha' nu nscua lo quityi cusu' bi'. Nti' na' cha' cuentya ji'i̱ Cristo nchcui' quityi bi', lo'o jua'a̱ cuentya ji'i̱ ca ta'a na nu ndu'ni tlyu na ji'i̱ Ni tsa tlyu ti, bi' laca cha' nu nchcui' ycui' Ndyosi lo quityi bi'.

EFESIOS 3:3

Cua ndacha' Ni jna' ñi'ya̱ nu nti' Ni cua'ni Ni nde chalyuu. Masi ná ndacha' Ni ji'i̱ ñati̱ sa'ni la ñi'ya̱ cua'ni Ni nde chalyuu, hasta juani ndacha' Ni cha' bi' jna', la cui' ti cha' nu cua nscua tya sa'ni nu caca tyempo juani; cua laca nscua na' xi' cha' bi' lo quityi re nu cua ca̱a̱ ti slo cu'ma̱.

1 CORINTIOS 15:18

Lo'o jua'a̱ lcaa jyo'o cusu' nu ngusñi cha' ji'i̱ Cristo tya tsubi' la, cua nguna' cha' ji'i̱ ngu' bi' si jua'a̱.

1 CORINTIOS 13:2

Ná ndu'ni cha' masi cacha' na lcaa cha' nu nda ycui' Ndyosi lo'o ñati̱, si ná ntsu'u tyiquee na ña'a̱ na ji'i̱ ngu'. Ná ndu'ni cha' masi jlo ti' na lcaa cha' ji'i̱ ycui' Ndyosi, masi tso'o tsa nchca cuayá' ti' na sca cha' nu ná ngujui ñi'ya̱ nu caca cuayá' ti' ñati̱ nu ngua sa'ni la; ná sca na laca na cuentya ji'i̱ ycui' Ndyosi si ná ntsu'u tyiquee na ña'a̱ na ji'i̱ ñati̱. La cui' ti masi jlya tsa ti' na ji'i̱ ycui' Ndyosi ñi'ya̱ nti' si caca cuityi̱ na ji'i̱ sca ca'ya cua̱, pana si ná ntsu'u tyiquee na ña'a̱ na ji'i̱ ñati̱, ná sca na laca na li'.

2 CORINTIOS 5:2

Ná tso'o nti' na ndi'i̱ na nde chalyuu, cha' xcui' quicha tsa ti' na. Chañi cha' cua nti' na tyu'utsu' na nde chalyuu, tyaa clya na ca slo ycui' Ndyosi, cha' yala la caja ni'i̱ cucui bi' ji'na li'.

2 CORINTIOS 5:4

Nchca taja ti' na su ndi'i̱ na nde chalyuu, cha' ndyacua tsa cha' ti'í ji'na. Si'i na nti' na cha' cajaa na yala ti, pana nti' tsa na cha' caca cucui tyucui ña'a̱ na; bi' laca nu cua'ni ycui' Ndyosi lo'o tyalaa na ca su ntucua Ni. Lo'o li' tye cha' cuxi ji'na, tye tyucui ña'a̱ cuaña' na nu nscua cha' cajaa, cha' li' taca quije chaca chalyuu nu tso'o la ji'na, nu ná nga'a̱ cha' tye tsiya' ti.