1 CORINTIOS 12:23 - Chatino Tataltepec

²³ lo'o jua'a̱ lacu' na ste' cha' nti' na cha' ná tso'o ña'a̱ xa' la se'i̱ laja cuaña' na. Sca se'i̱ su tacati ji'na, nu ntyuju'u ti' na si ña'a̱ ngu' ji'i̱, lcaa hora ndyacu̱' late' lo se'i̱ bi';

1 CORINTIOS 12:23 Referans Kwoze

1 CORINTIOS 12:22

Masi nti' na cha' xti la cña ndu'ni sca lo tyijya̱ na, bi' laca nu lye la ndulo ji'na;

1 CORINTIOS 12:24

pana xa' la se'i̱ laja cuaña' na, nda na chacuayá' masi ná tacu̱' late' lo bi'. Jua'a̱ ngüiñá ycui' Ndyosi ji'i̱ tyucui ña'a̱ na, cha' la cui' se'i̱ laja cuaña' na nu ná ña'a̱ ngu' ji'i̱, bi' laca nu tacati la cuentya ji'na.

1 TIMOTEO 2:9

Lo'o nu ngu' cuna'a̱ ni, cacu' ngu' ste' tso'o ti, si'i late' nu quiña'a̱ tsa nga'a̱; ná talya' lye ngu' quicha̱' hique ngu', ná cacu' lye ngu' oro ni quee ndubi nu quiña'a̱ tsa nga'a̱, cha' ná tso'o cha' cua'ni tyixi tsa ngu' ji'i̱ ycui' ca ngu' cha' xña'a̱ xa' nu qui'yu ji'i̱ ngu' li';

1 TIMOTEO 2:15

Bi' cha' tlyu tsa cña ntsu'u ji'i̱ ngu' cuna'a̱ lo'o cala sñi' ngu' juani; pana cua'ni lyaá ycui' Ndyosi ji'i̱ ngu' cuna'a̱ si xñi tso'o ngu' cha' ji'i̱ Ni, si ntsu'u tyiquee ngu' ña'a̱ ngu' ji'i̱ tya'a ngu'. Cua'ni Ni cha' ca lubii cresiya ji'i̱ ngu' cuna'a̱ bi', si talo ngu' cua'ni ngu' cha' tso'o bi', si nchca ji'i̱ ngu' cuna'a̱ bi' cua'a ji'i̱ ycui' ca ngu' cha' ná ca tyucuaa ti' ngu' ji'i̱ ñati̱.