1 CORINTIOS 15:13 - Chatino Tataltepec

¹³ Si chañi laca cha' nga'aa ntsu'u cha' tyu'ú ñati̱ chaca quiya' lo'o cua ngujuii ngu', ni ycui' Cristo ná ndyu'ú yu lo'o cua ngujuii yu lacua.

1 CORINTIOS 15:13 Referans Kwoze

ROMANOS 8:11

La cui' Xtyi'i ycui' Ndyosi laca bi', la cui' laca nu ngulo ji'i̱ jyo'o Jesús ca su ntsiya nguatsi', ndyu'ú yu chaca quiya' li'. Lo'o jua'a̱ cua nda ycui' Ndyosi Xtyi'i ycui' Ni cha' tyanu ne' cresiya ji'i̱ ma̱, cha' nu lo'o cajaa ma̱, li' cua'ni Ni cha' tyu'ú ma̱ chaca quiya' xqui'ya Xtyi'i ycui' Ni.

1 TESALONICENSES 4:14

Jlo ti' na cha' ngujuii Jesús, lo'o li' ndyu'ú yu chaca quiya'; bi' cha' caca cuayá' ti' na cha' lo'o ca̱a̱ ycui' Jesús nde chalyuu chaca quiya', li' cua'ni ycui' Ndyosi cha' chaca quiya' tyu'ú lcaa jyo'o nu ngusñi cha' ji'i̱ Jesucristo tya clyo la, cha' stu'ba ti ca̱a̱ ngu' lo'o Jesús li'.

APOCALIPSIS 1:18

Ycui' Ni nu lu'ú ca laca na' ―nacui̱ Ni―. Cua ngujuii na' nu ngua li', pana xa' ndyu'ú na' chaca quiya', lo'o juani nga'aa tye cha' lu'ú na'. Na' nclyu̱ cña lo'o ndyijii ñati̱, jua'a̱ la cui' na' nclyu̱ cña macala su tyaa cresiya ji'i̱ ngu'.

1 PEDRO 1:3

Cua'ni tlyu na ji'i̱ ycui' Ndyosi, la cui' bi' laca nu ndu'ni tlyu Jesucristo nu Xu'na na ji'i̱, la cui' Sti Jesucristo nu Xu'na na laca bi'. Tya'na tsa ti' ycui' Ni ña'a̱ Ni ji'na, bi' cha' ngua'ni cucui Ni cresiya ji'na; ntsu'u chalyuu cucui ji'na juani, xqui'ya cha' ndyu'ú ycui' Jesucristo chaca quiya' nu lo'o ngujuii yu. Lo'o nu juani cua ndu̱ ti' na cha' caja chalyuu nu ná nga'a̱ cha' tye ji'na,

HEBREOS 13:20

Ycui' Ndyosi laca nu ngua'ni cña cha' ndyu'ú Jesucristo nu Xu'na na chaca quiya' lo'o ngujuii. Lo'o juani laca Jesús loo, cha' ña'a̱si̱i̱ Ni ji'na nu laca na ñati̱ ji'i̱ Ni, xqui'ya cha' ngujuii Ni cuentya ji'na. Nu lo'o ngujuii Jesús, li' ngüiñi cha' ji'i̱ Ni lo'o lcaa ñati̱ ji'i̱ Ni, sca cha' cucui nu ná nga'a̱ cha' tye tsiya' ti.

HEBREOS 2:14

Nu na, ñati̱ chalyuu na ni, sca ti cuaña' na, sca ti tañi na lo'o ngu' cusu' ji'na, jua'a̱ lo'o ngu' tya'a na. Ca ta'a na nu cua ngusñi na cha' ji'i̱ Jesús laca na ñati̱ chalyuu; bi' cha' lo'o nu Jesús bi' ngua yu ñati̱, cha' li' ngua ji'i̱ yu ngujuii yu cuentya ji'na. Sca ti jua'a̱ ngujui ñi'ya̱ tyiji̱loo yu ji'i̱ nu xña'a̱ nu nclyo cña nde ca bilyaa, su nti' nu xña'a̱ bi' cha' tsaa cresiya ji'i̱ lcaa ñati̱.

2 TIMOTEO 4:8

bi' cha' jlo ti' na' cha' ntsu'u sca cha' tso'o nu tyacua 'na; ta ycui' nu Xu'na na cha' tso'o bi' jna' nu lo'o tyalaa tsa̱ lo'o cua'ni cuayá' Ni ji'i̱ lcaa ñati̱, cha' liñi tsa ndu'ni cuayá' ycui' Ndyosi. Ta Ni cha' tso'o bi' ji'i̱ lcaa ñati̱ nu ntajatya tsa ji'i̱ Cristo ni jacua' ca̱a̱ Ni chaca quiya', xqui'ya cha' ntsu'u tsa tyiquee ngu' ña'a̱ ngu' ji'i̱ Ni; si'i jna' ti ta Ni cha' bi'.

1 CORINTIOS 15:20

Chañi tsa cha' cua ndyu'ú Cristo chaca quiya' lacua. Lo'o ca tiya' la, li' tyu'ú quiña'a̱ la ñati̱ chaca quiya', lcaa ñati̱ nu ntsu'u cha' ji'i̱ ngu' lo'o Cristo; tyu'ú jyo'o su ntsiya nguatsi' nquicha', xa' tyu'ú ngu' chaca quiya', li' tsaa ngu' tyi'i̱ ngu' lo'o Cristo. Pana juani cua yala la ndyu'ú Cristo chaca quiya' cha' ta na cuentya ñi'ya̱ caca cha' bi'.

ROMANOS 8:23

La cui' jua'a̱ lo'o lcaa tya'a na nu ntsu'u Xtyi'i ycui' Ndyosi ji'na, nxi'ya na ndi'i̱ na cha' ntsu'u tsa cha' ti'í ji'na juani. Na cua nda Ni Xtyi'i ycui' Ni ji'na lo'o ndi'i̱ na nde chalyuu, sca cha' tso'o nu nda Ni ji'na yala la laca. Laja li' ntajatya tsa na ji'i̱ tsa̱ tlyu bi', cha' cua'ni lyaá lyiji Ni ji'na, cha' xcutsa'a̱ Ni ji'i̱ tyucui ña'a̱ na li'. Lo'o li' ta Ni su tyi'i̱ na slo Ni, cha' cua laca na sñi' ycui' Ni.

LOS HECHOS 23:8

Ná jlya ti' ngu' saduceo cha' tya taca tyu'ú sca ñati̱ chaca quiya' lo'o cua ngujuii, ni ná jlya ti' ngu' cha' ntsu'u xca̱ ji'i̱ ycui' Ndyosi, ni ná jlya ti' ngu' cha' ntsu'u cui'i̱; pana ngu' fariseo ni, jlya ti' ngu' lcaa cha' bi'.

1 CORINTIOS 15:12

Chañi laca cha' nu nda ya lo'o cu'ma̱, cha' cua ndyu'ú Cristo chaca quiya' lo'o ngujuii yu. ¿Ni cha' laca lacua nchcui' xi ñati̱ tya'a cu'ma̱ cha' nga'aa ntsu'u cha' tyu'ú ñati̱ chaca quiya' lo'o cua ngujuii ngu'?

1 CORINTIOS 15:14

Na ñilo'o ngu' ji'na si jua'a̱, ni ná caja cha' nu ta ya lo'o ma̱ li', si cha' cuiñi laca cha' ndyu'ú Cristo chaca quiya'. Jua'a̱ ná caja cha' ji'i̱ Jesús nu xñi ma̱ si chañi cha' nga'aa ndyu'ú yu bi'.