1 CORINTIOS 10:25 - Chatino Tataltepec

²⁵ Taca cacu ma̱ lcaa na ndacu nu nchca caya' ni'i̱ lcaya'; ná sca culacua ti' ma̱ na ca laca bi', si tso'o, si ná tso'o laca bi' cuentya ji'i̱ ma̱.

1 CORINTIOS 10:25 Referans Kwoze

1 CORINTIOS 8:7

Pana ná lcaa ñati̱ nchca cuayá' ti' cha' bi'. Ntsu'u ngu' tya'a ngusñi na cha' ji'i̱ Jesús nu ná nchca cacu sca na nu cua nscua slo jo'ó tya clyo. Nu ngua tya sa'ni la, cua ngui'i̱ tsa ngu' bi' ji'i̱ jo'ó bi'; lo'o juani ña'a̱ ti tya ntsu'u ti' ngu' bi' cha' na cacu jo'ó laca na nu cacu ngu' bi'. Bi' cha' ná ndalo ngu' bi' tsiya' ti cha' cacu ngu' cuaña' nu ngua msta̱ bi'; cha' cuxi laca cha' bi' cuentya ji'i̱ ngu' bi'.

1 TIMOTEO 4:4

Tso'o tsa cña ngua'ni Ni, tso'o ngüiñá Ni lcaa lo na; bi' cha' ná tso'o si xcua̱a̱ na sca cha' tso'o nu ngüiñá Ni. Xñi na lcaa cha' tso'o bi', lo'o li' ndi'ya̱ chcui' na lo'o ycui' Ndyosi: “Tsaa xlya'be jinu'u̱, Ndyosi Sti ya”, ñacui̱ na.

TITO 1:15

Lubii tsa laca lcaa lo na, jua'a̱ nti' sca ngu' nu lubii cresiya ji'i̱ cuentya ji'i̱ ycui' Ndyosi; pana ná ntsu'u na lubii tsiya' ti nti' ngu' nu cuxi tyiquee, cha' ná jlya ti' ngu' bi' ji'i̱ cha' liñi. Lo'o cua'ni ngu' nu cuxi tyiquee cha' cuxi, li' nga'aa nda ngu' bi' cuentya cha' xcui' cha' cuxi laca nu ndu'ni ngu'.

ROMANOS 14:14

Cua nchcui' Cristo lo'o na', cua jlo ti' na' cha' ni sca na cuxi ná nda ycui' Ndyosi cha' cacu ñati̱; lcaa na nu ndacu ñati̱ chalyuu, na tso'o laca bi'. Pana ntsu'u ñati̱ nu ná nchca cacu sca na, xqui'ya cha' nti' ti ngu' cha' na cuxi laca bi'; cuxi tsa laca na bi' cuentya ji'i̱ ngu' bi' si cacu ngu' ji'i̱ li'.

ROMANOS 13:5

bi' cha' ntsu'u cha' taquiya' ma̱ ji'i̱ cha' nu nchcui' ngu' bi'. Xcube' ngu' bi' ji'na si ná taquiya' na ji'i̱ ngu'. Lo'o jua'a̱ jlo ti' na cha' nga'a̱ cha' taquiya' na ji'i̱ ngu' bi', xqui'ya cha' liñi nu ntsu'u hique scaa na.

LOS HECHOS 10:15

Xa' nchcui' ycui' Ndyosi lo'o yu li': ―Ná tso'o ñacui̱ nu'u̱ cha' na'ni cuxi laca jua, si cua nacui̱ ycui' Ndyosi cha' lubii ni'.