1 CORINTIOS 13:5 - Chatino Tataltepec

⁵ Si chañi cha' bi', ná cua'ni suba' na lo'o ngu', si'i xcui' cha' ji'na ti tya'a̱ tyiquee na, ni ná ca ñasi̱' na ji'i̱ ngu' lu'ba ti. Ntsu'u cha' clyu ti' ji'na lo'o ngu', si chañi cha' ntsu'u tyiquee na ña'a̱ na ji'i̱ ngu'.

1 CORINTIOS 13:5 Referans Kwoze

1 CORINTIOS 10:24

Nga'a̱ cha' culacua ti' na ñi'ya̱ nu caca tso'o la cha' ji'i̱ xa' ñati̱, si'i xcui' na cuentya ji'na ti culacua ti' na.

SANTIAGO 1:19

Cu'ma̱ tya'a ngusñi na cha' ji'i̱ ycui' Ndyosi, nu tso'o tsa ntsu'u tyiquee na' ña'a̱a̱ ji'i̱ ma̱, tso'o si cui'ya ma̱ cuentya ji'i̱ cha' nu chcui' na' re. Ntsu'u cña ji'i̱ lcaa na cha' yala ti cua'a̱ jyaca̱ na ji'i̱ cha' nu chcui' ñati̱ lo'o na; pana tiya' ti xacui̱ na cha' ji'i̱ ngu', jua'a̱ tiya' tsa caca ñasi̱' na ji'i̱ ngu'.

FILIPENSES 2:21

ná ndi'i̱ xa' la ngu' tya'a na ca nde nu ndube ti' ñi'ya̱ ndyaca cña ji'i̱ Jesucristo ca su ndi'i̱ ma̱, xcui' na ntsu'u la tyiquee ngu' ji'i̱ cña ji'i̱ ycui' ca ngu'.

FILIPENSES 4:8

Cu'ma̱ tya'a ngusñi na cha' ji'i̱ Cristo, ndi'ya̱ ti culacua ti' ma̱ tyucui tyempo nu ndi'i̱ ma̱ chalyuu: Cua ña'a̱ ca cha' nu chañi tsa cha' jua'a̱ laca, bi' laca nu nga'a̱ cha' tyu'u tyiquee ma̱ ji'i̱; jua'a̱ lcaa cha' nu cua'ni chi̱ ngu' loo, lcaa cha' nu liñi ca, lcaa cha' su lubii ntsu'u tyiquee na, lcaa cha' nu tso'o tsa ña'a̱, lcaa cha' nu tso'o tsa nti' ngu' ña'a̱ ngu' ji'i̱, masi lcaa cha' tso'o bi', nu jua'a̱ tso'o tsa nchcui' ngu' ji'i̱, bi' laca nu nga'a̱ cha' tyu'u tyiquee ma̱ ji'i̱.

GÁLATAS 5:13

Cua ngusubi ycui' Ndyosi ji'i̱ ma̱ cha' caca tyi'i̱ tso'o ti ma̱ chalyuu. Tsa bi' ti cha', tii ti ti' ma̱ tyi'i̱ ma̱ chalyuu; ná clyana ma̱ cha' cuxi nu cua'ni ma̱ laja lo'o ndi'i̱ tso'o ti ma̱, cha' si'i na ndi'i̱ tso'o ti na cha' culiji na na nu ntsu'u ji'na jua'a̱ ti. Ntsu'u cha' xtyucua na ji'i̱ tya'a ñati̱ na xqui'ya cha' ntsu'u tsa tyiquee na ña'a̱ na ji'i̱ ngu', bi' cha' ndi'i̱ tso'o ti na.

1 CORINTIOS 12:25

Pana stu'ba ti ndu'ni lcaa tyijya̱ laja cuaña' na cña, stu'ba ti cha' ji'i̱ sca tyijya̱ na su ngalya lo'o xi xa' la tyijya̱ na.

2 CORINTIOS 5:19

Xqui'ya Cristo ndu'ni Ni cha' cati̱ qui'ya nu ntsu'u ji'i̱ ñati̱ chalyuu lo'o Ni, nga'aa culotu̱ Ni ji'i̱ cha' cuxi nu cua ngua'ni ñati̱. Lo'o li' cua ngua'a̱ lo Ni ji'na, cha' cua'ni na cña cuentya ji'i̱ Ni, cha' chcui' na lo'o ñati̱ ñi'ya̱ taca ca stu'ba cha' ji'i̱ ngu' lo'o ycui' Ndyosi;

1 CORINTIOS 10:33

Lcaa su ndyu'ni na' cña ndube ti' na' ji'i̱ xa' ñati̱, si caca tso'o cresiya ji'i̱ ngu' lo'o cua'ni na' cña bi'. Si'i na tyacua cha' tso'o ji'i̱ ycui' ca na', nti' na' cha' caca tso'o cresiya ji'i̱ cua ña'a̱ ca ñati̱, cha' caja ñi'ya̱ clyaá ngu' ji'i̱ nu cuxi li'.

1 CORINTIOS 11:18

Nacui̱ ngu' cha' ná tso'o ndu'ni ma̱ su ndyu'u ti'i̱ ma̱ cha' cacu ma̱ si̱i̱ bi'. Xi xa' ca ña'a̱ ndu'ni sa scaa ma̱, nacui̱ ngu'. Cua jlo ti' na' cha' la cui' jua'a̱ ndyaca lo'o cu'ma̱ si nti'.

SAN MATEO 5:22

Pana quiña'a̱ la cha' chcui' na' lo'o ma̱ juani: masi ca ti'í ti' ngu' ji'i̱ tya'a ñati̱, li' ntsu'u cha' chcube' ngu' bi'; masi na chcui' ti ngu' cha' cuxi ji'i̱ tya'a ñati̱, ntsu'u cha' tsaa ngu' bi' slo ngu' nu laca loo ca Jerusalén, cha' caca cuayá' ji'i̱ ngu' cajua li'. Lo'o jua'a̱ si ñacui̱ ngu' ji'i̱ tya'a ñati̱: “¡Na ple tsa nu'u̱! ¡Na tonto tsa hique nu'u̱!” lo'o ñasi̱' tsa ngu' ji'i̱ tya'a ñati̱, li' nga'a̱ cha' tsaa ngu' bi' ca bilyaa su ná tye cha' tyaqui̱ quii'.

SAN LUCAS 7:39

Lo'o nu yu fariseo nu cua nchcui' lo'o Jesús cha' tsaa cua'ni xlyaa ca slo yu ni, lo'o cua na'a̱ yu ji'i̱ nu cuna'a̱ bi', ndi'ya̱ cha' ngua'ya hique yu li': “Si'i cha' chañi laca re, cha' laca yu sca ñati̱ nu laca tu'ba ji'i̱ ycui' Ndyosi cha' chcui' Ni lo'o na. Si la cui' laca yu, li' ta yu cuentya tilaca laca nu cuna'a̱ nu nsta ya' lo quiya' yu juani; caca cuayá' ti' yu cha' sca nu cuna'a̱ nu chiya'a̱ tsa ndu'ni su ndi'i̱ chalyuu laca nu cua.”

SAN MARCOS 3:5

Ñasi̱' xi Jesús ña'a̱ yu ji'i̱ ngu' bi', jua'a̱ xñi'i̱ xi ti' yu cha' ná ntaja'a̱ ngu' cui'ya ngu' cuentya ji'i̱ cha' nu nclyu'u yu ji'i̱ ngu'. Li' nchcui' yu lo'o nu quicha bi': ―Xquiñi nu'u̱ ya' ―nacui̱ Jesús ji'i̱. Nguxquiñi yu ya' yu li', lo'o hora ti ngua tso'o ya' yu.

2 TESALONICENSES 3:7

Si'i na taja ya lo'o nguti'i̱ ya lo'o cu'ma̱ nu ngua li', bi' cha' tso'o si tyaja'a̱ ma̱ cua'ni ma̱ cña ñi'ya̱ ngua'ni ya lo'o ya' ti ya.

1 CORINTIOS 7:36

Tso'o si ta sti nu cuna'a̱ cuañi' chacuayá' caja clyo'o sñi', si'i qui'ya laca bi'. Cua ndyalaa ti' cho', cua la cui' tyempo caja clyo'o. Nga'a̱ cha' cua'ni sti nu cuna'a̱ ñi'ya̱ nu tso'o la nti' yu cuentya ji'i̱ sñi'; ná ntsu'u qui'ya ji'i̱, masi caja clyo'o sñi'.

SAN MATEO 9:4

Pana, ngua tii Jesús ji'i̱ lcaa lo cha' nu ntsu'u tyiquee ngu' bi'. ―¿Ni cha' chi̱i̱ nti' ma̱ ña'a̱ ma̱ 'na juani? ―nacui̱ Jesús ji'i̱ mstru bi'―.

2 TIMOTEO 2:10

bi' cha' talo tyiquee na' ji'i̱ ngu', masi nchcube' tsa ngu' jna'. Talo na' ji'i̱ cha' cuxi bi' cuentya ji'i̱ ca ta'a ñati̱ nu ngusubi ycui' Ndyosi ji'i̱, cha' lo'o ñati̱ bi' ngua'ni lyaá Jesucristo ji'i̱, cha' caja chalyuu nu ná nga'a̱ cha' tye ji'i̱ ñati̱ bi'. Caca tyi'i̱ ngu' bi' ca slo ycui' Ndyosi su tso'o tsa ña'a̱ lcaa cha'.

2 TIMOTEO 4:16

Lo'o nguta'a̱ na' slo ngu' tisiya clyo, ni sca ñati̱ ná nguxtyucua ngu' 'na li', cha' ngusna ngu'; bi' cha' ndijña na' ji'i̱ ycui' Ndyosi cha' cui'ya Ni cha' clyu ti' ji'i̱ ngu' bi'.