1 CORINTIOS 12:16 - Chatino Tataltepec

¹⁶ Lo'o li' si ndi'ya̱ ñacui̱ jyaca̱ na ji'na: “Si'i cloo nu'u̱ laca na', bi' cha' ná ntsu'u cha' jna' lo'o nu'u̱”, ñacui̱ bi'. ¿Ñi'ya̱ ñacui̱ ta na? Pana ná nchca xuu bi', na ca ña'a̱ ngalya bi' ji'i̱ tyucui ña'a̱ na.

1 CORINTIOS 12:16 Referans Kwoze

ROMANOS 12:3

Tlyu tsa cha' tso'o nu ngua'ni ycui' Ndyosi lo'o na', nu lo'o nda Ni cña jna'; bi' cha' nchcui' tsa na' lo'o ma̱ juani, cha' nga'aa cua'ni tyucuaa ti' ma̱ lo'o xa' ñati̱. Nga'a̱ cha' culacua ti' ma̱ cha' lcaa cña nu cua nchca ji'i̱ ma̱ juani, Cristo ngua'ni cha' caca ji'i̱ ma̱, nu lo'o ngusñi ma̱ cha' ji'i̱ Ni.

FILIPENSES 2:3

Cua'ni ma̱ cha' ná quiña'a̱ cha' tyu'u tyiquee ma̱ lo'o cua'ni ma̱ sca cña; si'i xcui' cha' ji'i̱ ycui' ca ma̱ culacua ti' ma̱, ni si'i na cua'ni tyucuaa ti' ma̱ lo'o tya'a ma̱. Tso'o la si culacua ti' ma̱ cha' tso'o la laca nu xa' la ngu' tya'a ma̱, pana ná tso'o ycui' ca ma̱;

1 CORINTIOS 12:22

Masi nti' na cha' xti la cña ndu'ni sca lo tyijya̱ na, bi' laca nu lye la ndulo ji'na;

ROMANOS 12:10

Ndi'ya̱ caca tyiquee ma̱ ña'a̱ ma̱ ji'i̱ ngu' tya'a ntsu'u cha' ji'i̱ ma̱ lo'o Cristo: caca ñi'ya̱ si laca ngu' bi' tya'a ngula ma̱ tsiya' ti; bi' cha' cua'ni chi̱ ma̱ loo tya'a ma̱, xti ti cha' tyu'u tyiquee ycui' ca ma̱ li'.

1 CORINTIOS 12:15

Si ndi'ya̱ chcui' quiya' na lo'o na: “Si'i ya' nu'u̱ laca na', bi' cha' ná ntsu'u cha' jna' lo'o nu'u̱”, ñacui̱ bi'. ¿Ñi'ya̱ ñacui̱ ta na? Pana ná nchca xuu bi', ca ña'a̱ ngalya bi' ji'i̱ tyucui ña'a̱ na.

1 CORINTIOS 12:17

Ná ntsu'u su cuna na li', si xcui' cloo na laca tyucui ña'a̱ na. ¿Ñi'ya̱ caca cui̱' na sca na si xcui' jyaca̱ na laca tyucui ña'a̱ na?