1 CORINTIOS 1:20 - Chatino Tataltepec

²⁰ ¿Ni cña tso'o cuentya ji'i̱ ycui' Ndyosi ndu'ni ñati̱ nu nchca tsa ji'i̱ lacua? ¿Ni cña ndu'ni ngu' nu ngua tsa'a̱ tso'o ti? ¿Ni cña ndu'ni ngu' nu nchca tsa nchcui' lacua? Sca ti nde chalyuu cua'nijo'o cña bi' ji'i̱ ngu'. Cua nacui̱ ycui' Ndyosi ji'na cha' ná tso'o tsiya' ti sca cha' nu ngua tsa'a̱ ñati̱ chalyuu ti, cha' tonto laca bi'.

1 CORINTIOS 1:20 Referans Kwoze

ROMANOS 1:22

Nacui̱ ngu' cha' nchca tsa ji'i̱ ycui' ca ngu', pana lye tsa ndyu'ni tyucuaa ti' ngu' lo'o nchcui' ngu' jua'a̱; ple tsa ngu' xqui'ya cha' cuxi nu ndu'ni ngu'.

1 CORINTIOS 3:19

Masi ndu'ni ñati̱ chalyuu cha' ngua tsa ji'i̱, cha' tso'o tsa nclyacua ti' ngu', si'i jua'a̱ nti' ycui' Ndyosi ña'a̱ Ni ji'i̱ ngu' bi'; ná tso'o tsiya' ti cha' nu nchcui' ñati̱ chalyuu nti' Ni. Cua nscua sca cha' lo quityi cusu' nu nchcui' ndi'ya̱: “Ndu'ni ycui' Ndyosi cha' quichi̱ yaa cha' hique ñati̱ chalyuu, masi tso'o tsa ndu'ni ngu' nti' ngu'”, nacui̱ lo quityi.

1 CORINTIOS 1:19

Ntsu'u sca cha' nu nscua lo quityi cusu' ji'i̱ ycui' Ndyosi nu nchcui' ndi'ya̱: Cua'ni tye na' ji'i̱ lcaa cha' nu nchcui' ñati̱ nu nchca tsa ji'i̱, nacui̱ ycui' Ndyosi. Nga'aa taquiya' na' ji'i̱ cha' nu nclyo hique ti ñati̱ nu ngua tsa'a̱ tso'o ti, nacui̱ Ni.

1 CORINTIOS 2:6

Masi jua'a̱, cua ntsu'u cha' tso'o nu nchcui' na lo'o ñati̱ nu nduna tso'o cha' ji'i̱ ycui' Ndyosi; cha' nu ngua'ya hique ycui' Ndyosi laca cha' bi', si'i sca cha' nu jlo ti' ñati̱ chalyuu. La cui' ti ná jlo ti' nu laca loo chalyuu cha' bi', masi cua lijya̱ tye cha' culo ngu' bi' cña.

SAN MATEO 13:22

Si'yu nu ndyalú lo yuu su ngutu̱ lti quiche' ni, bi' laca ñi'ya̱ laca ñati̱ nu cua ndyuna cha' tso'o bi', pana ndya'a̱ tsa cha' tyiquee ngu' bi' ñi'ya̱ caca ji'i̱ ngu' nde chalyuu, cha' nti' tsa ngu' caca culiya' ngu'. Bi' cha' ná nchca ji'i̱ ycui' Ndyosi cua'ni sca cña tso'o ne' cresiya ji'i̱ ngu' bi'.

SAN JUAN 12:31

Cua ndyalaa hora cha' cua'ni cuayá' Ni ji'i̱ lcaa ñati̱ chalyuu, nu lo'o tyiji̱loo na' tsiya' ti ji'i̱ nu xña'a̱ nu laca loo nde chalyuu ―nacui̱ Jesús ji'i̱ ngu'―.

LOS HECHOS 17:18

Cua ntsu'u sca taju ngu' nde quichi̱ bi', ngu' nu ndyaca tsa'a̱ ji'i̱ cha' nu nclu'u ngu' epicúreo, lo'o jua'a̱ ntsu'u chaca taju ngu' nu ndyaca tsa'a̱ ji'i̱ cha' nu nclu'u ngu' estoico. Ndyacua tya'a nu ngu' nu ndyaca tsa'a̱ tyucuaa lo cha' bi' lo'o Pablo li'. Nchcui' tsa ngu' cha' ji'i̱ yu lo'o tya'a ngu': ―¿Ni cha' nda nu qui'yu re nu nchcui' tsa lo'o na? ―nacui̱ ngu' ji'i̱ tya'a ngu'. ―¿Ha si'i cha' ji'i̱ xa' jo'ó nchcui' yu? ―nacui̱ tya'a ngu' li'. Pana cua ndyuna ngu' lo'o ngulu'u Pablo cha' ji'i̱ Jesús, cha' ngulu'u yu ji'i̱ ngu' ñi'ya̱ ngua cha' ndyu'ú Jesús chaca quiya'.

ROMANOS 1:20

Ycui' Ndyosi ni, ná nchca ji'na ña'a̱ na ji'i̱ Ni ca su ntucua Ni nde cua̱, ni ná taca ca cuayá' ti' na ñi'ya̱ laca cha' ná tye chca cha' tlyu nu ndu'ni Ni. Pana tya lo'o nguxana chalyuu tya clyo, tya li' taca tyuloo na ji'i̱ ycui' Ni; tya li' ngujui ñi'ya̱ caca cuayá' ti' na tilaca laca ycui' Ni, si clyana na ji'i̱ Ni. Taca tyuloo ñati̱ ji'i̱ Ni lo'o ña'a̱ ngu' ji'i̱ lcaa lo na nu ngüiñá Ni. Bi' cha' ná ntsu'u cha' clyu ti' ji'i̱ ycui' Ndyosi lo'o ñati̱ cuxi bi'.

1 CORINTIOS 1:26

Cu'ma̱ tya'a ngusñi na cha' ji'i̱ Cristo, tyi'u ti' ma̱ juani ñi'ya̱ ña'a̱ ñati̱ ngua ma̱ tya clyo, nu lo'o ngusubi ca ti Ni ji'i̱ ma̱: sca tucua ti ma̱ nu nchca tsa ji'i̱ ma̱; si'i ñati̱ tlyu laca ma̱, si'i ñati̱ culiya' laca ma̱ su ndi'i̱ ma̱ chalyuu, sca tucua ti cu'ma̱ nu tso'o laca xi ji'i̱ ma̱.

1 CORINTIOS 1:27

La cui' cu'ma̱ nu nacui̱ ngu' cha' ná tso'o ma̱ tsiya' ti, nu juani laca ma̱ ñati̱ nu nti' la ycui' Ndyosi ji'i̱. Jua'a̱ cua nti' ycui' Ndyosi ta cha' tyuju'u ti' ji'i̱ ñati̱ nu nchca tsa chcui', nti' ycui' ngu'; bi' cha' cua ngusubi Ni ji'i̱ cu'ma̱, masi ñati̱ ti'i laca ma̱. Lo'o jua'a̱ ndu'ni Ni cha' tyuju'u ti' ñati̱ nu tlyu tsa cña nchca ji'i̱, nti' ycui' ngu'; bi' cha' ngusubi Ni ji'i̱ cu'ma̱ nu ná nchca lye ji'i̱ ma̱.

1 CORINTIOS 1:28

Ndu'ni Ni cha' nga'aa nchca chcui' tsiya' ti nu ñati̱ nu ndulo tsa ji'i̱ ycui' ca; bi' cha' nsubi Ni ji'i̱ ngu' ti'i, nsubi Ni ji'i̱ ngu' nu nxtyí lo'o ñati̱ ji'i̱, nsubi Ni ji'i̱ ngu' nu ná sca na ntsu'u ji'i̱ tsiya' ti, bi' ngu' laca nu nsubi ycui' Ndyosi ji'i̱ cha' caca ngu' ñati̱ ji'i̱.

1 CORINTIOS 2:8

Ni sca ñati̱ nu laca loo chalyuu, ná ngua cuayá' ti' ngu' cha' bi'. Si ngua jlo ti' ngu' cha' bi', ñi'ya̱ nu ngua ti' ycui' Ndyosi cha' cua'ni Ni, ná ngujui'i̱ ca'a̱ ngu' bi' ji'i̱ Jesús lo crusi li', ycui' Jesús nu Xu'na na nu tlyu tsa cha' tso'o ntsu'u ji'i̱.

1 CORINTIOS 3:18

Cua ngusñi na cha' ji'i̱ Cristo, bi' cha' tso'o la si ná cñilo'o na ji'i̱ ycui' ca na cha' ngua tsa ji'na, ñi'ya̱ ndu'ni ñati̱ chalyuu nu ngua tsa ji'i̱ ngu'. Ná tso'o si jua'a̱ nclyacua ti' na; nga'a̱ cha' culacua ti' na cha' ná ngua ji'na tsiya' ti, lo'o li' taca cua'ni ycui' Ndyosi cha' ca'ya sca cha' liñi hique na.

1 CORINTIOS 6:2

Cua jlo ti' ma̱ cha' cua nscua cha' ycui' na cua'ni cuayá' na ji'i̱ lcaa ñati̱ chalyuu lo'o cua tye ti cha', cha' cua ntsu'u cha' ji'na lo'o ycui' Ndyosi. Si jua'a̱ caca cña nu cua'ni ma̱ ca tiya' la, ¿ha ná caca ji'i̱ ma̱ cua'ni cuayá' ma̱ ji'i̱ sca cha' xca ti nde chalyuu juani?

1 CORINTIOS 11:32

Nchca tyaala Ni ji'na juani, lo'o jua'a̱ nchcube' Ni ji'na xqui'ya cha' cuxi nu ndyu'ni na, cha' tiya' la lo'o cua ndye chalyuu ná tsaa na ca bilyaa lo'o ñati̱ nu ná ndaquiya' ji'i̱ Ni tsiya' ti.

SANTIAGO 4:4

cua nguxtyanu ma̱ ji'i̱ ycui' Ndyosi, cua ntsu'u cha' ji'i̱ ma̱ lo'o sca cha' nu cuxi tsa, si jua'a̱ ndyu'ni ma̱. ¿Ha ná nchca cuayá' ti' ma̱ cha' tya'a cusu̱u̱ ycui' Ndyosi laca na, si xcui' cha' ji'i̱ ycui' ca ti na ntsu'u tyiquee na? Na nxu̱u̱ tya'a na lo'o ycui' Ndyosi, si cua'ni tya'a na lo'o nu cuxi nu ntsu'u nde chalyuu.