1 CORINTIOS 11:5 - Chatino Tataltepec

^5-6 Pana nu ngu' cuna'a̱ ni, tso'o si sta ngu' payu̱ hique ngu' lo'o ndyu'u ti'i̱ lcaa ngu' ne' laa; masi chcui' ngu' lo'o ycui' Ndyosi, masi cacha' ngu' sca cha' ji'i̱ ycui' Ndyosi ji'i̱ ñati̱, sta ngu' payu̱ hique ngu', cha' ná cua'ni tyucuaa ti' ngu' cuna'a̱ ji'i̱ clyo'o ngu' ca su ndyu'u ti'i̱ ngu' li', cha' loo la laca nu qui'yu ji'i̱ nu cuna'a̱. Nclyá cu'ma̱ quicha̱' hique nu cuna'a̱ nu ngua sa'a ji'i̱ ngu', cha' ca tyuju'u ti'; la cui' jua'a̱ stu'ba ti laca nu cuna'a̱ nu ná sta payu̱ hique ne' laa. Bi' cha' cu'ma̱ ngu' cuna'a̱, si ná nti' ma̱ cua'ni tyucuaa ti' ma̱ ji'i̱ nu ngu' qui'yu su ndyu'u ti'i̱ ma̱ lo'o ngu', tso'o la si tacu̱' ma̱ hique ma̱ li'; ná ntsu'u cha' ca tyuju'u ti' ma̱ li'.

1 CORINTIOS 11:5 Referans Kwoze

SAN LUCAS 2:36

Ntsu'u sca nu cuna'a̱ nu laca tu'ba ji'i̱ ycui' Ndyosi, nu ndi'i̱ ne' laa bi'; Ana naa nu cuna'a̱ bi', sñi' Fanuel laca, lo'o la cui' ñati̱ tya'a ji'i̱ ngu' Aser laca nu cuna'a̱ bi'. Cusu' tsa ma' bi' juani. Tya cuañi' ma' lo'o ngujui clyo'o ma'; pana cati ti yija̱ nguti'i̱ ma' lo'o clyo'o ma', lo'o li' ngujuii nu qui'yu bi'.

LOS HECHOS 2:17

Tyempo nde loo la lo'o cua tye ti chalyuu, nacui̱ ycui' Ndyosi, ta na' Xtyi'i ycui' na' cha' tyanu ne' cresiya ji'i̱ ñati̱ chalyuu, nacui̱ Ni. Li' ta sñi' ma̱ cha' jna' lo'o ngu'. Lo'o jua'a̱ ña'a̱ ngu' cuañi' cha' tlyu nu ndu'ni ycui' Ni, culu'u na' cha' tlyu bi' ji'i̱ ngu'; lo'o jua'a̱ chcui' xcalá ngu' cusu'.

1 CORINTIOS 14:34

Ná nda ngu' chacuayá' chcui' ngu' cuna'a̱ ca su ndyu'ni tlyu ngu' ji'i̱ ycui' Ndyosi; nga'a̱ cha' tucuá nu cuna'a̱ cha' nu nchcui' nu qui'yu, cha' jua'a̱ cña ngulo Ni ji'i̱ ngu' cha' cua'ni ngu'.

LOS HECHOS 21:9

Ntsu'u jacua tya'a sñi' Felipe, xcui' cuna'a̱ nu ntucua ycui' ti laca sñi' yu. Cua nda ycui' Ndyosi chacuayá' ji'i̱ nu cuna'a̱ bi', cha' chcui' ngu' cua ña'a̱ ca cha' nu nda ycui' Ndyosi lo'o ngu' cha' chcui' ngu' lo'o ñati̱.

1 CORINTIOS 11:4

Bi' cha' ná tyucua smalyu scua' que ngu' qui'yu ne' laa su ndyu'u ti'i̱ ma̱; masi chcui' yu lo'o ycui' Ndyosi, masi cacha' yu sca cha' ji'i̱ Ni ji'i̱ ñati̱, ná tyucua smalyu hique yu. Loo laca Cristo ji'i̱ yu, bi' cha' ná cua'ni tyucuaa ti' yu ji'i̱ Ni ñi'ya̱ si tyucua smalyu hique yu.