1 CORINTIOS 13:10 - Chatino Tataltepec

¹⁰ pana nde loo la li', lo'o cua'ni ycui' Ndyosi cha' caca cuayá' ti' na lcaa cha', li' nga'aa tyi'u ti' na nu xca ti cha' nu nchca cuayá' ti' na juani.

1 CORINTIOS 13:10 Referans Kwoze

1 CORINTIOS 13:12

Jua'a̱ laca cha' ji'na su ndi'i̱ na chalyuu; juani nguxa' ti ndyiji sca cha' ji'i̱ ycui' Ndyosi ji'na, si'i tsa liñi ti nduna na cha' bi'. Ñi'ya̱ nti' si ña'a̱ na ji'i̱ ycui' ca na lo sca cuanaa, tsa lyiji ti ña'a̱ na ji'na; pana nde loo la, li' caca cuayá' tso'o ti' na lcaa cha' bi'. Cua laca ti cha' jlo ti' na juani, pana nde loo la ta na cuentya ji'i̱ lcaa lo cha'; li' tyuloo na ji'i̱ ycui' Ndyosi ñi'ya̱ ndyuloo Ni ji'na.

1 CORINTIOS 13:9

Juani bilya caca cuayá' ti' na lcaa cha' ji'i̱ Ni, ná caja ñi'ya̱ chcui' na lcaa ca cha' nu ntsu'u tyiquee Ni;

1 CORINTIOS 13:11

Lo'o tya sube na ni, xcui' cña nu ndu'ni nu sube ngua'ni na; ñi'ya̱ nu nclacua ti' sca nu sube, jua'a̱ nchcui' na li', jua'a̱ ngua'ya cha' hique na, jua'a̱ ngulacua ti' na. Pana lo'o nguluu na, li' nga'aa nclacua ti' na ñi'ya̱ nu nclacua ti' nu sube.

FILIPENSES 3:12

Ná nacui̱ na' cha' cua ndye ngua tso'o cresiya jna' cuentya ji'i̱ ycui' Ndyosi sca ti quiya', lo'o juani nga'aa ntsu'u qui'ya 'na; ná ni na' jua'a̱. Na cua laca nacui̱ Jesucristo cha' laca na' ñati̱ ji'i̱ ycui' Ni, bi' cha' lye tsa ndyu'ni cña ti' na' cha' ca tso'o lyiji cresiya 'na.