1 CORINTIOS 13:7 - Chatino Tataltepec

⁷ Si ntsu'u tyiquee na ña'a̱ na ji'i̱ ñati̱, talo tyiquee na ji'i̱ ngu', masi cua ña'a̱ ca cha' cuxi cua'ni ñati̱ bi'; jlya ti' na cua ña'a̱ ca cha' tso'o, ndu̱ ti' na cha' tso'o la caca cha' nde loo la, masi ná jlo ti' na; jua'a̱ tyiquee' talo na lo'o cua ña'a̱ ca cha' nu ndyaca ji'na.

1 CORINTIOS 13:7 Referans Kwoze

1 PEDRO 4:8

Nu cha' nu ndulo tsa cha' cua'ni ma̱ ni, bi' laca cha' xcui' tso'o caca tyiquee ma̱ ña'a̱ ma̱ ji'i̱ tya'a ñati̱ ma̱. Lo'o si jua'a̱ nti' na ña'a̱ na ji'i̱ tya'a na, ndyu'ni clyu ti' na ji'i̱ qui'ya nu ntsu'u ji'i̱ tya'a na li'.

1 CORINTIOS 13:4

Si chañi cha' ntsu'u tyiquee na ña'a̱ na ji'i̱ ñati̱, talo tyiquee na ji'i̱ ngu' li', cua'ni tya'na ti' na ji'i̱ ngu' li'; si'i na tyiji̱ ti' na cha' ji'i̱ ngu' li', si'i na chcui' tyucuaa ti' na lo'o ngu', ni si'i na cua'ni tyixi na lo'o ngu' li'.

2 TIMOTEO 2:24

Nu ñati̱ nu ndyu'ni cña ji'i̱ ycui' nu Xu'na na ni, ná tso'o si xcui' nxu̱u̱ ti ngu' ndi'i̱ ngu' lo'o tya'a ngu'; ntsu'u cha' chcui' tso'o ti ngu' bi' lo'o lcaa ñati̱. Tso'o si nchca ji'i̱ ngu' bi' culu'u ngu' cha' ji'i̱ ycui' Ndyosi ji'i̱ xa' ñati̱; jua'a̱ ntsu'u cha' talo tyiquee ngu' bi' ji'i̱ ñati̱ nu cua'ni lya' ti' ji'i̱ ngu',

1 PEDRO 2:24

Ycui' Cristo laca nu sca ti quiya' ngujui'i̱ ca'a̱ ngu' ji'i̱ lo crusi cha' taca cuityi̱ Ni qui'ya nu ntsu'u ji'i̱ lcaa na, cha' clyaá na ji'i̱ qui'ya nu ntsu'u ji'na; bi' cha' cuentya ji'i̱ Cristo taca tyi'i̱ na chalyuu juani, cha' jua'a̱ tyaja'a̱ na cua'ni na xcui' cha' tso'o nu nti' ycui' nu Xu'na na cha' cua'ni na. Xqui'ya cha' nchcube' ycui' Cristo, bi' cha' ngua ti̱ cha' cuxi nu ntsu'u tyiquee na, ñi'ya̱ nti' lo'o ngua ti̱ cha' quicha na lo'o ndyaca tso'o na.

1 CORINTIOS 9:12

Xa' la tya'a ndyu'ni ya cña ndyiji na laca nu lyiji ji'i̱ ngu' nu lo'o nda ma̱ xi xcaya' ngu' bi'. ¿Ha ná tso'o si la cui' ti cha' caja ji'i̱ ya, ñi'ya̱ nu ndyiji ji'i̱ ngu' bi'? Tsa bi' ti cha', ná ndijña ya cha' tso'o bi' ji'i̱ ma̱ tsiya' ti. Ndalo tsa ya ji'i̱ cua ña'a̱ ca cha' ti'í nu ndyacua ji'i̱ ya, cha' ná nti' ya tsiya' ti tacu̱' ya ji'i̱ cha' tso'o ji'i̱ Cristo nu nchcui' ya lo'o ma̱, cha' ná cuna ñati̱ ji'i̱ cha' bi'.

GÁLATAS 6:2

Cua'ni ma̱ cha' stu'ba ti caca tyiquee ma̱ lo'o tya'a ma̱, cha' caca xtyucua ma̱ ji'i̱ ngu' lo'o sca cha' nu ntsu'u ji'i̱ ngu', cha' ná cua'ni ngu' sca cha' cuxi. Jua'a̱ taca taquiya' tso'o na lcaa cña nu nda Cristo cha' cua'ni na.

2 TIMOTEO 4:5

Lo'o nu'u̱ ni, culacua xi ti' nu'u̱ na laca nu tso'o la cha' cua'ni nu'u̱, cha' talo tyiquee nu'u̱ lo'o lya' tsa ti' ngu' jinu'u̱, cha' ña'a̱ ti chcui' nu'u̱ cha' tso'o ji'i̱ ycui' Ndyosi lo'o ñati̱, cha' tya cua'ni la nu'u̱ lcaa cña nu ntsu'u cha' cua'ni nu'u̱ cuentya ji'i̱ ycui' Ndyosi.

SANTIAGO 1:12

Tso'o caca tyiquee ñati̱ nu ña'a̱ ti nxñi cha' ji'i̱ Jesús, masi tyacua cua ña'a̱ ca cha' ti'í ji'i̱ ngu'. Tso'o si talo ngu' tyiquee', ña'a̱ cuayá' tye cha' ti'í bi' ji'i̱ ngu', cha' caja chalyuu nu ná nga'a̱ cha' tye ji'i̱ ngu' bi' li'; bi' laca cha' tso'o nu cua nacui̱ Ni cha' ta Ni ji'i̱ ñati̱ nu ntsu'u tsa tyiquee ña'a̱ ji'i̱ ycui' Ni.

2 TESALONICENSES 1:4

Tso'o tsa li'. Tso'o tsa ntsu'u tyiquee ya xqui'ya cu'ma̱, bi' cha' nda ya cha' ji'i̱ ma̱ lo'o lcaa taju ngu' tya'a ntsu'u cha' ji'na lo'o ycui' Ndyosi. Nacui̱ ya ji'i̱ ngu' cha' tso'o tsa ndyu'ni ma̱, cha' tlyu tsa tyiquee ma̱ xqui'ya ycui' Ndyosi, masi ndyiji tsa cha' ti'í ji'i̱ ma̱, masi lye tsa ndyu'ni lya' ti' ngu' ji'i̱ ma̱. Tso'o tsa cha' ndalo tyiquee ma̱ ji'i̱ ngu', masi cuxi tsa ndyu'ni ngu' bi' lo'o ma̱ jua'a̱.

2 TIMOTEO 3:11

masi lye tsa ndyu'ni lya' ti' ngu' 'na, masi quicha ti' na'. Cua jlo ti' nu'u̱ ñi'ya̱ ndalo na' ca quichi̱ Antioquía, ca quichi̱ Iconio, ca quichi̱ Listra, nu lo'o ngua'ni lya' ti' ngu' 'na ca bi'; pana cua ngulo ycui' nu Xu'na na 'na ji'i̱ lcaa cha' cuxi bi'.

ROMANOS 15:1

Lcaa na nu nguula ti' tyiquee na xqui'ya cha' ngusñi na cha' ji'i̱ Cristo, ntsu'u cha' talo tyiquee na ji'i̱ tya'a ngusñi na cha' ji'i̱ Cristo nu tya lyiji xñi tso'o cha' bi'; ntsu'u cha' xtyucua na ji'i̱ ngu'. Si'i xcui' cña ji'i̱ ycui' ca na nu nga'a̱ cha' tyu'u tyiquee na ji'i̱;

SAN MATEO 10:22

Lo'o jua'a̱ caca ti'í ti' lcaa ngu' ña'a̱ ngu' ji'i̱ ma̱ xqui'ya na'. Pana ñati̱ nu talo ji'i̱ lcaa cha' cuxi bi', clyaá ngu' li', caja chalyuu nu ná nga'a̱ cha' tye ji'i̱ ngu' bi'.

HEBREOS 13:13

Lo'o jua'a̱ na, tso'o si ná cutsi̱i̱ na, masi tsalo'o ngu' ji'na cha' xcube' ngu' ji'na cuentya ji'i̱ Jesús; stu'ba ti caca ji'na nde chalyuu, ñi'ya̱ nu ngua ji'i̱ Jesús lo'o lya' tsa ti' ngu' ji'i̱ yu.

ROMANOS 8:24

Jlya ti' na cha' ngua'ni lyaá Ni ji'na, masi nga'a̱ cha' jatya na ji'i̱ tsa̱ tlyu bi', cha' cua'ni tye Ni cña nu ndyu'ni Ni. Sca na nu ntajatya na ji'i̱ ni, lo'o cua na'a̱ na ji'i̱, cha' ndu'u tucua cha' bi', nga'aa nti' cha' jatya la na ji'i̱ li'; si'i na tya ntajatya na ji'i̱, na cua na'a̱ na ji'i̱ li'.

SAN MARCOS 9:23

―¿Ni cha' laca nacui̱ nu'u̱ 'na jua'a̱, si nchca 'na? ―nacui̱ Jesús ji'i̱―. Lcaa lo cña nchca ji'i̱ sca ñati̱ nu jlya ti' ji'i̱ ycui' Ndyosi ―nacui̱.