1 CORINTIOS 10:1 - Chatino Tataltepec

¹ Cu'ma̱ tya'a ngusñi na cha' ji'i̱ Jesús, tya nti' na' cacha' na' ji'i̱ ma̱ chaca quiya' ñi'ya̱ ngua ji'i̱ jyo'o cusu' ji'na, nu lo'o nguta'a̱ ngu' lo'o jyo'o Moisés nu ngua sa'ni. Ndacui sca coo nde cua̱ su nguta'a̱ ngu' bi', cha' ná ña'a̱ ngu' xña'a̱ bi' ji'i̱ ngu'. Tso'o ti nteje tacui ngu' bi' cla'be lo hitya su naa Tyujo'o Nga'a, ngutu'u ngu' chaca tsu' li'.

1 CORINTIOS 10:1 Referans Kwoze

HEBREOS 11:29

Xqui'ya cha' jlya ti' Moisés ji'i̱ ycui' Ndyosi, bi' cha' ndyaala sca tyucui̱i̱ btyi ti cla'be laja Tyujo'o Nga'a, cha' tyu'u ngu' chaca tsu'. Pana nu lo'o ngua ti' ngu' Egipto tyu'u lca'a̱ ji'i̱ ngu' Israel, nga'aa ngua ji'i̱ ngu' li', cha' ndyanu ngu' ne' hitya bi'; ndye ngu' Egipto, ngujuii ngu' bi' li'.

1 CORINTIOS 14:38

bi' cha' ná tucuá ma̱ cha' ji'i̱ ñati̱ nu ná ntaja'a̱ taquiya' ji'i̱ cha' re.

1 CORINTIOS 12:1

Cu'ma̱ tya'a ngusñi na cha' ji'i̱ Jesús, ntsu'u sca cha' nu nti' na' cha' caca cuayá' ti' ma̱ cuentya ji'i̱ cña nu caca ji'i̱ sa scaa na xqui'ya Xtyi'i ycui' Ndyosi.

ROMANOS 4:11

ca tiya' la, li' ngulacua̱ yu jua'a̱. Sca cuayá' ti ngua bi', cha' caca cuayá' ti' ngu' cha' ngua tso'o cresiya ji'i̱ yu cuentya ji'i̱ ycui' Ndyosi, nu lo'o jlya ti ti' yu ji'i̱ Ni. Yala la ngua cha' ngusñi yu cha' ji'i̱ ycui' Ndyosi, tiya' la ngulacua̱ yu. Bi' cha' lcaa ma̱ nu ntsu'u ma̱ xa' tsu' nu ngusñi ma̱ cha' ji'i̱ Jesús, laca ma̱ ñi'ya̱ laca si Abraham laca jyo'o cusu' ji'i̱ ma̱ nu ya̱a̱ chalyuu tya clyo la. Lo'o xñi cua ña'a̱ ca na cha' ji'i̱ Jesús, li' quiñi cha' ji'i̱ ycui' Ndyosi lo'o na cha' caca lubii cresiya ji'na.

GÁLATAS 3:29

Nu lo'o ngusñi na cha' ji'i̱ ycui' Cristo, li' la cui' jua'a̱ laca na ñati̱ nu ndyu'u ji'i̱ jyo'o Abraham, masi tiya' la ñaa na chalyuu. Su cua ndye, li' tyanu cha' ji'na, lcaa ña'a̱ cha' nu cua ngüiñi ji'i̱ ycui' Ndyosi lo'o nu Abraham bi' cua sa'ni la cha' tyacua ji'na.

ROMANOS 11:21

Ná ngua'ni ycui' Ndyosi cha' clyu ti' ji'i̱ ngu' judío, ngu' nu laca sta̱' ycui' yaca bi'; ngusi'yu cu' Ni ji'i̱ sta̱' bi'. Lo'o jua'a̱ ná cui'ya Ni cha' clyu ti' ji'i̱ cu'ma̱, si jua'a̱ xtyanu ma̱ ji'i̱ ycui' Ni.

SAN JUAN 4:20

Ca'ya cua̱ cua ni, tacati tsa ca'ya cua̱ cua ji'i̱ jyo'o cusu' ji'i̱ ya, cha' nde bi' ti ngua'ni tlyu ngu' jyo'o bi' ji'i̱ ycui' Ndyosi; pana xa' cha' nti' cu'ma̱ ngu' judío, cha' nacui̱ ma̱ cha' ntsu'u cha' cua'ni tlyu na ji'i̱ ycui' Ndyosi sca ti ca ne' laa tlyu ca Jerusalén.

ROMANOS 1:13

Cu'ma̱ tya'a ngusñi na cha' ji'i̱ Jesús, nti' na' cha' caca cuayá' ti' ma̱ ñi'ya̱ nu ntsu'u tyiquee na' ña'a̱ na' ji'i̱ cu'ma̱. Tyu̱u̱ quiya' ngua ti' na' ca̱a̱ na' ca su ndi'i̱ ma̱, pana hasta juani bilya caja ñi'ya̱ caca nu ca̱a̱ na'. Ñi'ya̱ nu ngua'ni na' ca xa' loyuu chalyuu, jua'a̱ cua nti' na' cha' caca su ndi'i̱ cu'ma̱; nti' na' cha' taquiya' xa' la ñati̱ cha' ji'i̱ Jesús, lo'o jua'a̱ nti' na' cha' tya culu'u la na' cha' bi' ji'i̱ ma̱.