1 CORINTIOS 1:13 - Chatino Tataltepec

¹³ ¿Ha tyu̱u̱ tya'a nu laca Cristo ntsu'u chalyuu cha' cua'ni lyaá ji'i̱ ma̱ lacua? ¿Ha jna' nu ngujui'i̱ ca'a̱ ngu' 'na lo crusi cha' cajaa na' xqui'ya cu'ma̱? ¿Ha cuentya jna' cua ntyucuatya ma̱?

1 CORINTIOS 1:13 Referans Kwoze

EFESIOS 4:5

Sca ti Xu'na na ntsu'u ji'i̱ ca ta'a na, sca ti cha' jlya ti' na cuentya ji'i̱ Cristo, sca ti cuayá' ntyucuatya na cuentya ji'i̱ Cristo,

2 CORINTIOS 11:4

Ngujui cha' jna' cha' ndi'ya̱ ndu'ni ma̱: tso'o tsa nchcui' ma̱ lo'o cua ña'a̱ ca ñati̱ nu lijya̱ ca slo ma̱, masi xa' ña'a̱ cha' nu nda ngu' cuentya ji'i̱ Jesús, masi ná stu'ba cha' nu nda ngu' bi' lo'o cha' nu cua nda ya lo'o ma̱ tya clyo la. La cui' jua'a̱ nduna ma̱ chaca cha', pana si'i cha' tso'o ji'i̱ Jesús nu ndu'ni lyaá ji'na ji'i̱ nu cuxi nu cua nchcui' ya lo'o ma̱ laca bi'. Bi' cha' laca cha' chaca xtyi'i ndyu'ú ne' cresiya ji'i̱ ma̱ juani, nga'aa si'i Xtyi'i ycui' Ndyosi laca bi'.

LOS HECHOS 2:38

―Tso'o si caca tyuju'u ti' ma̱ ji'i̱ cha' cuxi, lcaa cha' cuxi nu ntsu'u tyiquee ma̱ xtyanu ma̱ ji'i̱ li' ―nacui̱ Pedro ji'i̱ ngu'―. Lo'o jua'a̱ tyucuatya ngu' ji'i̱ ma̱ chacuayá' ji'i̱ Jesús li'. Cuityi̱ Ni lcaa qui'ya nu ntsu'u ji'i̱ ma̱ li', jua'a̱ ta Ni Xtyi'i ycui' Ni cha' tyanu Ni ne' cresiya ji'i̱ ma̱.

1 CORINTIOS 10:2

Coo nu ndacui bi', lo'o jua'a̱ hitya tyujo'o bi', bi' laca nu ngua'ni cha' ngusñi ngu' cha' ji'i̱ Moisés; bi' cha' ngutu'u lca'a̱ ngu' ji'i̱, ñi'ya̱ laca cha' lo'o tyucuatya na cuentya ji'i̱ Jesús.

LOS HECHOS 19:5

Ndyuna ngu' cha' nu ngulu'u Pablo ji'i̱ ngu', bi' cha' chaca quiya' ntyucuatya ngu' cuentya ji'i̱ ycui' Jesús nu Xu'na na.

LOS HECHOS 10:48

Li' nchcui' ngu' bi' lo'o ñati̱ tya'a Cornelio bi': ―Tso'o la si tyucuatya ya ji'i̱ ma̱ juani, cha' ca cuayá' ti' ngu' quichi̱ re cha' ñati̱ ji'i̱ Jesucristo laca ma̱. Lo'o li' xa' nchcui' nu ngu' ca tyi lo'o Pedro cha' tyanu yu la xi lo'o ngu' bi'.

GÁLATAS 1:7

Pana liñi la ñacui̱ na cha' nga'aa ntsu'u xa' la cha' tso'o ji'i̱ Jesucristo nu taca cua'ni lyaá ji'na. Ndi'ya̱ ndyaca cha': Ntsu'u xi ñati̱ nu ndyu'ni cha' quichi̱ yaa cha' hique ma̱; cua nti' tsa ngu' bi', cha' xcutsa'a̱ ngu' ñi'ya̱ ntsu'u cha' ji'i̱ Cristo.

SAN MATEO 28:19

Yaa ma̱ lcaa quichi̱ nde chalyuu cha' ca tsa'a̱ lcaa ñati̱ cha' jna'. Li' tyucuatya ma̱ ji'i̱ ngu' chacuayá' ji'i̱ ycui' Ndyosi Sti na', jua'a̱ chacuayá' jna' nu laca̱ Sñi' ycui' Ndyosi, jua'a̱ chacuayá' ji'i̱ Xtyi'i ycui' Ndyosi.

TITO 2:14

Nu lo'o nda Jesús chacuayá' cha' ndyujuii ngu' ji'i̱, nda yu tyucui ña'a̱ ycui' ca yu cha' taca clyaá na ji'i̱ nu cuxi. Ngua'ni lubii Ni ji'i̱ cresiya ji'na li' cha' caca na ñati̱ ji'i̱ Ni, cha' tyaja'a̱ na cua'ni na xcui' cha' tso'o li'.

1 CORINTIOS 1:15

Ná ca ñacui̱ ngu' cha' cua ntyucuatya ma̱ cuentya jna' lacua.

ROMANOS 14:9

Cua ngujuii Cristo, lo'o jua'a̱ cua ndyu'ú Cristo chaca quiya', cha' ca cuayá' ti' lcaa ngu' cha' ycui' Ndyosi laca Xu'na lcaa jyo'o nu ngusñi cha' ji'i̱ Ni nu lo'o nguti'i̱ ngu' chalyuu. Lo'o jua'a̱ ycui' Ni laca Xu'na ñati̱ nu jlya ti' ji'i̱ Ni nde chalyuu juani.

LOS HECHOS 8:16

Bilya tyanu Xtyi'i ycui' Ndyosi ne' cresiya ji'i̱ ngu' bi', masi cua ntyucuatya Felipe ji'i̱ ngu' nu lo'o ngua ti' ngu' caca ngu' ñati̱ ji'i̱ Jesucristo.

SAN MATEO 3:6

Li' ntyucuatya Juan ji'i̱ ngu' nu ndya'a̱ slo yu nde lo hitya Jordán, ntyucuatya yu ji'i̱ lcaa ngu' nu nchcui' cha' ngua tyuju'u ti' ngu' ji'i̱ cha' cuxi nu ndyu'ni ngu'.