1 CORINTIOS 15:2 - Chatino Tataltepec

² Xqui'ya cha' cua nchcui' na' cha' ji'i̱ Jesús lo'o ma̱, bi' cha' ngulaá ma̱ ji'i̱ nu cuxi; lo'o juani tya nga'a̱ cha' taquiya' tso'o ma̱ ji'i̱ cha' bi', cha' ná ngusñi ma̱ ji'i̱ cha' bi' cha' culiji yu'u cha' bi' jua'a̱ ti.

1 CORINTIOS 15:2 Referans Kwoze

HEBREOS 3:6

Pana nu Cristo bi' ni, tso'o la cña ndu'ni yu, xqui'ya cha' laca yu Sñi' ycui' Ndyosi, lo'o jua'a̱ laca yu loo ji'i̱ lcaa ñati̱ nu ntsu'u cuentya ji'i̱ Ni. La cui' ñati̱ ji'i̱ ycui' Ni laca na, si ña'a̱ ti ná ntsi̱i̱ na ña'a̱ cuayá' tye chalyuu ji'na, si ña'a̱ ti tya tso'o ntsu'u tyiquee na laja lo'o ndu̱ ti' na ji'i̱ Cristo cha' cua'ni lyaá lyiji yu ji'na.

HEBREOS 2:1

Tlyu tsa cha' laca ji'i̱ Jesús juani lacua, bi' cha' nga'a̱ cha' xñi tso'o na lcaa cha' nu cua nchcui' Jesús lo'o na, cha' ná tyu'utsu' na ji'i̱ tyucui̱i̱ liñi nu ngusñi na.

HEBREOS 3:14

Lcaa na lo'o tya'a na, tya ntsu'u cha' ji'na lo'o Cristo si ña'a̱ ti xñi na cha' ji'i̱ Ni ña'a̱ cuayá' nu tye chalyuu ji'na, la cui' ñi'ya̱ lo'o jlya ti' na ji'i̱ yu nu ngua tya clyo.

2 TIMOTEO 1:9

cha' ycui' Ndyosi laca nu ngua'ni lyaá ji'na; cua ngusubi Ni ji'na cha' cua'ni na cña nu nti' Ni cha' cua'ni na. Ntaja'a̱ Ni cua'ni lyaá Ni ji'na cha' tso'o tyiquee ti Ni, masi si'i xqui'ya cha' tso'o nu ngua'ni ycui' ca na. Ntsu'u tsa tyiquee Ni ña'a̱ Ni ji'na; jua'a̱ laca cha' nu ngulu'u Jesucristo ji'na, cha' ngua ti' ycui' Ndyosi cua'ni Ni cha' tso'o lo'o na nu lo'o tya lyiji cuiñá Ni chalyuu.

COLOSENSES 1:23

Pana juani ña'a̱ ti ndulo tsa cha' ji'i̱ ma̱ cha' tyanu tachaa la cha' ji'i̱ Cristo ne' cresiya ji'i̱ ma̱, cha' ycui' yu bi' laca su̱u̱ lcaa cha' bi'. Ná ta ma̱ chacuayá' cha' cñilo'o ngu' ji'i̱ ma̱, cha' si jua'a̱, nga'aa culacua ti' ma̱ ji'i̱ cha' tso'o nu tyacua ji'i̱ ma̱ nde loo la, la cui' cha' nu cua ndyuna ma̱ ji'i̱ tya clyo. Xqui'ya cha' tso'o ji'i̱ Cristo bi', bi' cha' ndya'a̱ ngu' tyucui ña'a̱ chalyuu nchcui' ngu' cha' bi' lo'o ñati̱. Lo'o jua'a̱ na', Pablo, ndya'a̱ tsa na' lo cña bi'.

EFESIOS 2:8

na cua ngulaá na ji'i̱ nu cuxi, xqui'ya cha' jua'a̱ ti ndu'ni Ni cha' tso'o lo'o na lo'o ngusñi na cha' ji'i̱ Cristo. Ni si'i sca cña nu ngua'ni ycui' ca na laca bi', sca cha' tso'o nu ngua'ni ycui' Ndyosi cuentya ji'na jua'a̱ ti laca bi'.

1 CORINTIOS 1:18

Ñati̱ nu ngunu'u̱ chalyuu ji'i̱ xqui'ya cha' cuxi nu ndu'ni ngu', ná nchca cuayá' ti' ngu' bi' tsiya' ti; na nxtyí lo'o ti ngu' ji'na si chcui' na lo'o ngu' ñi'ya̱ ntsu'u cha' ji'i̱ Cristo, cha' ngujuii yu lo crusi xqui'ya na cha' cuityi̱ Ni qui'ya nu ntsu'u ji'na. Pana nu na ni, nu clyaá na ji'i̱ qui'ya nu ntsu'u ji'na xqui'ya Cristo, tlyu tsa cña ngua'ni ycui' Ndyosi, jua'a̱ nti' na.

SANTIAGO 2:26

Lo'o jua'a̱ nu na ni, si ñacui̱ na cha' cua ngusñi na cha' ji'i̱ ycui' Ndyosi, pana ná ndu'ni na cha' tso'o nu xtyucua ji'i̱ tya'a ñati̱ na, li' laca na ñi'ya̱ laca ñati̱ nu ndyaa cresiya ji'i̱ cha' cua ngujuii ngu'.

SANTIAGO 2:14

Cu'ma̱ tya'a ngusñi na cha' ji'i̱ Jesús, ná taca ñacui̱ na cha' ntsu'u cha' ji'na lo'o Jesús, si ná lo'o ndu'ni na cha' tso'o nu xtyucua ji'i̱ tya'a ñati̱ na. Sca ti ngusñi tso'o na cha' ji'i̱ Jesús, si cua'ni na cha' tso'o jua'a̱; li' tyaja'a̱ Ni cua'ni lyaá Ni ji'na.

HEBREOS 10:23

Cua'ni na cha' jlya tso'o ti' na cha' nu cua ngusñi na tya clyo lacua, ná tya'a̱chu̱' na ji'i̱ cha' bi' tsiya' ti. Taca jlya ti' na ji'i̱ ycui' Ndyosi, cha' chañi cha' cua'ni Ni lcaa cha' nu cua nacui̱ Ni ji'na.

SAN LUCAS 8:13

Ñi'ya̱ laca nu chaca ycu' si'yu nu ndyú lo yuu lati tu'ba chu̱' quee, jua'a̱ laca lo'o ñati̱ nu tso'o tsa ntsu'u tyiquee ngu' lo'o ndyuna ngu' cha' tso'o bi' nquicha'. Pana ñi'ya̱ nti' nu calya sube bi', cha' ná qui'ñi ndyaa quiche su̱u̱ chu̱' quee bi', jua'a̱ nti' ñati̱ bi', cha' xti ti tyempo ndalo ngu' lo'o ngusñi ngu' cha' tso'o bi'; lo'o lya' ti' xa' ñati̱ ji'i̱ ngu' bi', yala ti tya'a̱chu̱' ngu' li'.

SANTIAGO 2:17

ná taca ñacui̱ na ji'i̱ ngu' cha' cua ngusñi na cha' ji'i̱ ycui' Ndyosi, si ná lo'o cua'ni na cha' tso'o nu xtyucua ji'i̱ tya'a ñati̱ na.

HEBREOS 4:14

Lo'o cua ngusñi na cha' ji'i̱ Jesús, li' nga'a̱ cha' cua'ni na cha' tso'o ti tyanu cha' bi' ne' cresiya ji'na. Cua laca ntsu'u sca sti jo'ó nu laca loo la nu ndu̱ cuentya ji'na; Jesús laca bi', nu sca ti Sñi' ycui' Ndyosi laca yu. Cua ndyaa Jesús ca su ndi'i̱ ycui' Ndyosi Sti yu; juani ndu̱ Jesús slo Ni, nchcui' cha' ji'na lo'o Ni.

2 TESALONICENSES 2:15

Cu'ma̱ ngu' tya'a na, juani tyi'u tso'o ti' ma̱ lcaa cha' nu ngulu'u ya ji'i̱ ma̱; cua'ni ma̱ cha' caca cuayá' tso'o ti' ma̱ lcaa cha' nu cua nchcui' ya lo'o ma̱, lcaa cha' nu cua nguscua ya lo quityi cha' ca̱a̱ ca slo ma̱.

GÁLATAS 3:4

Masi ngua'ni Ni quiña'a̱ cha' tlyu ca slo ma̱ tya tsubi' la, ntsu'u quiya' nclyacua ti' na' cha' ná ngua tso'o cresiya ji'i̱ ma̱ tsiya' ti, nu lo'o ña'a̱ na' ñi'ya̱ nu ndyu'ni ma̱. Pana jlo ti' na' cha' ngua tso'o la xi cresiya ji'i̱ ma̱ xqui'ya cha' tlyu bi'.

2 CORINTIOS 6:1

Ngu' tya'a ndyu'ni na cña ji'i̱ ycui' Ndyosi laca ma̱; bi' cha' nchcui' tsa ya lo'o cu'ma̱, cha' ná culiji ma̱ cha' tso'o jua'a̱ ti, cha' tso'o nu cua nda Ni cha' tyanu ne' cresiya ji'i̱ ma̱. Na cua ngusñi ma̱ cha' bi' tsaca quiya', bi' cha' ña'a̱ ti taquiya' ma̱ ji'i̱ cha' bi' juani.

ROMANOS 1:16

Ná ntyuju'u ti' na' tsiya' ti cha' culu'u na' cha' tso'o nu ntsu'u ji'i̱ Jesús ji'i̱ ñati̱. Lijya̱ cha' bi' lo'o lcaa chacuayá' ji'i̱ ycui' Ndyosi, cha' cua'ni lyaá Ni ji'i̱ lcaa ñati̱ nu xñi cha' ji'i̱ ycui' Ni. Tya clyo nda Ni cha' tso'o bi' lo'o ngu' judío ti, li' lo'o nda Ni cha' tso'o bi' lo'o ngu' xa' tsu'.

1 CORINTIOS 15:14

Na ñilo'o ngu' ji'na si jua'a̱, ni ná caja cha' nu ta ya lo'o ma̱ li', si cha' cuiñi laca cha' ndyu'ú Cristo chaca quiya'. Jua'a̱ ná caja cha' ji'i̱ Jesús nu xñi ma̱ si chañi cha' nga'aa ndyu'ú yu bi'.

1 CORINTIOS 1:21

Ngua'ni Ni cha' ná caja ñi'ya̱ tyuloo ñati̱ chalyuu ji'i̱ Ni cha' hique ti ngu'; jua'a̱ tso'o la, ngua ti' ycui' Ndyosi. Pana ndu'ni lyaá Ni ji'i̱ ñati̱ nu xñi cha' ji'i̱ Ni; la cui' cha' nu ndacha' na ji'i̱ ngu', masi cha' tonto nchcui' na, nacui̱ ngu' li'.

ROMANOS 11:22

Cui'ya ma̱ cuentya lacua, cha' taca ji'i̱ Ni cua'ni tso'o Ni lo'o ñati̱, lo'o jua'a̱ xa' tyempo taca ji'i̱ Ni cua'ni tyaala Ni ji'i̱ ñati̱, si jua'a̱ nti' Ni. Tyaala tsa ngua'ni Ni lo'o ngu' bi', xqui'ya cha' ná ndaquiya' ngu' ji'i̱ ycui' Ni; lo'o jua'a̱ tso'o ti cua'ni Ni lo'o cu'ma̱, si ña'a̱ ti taquiya' ma̱ ji'i̱ Ni nu ndyu'ni tsa cha' tso'o lo'o ma̱. Si nga'aa taquiya' ma̱ ji'i̱ cha' nu nchcui' Ni, la cui' jua'a̱ culaya' Ni ji'i̱ ma̱ li'.

LOS HECHOS 8:13

Lo'o ycui' Simón ni, ngusñi cha' bi' li', jua'a̱ ntyucuatya Felipe ji'i̱. Li' lcaa tsa̱ ndya'a̱ lca'a̱ ji'i̱ Felipe, cha' ndube tsa ti' Simón lo'o na'a̱ lcaa cña tonu nu ngua'ni nu Felipe bi'.

LOS HECHOS 2:47

cha' ndu'ni tlyu ngu' bi' ji'i̱ ycui' Ndyosi. Tso'o nchcui' lcaa ñati̱ quichi̱ ji'i̱ ngu' bi', jua'a̱ lcaa tsa̱ quiña'a̱ la ñati̱ ngusñi ngu' cha' ji'i̱ Jesucristo; ndyu'ni lyaá Ni ji'i̱ ngu' bi' li'. Bi' cha' quiña'a̱ la ñati̱ ndyatu̱ nu ndyu'u ti'i̱ lo'o taju ñati̱ ji'i̱ Jesucristo bi' li'.

1 CORINTIOS 11:2

Cu'ma̱ tya'a ngusñi na cha' ji'i̱ Cristo, tso'o tsa ntsu'u tyiquee na' ña'a̱a̱ ji'i̱ ma̱, cha' xcui' ndyi'u ti' ma̱ 'na, lo'o jua'a̱ ndu'ni ma̱ lcaa lo cha' nu ngulu'u na' ji'i̱ ma̱.