1 CORINTIOS 15:42 - Chatino Tataltepec

⁴² La cui' jua'a̱ caca na lo'o tyu'ú na chaca quiya'. Lo'o cua ndyaa jyo'o ne' yuu, catsu' bi' li'; pana lo'o tyu'ú bi' chaca quiya', nga'aa quiñu'u̱ bi' tsiya' ti li'.

1 CORINTIOS 15:42 Referans Kwoze

SAN MATEO 13:43

Pana tyanu lcaa ngu' nu lubii tyiquee ca su laca ycui' Ndyosi Sti na loo; caca ndubi tsa ña'a̱ loo ngu' bi' li', ñi'ya̱ ndubi xee cuichaa, xqui'ya cha' ngua lubii cresiya ji'i̱ ngu' tsiya' ti cuentya ji'i̱ ycui' Ni. Cua'a̱ jyaca̱ ma̱ ji'i̱ cha' nu nchcui' na' lo'o ma̱, si chañi cha' nti' ma̱ cuna ma̱.

1 PEDRO 1:4

xqui'ya cha' cua ngua'ni lyaá Jesús ji'na. Ná ntsu'u ni sca cha', ni sca ñati̱ nu taca cua'ni ñu'u̱ ji'i̱ cha' nu cua ngujui ji'na; ni sca na tsiya' ti, ná ca cua'ni tye na bi' ji'i̱ cha' tso'o nu tyacua ji'na ca slo ycui' Ndyosi lo'o cua tye ti cha', ná ntsu'u na nu taca cua'ni cuxi ji'i̱ cha' bi'.

ROMANOS 8:21

cua tyalaa ti sca tsa̱ nu tye lcaa cha' cuxi nu ndu'ni cha' quiñu'u̱ chalyuu, lcaa cha' cuxi nu laca loo ji'na. Lo'o li' tso'o tsa caca lcaa lo na nu ngüiñá Ni nde chalyuu, cha' stu'ba ti cua'ni lyaá Ni ji'i̱ nu na bi' lo'o ji'na nu laca na sñi' ycui' Ni.

LOS HECHOS 2:31

Ngua cuayá' ti' yu tya sa'ni la cha' ntsu'u cha' tyu'ú nu Cristo bi' chaca quiya' lo'o cua ngujuii, bi' cha' nchcui' yu cha' ná tyanu cresiya ji'i̱ Cristo su ndi'i̱ jyo'o, ná catsu' cuaña' Cristo li'.

ROMANOS 1:23

Ná nti' ngu' cua'ni tlyu ngu' ji'i̱ ycui' Ndyosi nu laca loo la, la cui' Ni laca nu ná tye chalyuu ji'i̱ tsiya' ti; ndiya la ti' ngu' cua'ni tlyu ngu' ji'i̱ lcui̱ ñati̱ nu ndyijii ti. Lo'o jua'a̱ ndu'ni tlyu ngu' ji'i̱ lcui̱ quiñi nu ndacui nde cua̱, lo'o ji'i̱ lcui̱ na'ni nu ntucua quiya', lo'o ji'i̱ lcui̱ na'ni nu nsube' ne' ni' lo yuu; bi' laca cha' nu ndu'ni tlyu ngu' ji'i̱.

LOS HECHOS 2:27

Ná tyanu cresiya jna' su ndi'i̱ jyo'o, xqui'ya cha' ná ta nu'u̱ chacuayá' catsu' cuaña' na' jua'a̱ ti, cha' ntsu'u tsa tyiquee nu'u̱ ña'a̱ nu'u̱ jna';

ROMANOS 2:7

sca chalyuu tso'o nu ná nga'a̱ cha' tye, bi' laca nu ta Ni ji'i̱ ngu' tso'o, nu ná nchca taja ti' ndu'ni ngu' cña tso'o lo'o tya'a ngu'. Xcui' ndya'a̱ cha' tyiquee ngu' bi' ji'i̱ cha' tso'o nu ntsu'u ca slo ycui' Ndyosi, xcui' nti' ngu' cha' tyi'i̱ tso'o ti ngu' cuentya ji'i̱ Ni, xcui' ndube ti' ngu' ji'i̱ chalyuu nu lijya̱ nde loo la.

1 CORINTIOS 15:41

xa' ña'a̱ xee cuichaa, lo'o jua'a̱ xa' ña'a̱ xee coo', xa' ña'a̱ xee cuii nu nga'a̱ nde cua̱. Jua'a̱ nu cuii bi', si'i sca ti cuayá' ña'a̱ xee bi'.

GÁLATAS 6:8

jua'a̱ laca ñati̱ na lo'o ndi'i̱ na chalyuu, cha' lo'o cua'ni na cua ña'a̱ ca cha' cuxi nu ndiya ti' na cha' cua'ni na, ná sca cha' tso'o tyacua ji'na nu lo'o cua ndye chalyuu. Tsa lo cua ti cha', ntsu'u cha' cajaa na, lo'o jua'a̱ ti culiji yu'u ti lcaa cha' tso'o nu ntsu'u ji'na. Pana si cua'ni na lcaa ña'a̱ cña nu nti' Xtyi'i ycui' Ndyosi cha' cua'ni na, tso'o tsa tyu'u cha' ji'na li'; caja chalyuu nu ná nga'a̱ cha' tye ji'na. Talo ycui' ca na li', ná tye cña ji'na jua'a̱ ti.