1 CORINTIOS 13:8 - Chatino Tataltepec

⁸ Nde loo la ná ntsu'u cha' tye cha' ntsu'u tyiquee na ña'a̱ na ji'i̱ ñati̱. Nde loo la tyalaa tyempo nu lo'o nga'aa ndu'ni cha' tya chcui' la ycui' Ndyosi lo'o na nde chalyuu, nga'aa ndu'ni cha' chcui' la na cha'cña ji'i̱ xa' ñati̱, ni nga'aa ndu'ni cha' caca cuayá' ti' na lcaa cha' ji'i̱ ycui' Ndyosi ca lo'o caca tyempo bi'; pana ná tye chca cha' ntsu'u tyiquee na ña'a̱ na ji'i̱ ñati̱.

1 CORINTIOS 13:8 Referans Kwoze

1 CORINTIOS 13:13

Bi' cha' lacua, lcaa tyempo ndu'ni cha' tyi'u ti' na ji'i̱ ycui' Ndyosi, lcaa tyempo ndu'ni cha' tu̱ ti' na cha' caca tso'o la ji'na ca nde loo la, lo'o jua'a̱ tyucui tyempo ndu'ni cha' tyu'u tyiquee na ña'a̱ na ji'i̱ tya'a ñati̱ na. Bi' laca cña nu ndulo la cha' cua'ni na, cha' tyu'u tyiquee na ña'a̱ na ji'i̱ tya'a ñati̱ na.

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.

LOS HECHOS 2:4

jua'a̱ ngua lo'o ndyanu Xtyi'i ycui' Ndyosi ne' cresiya ji'i̱ lcaa ngu' bi'. Li' nguxana nchcui' ngu' cha'cña ji'i̱ xa' ñati̱, cha' Xtyi'i ycui' Ndyosi ngua'ni lo'o ngu' cha' ngua ji'i̱ ngu' li'.

HEBREOS 8:13

Na cua culiji yu'u ti cha' cusu' nu ngua tya clyo; jua'a̱ ndyu'u cha' bi' li', nu lo'o nchcui' ycui' Ndyosi ji'i̱ chaca cha' cucui nu cua quiñi ti ji'i̱ Ni lo'o na. Sa'ni tsa nguxana cha' cusu' bi'; cua jyo'o ti cha' bi' juani, cua culiji ti cha' jua'a̱ ti.

1 CORINTIOS 13:10

pana nde loo la li', lo'o cua'ni ycui' Ndyosi cha' caca cuayá' ti' na lcaa cha', li' nga'aa tyi'u ti' na nu xca ti cha' nu nchca cuayá' ti' na juani.

1 CORINTIOS 12:10

lo'o jua'a̱ ntsu'u ngu' nu nchca ji'i̱ ndu'ni xa' la cha' tlyu chacuayá' ji'i̱ ycui' Ndyosi, cña nu ná nchca cua'ni ñati̱ nquicha'; cuati ntsu'u xa' la ngu' nu nchca ji'i̱ ndacha' ji'i̱ ñati̱ sca cha' nu nda ycui' Ndyosi lo'o ngu' bi'; cuati jua'a̱ ntsu'u ngu' nu nchca tii ni cña ndu'ni sa scaa ngu', si cuentya ji'i̱ Xtyi'i ycui' Ndyosi ndu'ni ngu' cña, si si'i cuentya ji'i̱ ycui' Ndyosi ndu'ni ngu' cña; lo'o jua'a̱ ntsu'u ngu' nu nchca ji'i̱ nchcui' cha'cña ji'i̱ xa' la ñati̱; jua'a̱ tya ntsu'u xa' la ngu' nu nchca ji'i̱ xtyacui cha' bi', cha' caca cuayá' ti' lcaa ñati̱ ni cha' nda ngu' bi' li'.

LOS HECHOS 19:6

Li' ngusta ya' Pablo hique ngu'. Ndyanu Xtyi'i ycui' Ndyosi ne' cresiya ji'i̱ ngu' li'; hora ti nchcui' ngu' cha'cña ji'i̱ xa' ñati̱, lo'o jua'a̱ nchcui' ngu' ña'a̱ cha' nu nda ycui' Ni ji'i̱ ngu' cha' chcui' ngu' lo'o tya'a ngu'.

SAN LUCAS 22:32

Pana cua ngüijña na' ji'i̱ ycui' Ndyosi Sti na' cha' jinu'u̱ Pedro, cha' ná tye cha' jlya ti' nu'u̱ 'na. Lo'o cua nteje tacui cha' cuxi bi' hi̱, nu lo'o xa' chcui' nu'u̱ cha' 'na, li' taca xtyucua nu'u̱ ji'i̱ xa' la tya'a ma̱ cha' tso'o la xñi ngu' cha' 'na.

1 CORINTIOS 14:39

Jua'a̱ caca lacua, cu'ma̱ tya'a ngusñi na cha' ji'i̱ Jesús, jña ma̱ chacuayá' ji'i̱ ycui' Ndyosi cha' caca chcui' ma̱ lcaa cha' ji'i̱ Ni nu cua nti' Ni cha' ta Ni lo'o ñati̱. La cui' jua'a̱ tso'o laca si ná cua'a ma̱ ji'i̱ ñati̱ nu nchcui' cha'cña ji'i̱ xa' ñati̱.

LOS HECHOS 13:1

Nu taju ñati̱ ji'i̱ Jesucristo ca quichi̱ Antioquía bi' ni, laja ngu' bi' ntsu'u xi ngu' nu laca tu'ba ji'i̱ ycui' Ndyosi. La cui' jua'a̱ laja ngu' bi' tya ntsu'u la xa' tya'a ngu' nu tso'o tsa nclyu'u cha' ji'i̱ ycui' Ndyosi ji'i̱ tya'a ngu'; ngu' nu nclyu'u ji'i̱ tya'a ngu' ngua Bernabé, lo'o Simón nu ngata, lo'o Lucio Cirene, lo'o Saulo, lo'o Manaén. (Nu Manaén bi' ngua tya'a miña'a̱ Herodes nu laca gobernador ji'i̱ loyuu su cuentya Galilea.)

1 CORINTIOS 8:2

Nu lo'o ndu'ni na lo'o ngu' cha' cua jlo ti' na sca cha', cha' cua laca ngua tsa'a̱ na sca cha', cha' tyixi nda na lo'o ngu' li'. Laca bi' ñi'ya̱ si ná jlo ti' na tsiya' ti, si bilya ca tsa'a̱ na tso'o ti sca cha' nu nga'a̱ tsa cha' ca tsa'a̱ na.