1 CORINTIOS 15:10 - Chatino Tataltepec

¹⁰ Pana tya'na ti' ycui' Ndyosi, bi' cha' tso'o ti ntsu'u tyiquee Ni ña'a̱ Ni jna'; jua'a̱ ngua'ni Ni cha' ndya'a̱ na' cña ji'i̱ Ni li'. Ni si'i na nguliji yu'u cha' bi' jua'a̱ ti lo'o ngua'ni Ni cha' tso'o lo'o na'; masi lo'o nu xa' la ngu' tya'a ya ndyu'ni ngu' la cui' cña nu ndyu'ni na', pana tlyu la cña ntsu'u jna' que ngu' bi'. Si'i na nchca tsa 'na, pana ycui' Ndyosi laca nu ndu'ni lo'o na' cha' caca chcui' na' lo'o ñati̱, cha' tso'o ti ntsu'u tyiquee Ni ña'a̱ Ni 'na.

1 CORINTIOS 15:10 Referans Kwoze

FILIPENSES 4:13

Cua nda ycui' Cristo juersa 'na cha' talo na' ji'i̱ cua ña'a̱ ca cha', na laca nu tyacua ti xi 'na.

2 CORINTIOS 3:5

Cuentya ji'na, ná nchca ji'na cua'ni na cña ji'i̱ ycui' Ndyosi tsiya' ti; pana ycui' Ni ndu'ni Ni lo'o na cha' taca ji'na cua'ni na lcaa lo cña ji'i̱ Ni nu ndyu'ni na.

FILIPENSES 2:13

Tyi'u ti' ma̱ cha' lcaa tsa̱ ndu'ni ycui' Ndyosi cña laja ne' cresiya ji'i̱ ma̱, cha' taca cua'ni ma̱ cña ji'i̱ Ni; jua'a̱ ndu'ni Ni cha' tyaja'a̱ ma̱ cua'ni ma̱ lcaa ña'a̱ nu nti' ycui' Ndyosi cha' cua'ni ma̱.

GÁLATAS 2:8

La cui' ycui' Ndyosi nu nda ji'i̱ Pedro ndyaa nclyu'u yu cha' ji'i̱ Ni ji'i̱ ngu' judío, la cui' ycui' Ndyosi bi' laca nu cua nda Ni 'na ndya'a na' nclyu'u na' cha' tso'o bi' ji'i̱ ngu' xa' tsu'.

ROMANOS 12:3

Tlyu tsa cha' tso'o nu ngua'ni ycui' Ndyosi lo'o na', nu lo'o nda Ni cña jna'; bi' cha' nchcui' tsa na' lo'o ma̱ juani, cha' nga'aa cua'ni tyucuaa ti' ma̱ lo'o xa' ñati̱. Nga'a̱ cha' culacua ti' ma̱ cha' lcaa cña nu cua nchca ji'i̱ ma̱ juani, Cristo ngua'ni cha' caca ji'i̱ ma̱, nu lo'o ngusñi ma̱ cha' ji'i̱ Ni.

2 CORINTIOS 12:11

Cu'ma̱ ngua'ni ma̱ lo'o na' cha' nchcui' na' cha' tonto re, pana cu'ma̱ laca nu nga'a̱ cha' chcui' tso'o ma̱ 'na nquicha'. Masi ná sca cha' ndyaca 'na tsiya' ti, si'i na xti la cña nchca 'na lo'o quiña'a̱ la cña nchca ji'i̱ nu ngu' cuiñi bi', masi tyaca'a tsa ndyu'ni ma̱ ji'i̱ ngu'; si'i jua'a̱ ndyu'u cha'.

2 CORINTIOS 6:1

Ngu' tya'a ndyu'ni na cña ji'i̱ ycui' Ndyosi laca ma̱; bi' cha' nchcui' tsa ya lo'o cu'ma̱, cha' ná culiji ma̱ cha' tso'o jua'a̱ ti, cha' tso'o nu cua nda Ni cha' tyanu ne' cresiya ji'i̱ ma̱. Na cua ngusñi ma̱ cha' bi' tsaca quiya', bi' cha' ña'a̱ ti taquiya' ma̱ ji'i̱ cha' bi' juani.

1 CORINTIOS 4:7

¿Ni cha' laca cha' ndulo tsa cha' ji'i̱ ycui' ma̱ cuentya ji'i̱ ma̱, pana ná ndube ti' ma̱ ji'i̱ xa' ñati̱? Ycui' Ndyosi cua nda lcaa na nu ntsu'u ji'i̱ ma̱, lcaa cña nu nchca ji'i̱ ma̱; bi' cha' lacua ná ntsu'u cha' cua'ni tyucuaa ti' ma̱ ji'i̱ tya'a ma̱. Si'i xqui'ya cña nu ndyu'ni ycui' ma̱ ngutsa'a̱ chalyuu ji'i̱ ma̱, xqui'ya ycui' Ndyosi cua laca ma̱ ñi'ya̱ nu laca ma̱ juani.

1 CORINTIOS 15:2

Xqui'ya cha' cua nchcui' na' cha' ji'i̱ Jesús lo'o ma̱, bi' cha' ngulaá ma̱ ji'i̱ nu cuxi; lo'o juani tya nga'a̱ cha' taquiya' tso'o ma̱ ji'i̱ cha' bi', cha' ná ngusñi ma̱ ji'i̱ cha' bi' cha' culiji yu'u cha' bi' jua'a̱ ti.

ROMANOS 11:1

Ná nti' ycui' Ndyosi tsiya' ti culaya' Ni ji'i̱ ngu' judío, cha' laca ngu' ñati̱ ji'i̱ ycui' Ni. Lo'o jua'a̱ ycui' na' laca na' ngu' judío, cha' sca ti lo tañi na' lo'o jyo'o Abraham; laca na' tya'a jyo'o cusu' Benjamín.

SAN MATEO 10:20

cha' si'i cha' ji'i̱ ti ma̱ nu chcui' ma̱ li'; cha' ji'i̱ Xtyi'i ycui' Ndyosi Sti na, bi' caca cha' nu chcui' ma̱ lo'o ngu'.

1 CORINTIOS 3:6

Ñi'ya̱ laca sca ñati̱ nu cataa sca si'yu, lo'o li' chaca laca nu su'ba hitya su̱u̱ na cuiñii bi', jua'a̱ laca cuare lo'o ma̱; na' laca̱ nu ya̱a̱ ndacha' na' cha' bi' ji'i̱ ma̱ su clyo, lo'o tiya' la li' ñaa Apolos nda la cha' bi' lo'o ma̱. Pana sca ti ycui' Ndyosi laca nu ndu'ni cha' tyanu tso'o cha' bi' ne' cresiya ji'i̱ ma̱;

1 CORINTIOS 3:10

lo'o na', ñi'ya̱ nti' sca cuityi ni'i̱ cuentya ji'i̱ ycui' Ndyosi, jua'a̱ laca na' lo'o cu'ma̱, laja lo'o nclyu'u na' ji'i̱ ma̱ cha' ji'i̱ ycui' Ni. Ndi'ya̱ ndyu'ni na' lo'o ma̱: ñi'ya̱ nti' si cua ngusta tso'o na' quiya' sca ni'i̱, lo'o li' ndyalaa xa' la ngu' cuityi cha' cua'ni lyiji ngu' cha' tya' ni'i̱ bi', bi' laca ñati̱ nu tya'a ndya'a̱ na' cña nu cua ngulu'u tso'o la ji'i̱ ma̱. Lcaa ngu' cuityi nga'a̱ cha' culacua ti' clyo ñi'ya̱ ña'a̱ xana tya' ni'i̱; lo'o jua'a̱ lcaa ya tya'a ndyu'ni ya cña, nga'a̱ cha' cui'ya tso'o ya cuentya ñi'ya̱ nu caca culu'u tso'o la ya cha' bi' ji'i̱ ñati̱.

1 CORINTIOS 15:11

Lo'o juani ná ndu'ni cha' jna' tilaca laca nu nchcui' lo'o ma̱, masi nchcui' na', masi nchcui' xa' la ñati̱; sca ti cuayá' nchcui' lcaa ya lo'o nchcui' ya cha' bi' lo'o ñati̱, la cui' ti cha' nu cua ngusñi ma̱.

1 TESALONICENSES 5:12

Cu'ma̱ tya'a ngusñi na cha' ji'i̱ Jesús, ndijña ya ji'i̱ ma̱ cha' cui'ya ma̱ cuentya ji'i̱ lcaa ña'a̱ cha' tso'o nu ndyu'ni ngu' nu laca cña ji'i̱ ma̱. Cua nda ycui' nu Xu'na na cña ji'i̱ ngu' bi' cha' caca ngu' loo, cha' culu'u ngu' bi' ji'i̱ ma̱ cua ña'a̱ ca cha' tso'o nu caca cua'ni ma̱ cuentya ji'i̱ ycui' Ndyosi.

1 TIMOTEO 4:10

Jlya ti' na ji'i̱ ycui' Ndyosi nu lu'ú ca; bi' cha' lye cua'ni na cña ji'i̱ Ni, masi lya' tsa ti' ngu' ji'na. Lo'o ycui' Ndyosi ni, cua'ni lyaá Ni ji'i̱ lcaa ñati̱ si taquiya' ngu' ji'i̱ Ni. Lo'o xñi na cha' ji'i̱ Ni, li' ca cuayá' tso'o la ti' na cha' bi'.

SAN MATEO 25:16

Hora ti ndyaa msu nu ntsu'u ca'yu mil cñi plata ji'i̱, ngüi'ya yu yu'ba lo'o cñi bi'. Li' ndyujui' yu yu'ba bi', ngua'ni yu ngana ña'a̱ cuayá' nu ngujui chaca ca'yu mil cñi plata ji'i̱.