1 CORINTIOS 15:21 - Chatino Tataltepec

²¹ Xqui'ya qui'ya nu ntsu'u ji'i̱ sca ti ñati̱, bi' cha' ntsu'u cha' ndyijii na; la cui' jua'a̱ sca ñati̱ ngua nu ngua'ni cha' tyu'ú na chaca quiya', masi cua ngujuii na.

1 CORINTIOS 15:21 Referans Kwoze

SAN JUAN 11:25

Li' nguxtyacui Jesús cha' lo'o nu cuna'a̱ bi': ―Na' laca̱ nu ndu'ni cha' tyu'ú ñati̱, na' laca̱ nu ndu'ni cha' chañi caca tso'o cresiya ji'i̱ ñati̱ ―nacui̱ Jesús―. Masi cajaa ngu', tya tyu'ú ngu' bi' chaca quiya', caja chalyuu cucui ji'i̱ ngu' si cua ngusñi ngu' cha' jna' ―nacui̱ Jesús ji'i̱ Marta―.

1 CORINTIOS 15:22

Adán naa ñati̱ nu ngutu'u tucua chalyuu clyo, lo'o lcaa na laca na ñati̱ nu ngutu'ú ji'i̱ jyo'o Adán tiya' la, bi' cha' ntsu'u cha' ndyijii na nde chalyuu. Cristo laca nu ñati̱ nu ndyu'ú chaca quiya' bi', xqui'ya bi' taca tyu'ú na chaca quiya' si ntsu'u cha' ji'na lo'o nu Cristo bi'.

ROMANOS 6:23

Tsa bi' ti caya' caja ji'na lo'o ndu'ni na cha' cuxi, cha' chcuna' lyiji cresiya ji'na lo'o; pana si stu'ba ntsu'u cha' ji'na lo'o Jesús nu Xu'na na, li' ta ycui' Ndyosi sca chalyuu nu ná nga'a̱ cha' tye ji'na. Sca cha' xlya'be nu nda ti Ni ji'na laca.