Zacarías 9:7 - Chuj San Sebastian Bible

⁷ Man̈x 'oj wac' schi eb' no chib'j 'ayt 'och schiq'uil, man̈x 'oj sc'ux eb' jun tzo'n̈ tas to 'ay yowlal sc'uxxi, 'icha yaln sleyal. Palta a 'a scal jun tzo'n̈ 'anma cha, 'ayt eb' 'oj canoc, 'oj 'ochcn eb' wico'oc. Lajn 'oj 'ajcn eb' 'icha eb' 'aj Judá. Ax eb' 'aj Ecrón, lajn 'oj 'ajcn eb' 'icha eb' jebuseo.

Chuj San Mateo Bible

⁷ Man̈xo ol in cha smilcham anima eb'. A d'a scal eb' filisteo chi', ayto eb' ol canoc, ol ochcan eb' vicoc. Lajan ol ajcan eb' icha junoc macan̈ eb' aj Judá. A eb' aj Ecrón chi', ol cajnaj eb' d'a scal eb' aj Judá icha eb' jebuseo.

Zacarías 9:7 Referans Kwoze

Gl 3:28

Man̈x 'a yel'chi, toto israel on̈, mto griego on̈. Wach'xam 'ayn̈ 'och mosoal to man̈ quico'oc qui b'a, wach'xam mun quic qui b'a, toxn̈ej winac, toxn̈ej 'ix, may yel'chi, yujto junxn̈ej cajc qui masnil yet' Cristo. 'Icha to junxn̈ej 'anmal cajc qui masnil.

Zacarías 8:23

A 'a yic jun c'ul cha, lajn̈wan̈ eb' chuc chon̈b'al 'oj 'och yamn 'a spichl junc israel, ax yaln eb' 'a 'ixtic: Tzqui nib'j tzon̈ 'at eyet'oc, yujto 'ix cab'i chajtlto 'a Dios 'aych eyet' ax tic, 'oj xchic eb', xchi Dios.

Am 3:12

A Jehová a tzaln 'ixtic: A jaywn̈ocx eb' 'aj Samaria 'oj colchjoc, cojxn jac sc'axpil xila, mto sc'axpil sch'at eb' 'oj yic' ax s'at eb' 'eloc. Lajn 'oj 'aj eb' 'icha tzyutj junc 'ilm calnelu scoln 'el chab'oc yoc mto jac sti schicn no calnelu 'a sti no león, xchi.

Jeremías 49:39

Ax 'a slajub', 'oj wi'xq'ue'ch chon̈b' Elam tic jun 'ejm xo, xchi Dios.

Jeremías 49:6

Palta an Jehová in, an tzwala: To a 'a yic 'oj lajwc ye'cn jun tzo'n̈ tic, 'oj wi'xq'ue'ch chon̈b' Amón tic jun 'ejm xo, xchi Dios.

Jeremías 48:47

Palta an Jehová in, an tzwala, to ax 'a slajub', 'oj wi'x q'ue'ch chon̈b' Moab jun 'ejm xo, xchi Dios. Atn jun tzo'n̈ yailal tic 'ix yalcn Jehová 'a yib'n̈ chon̈b' Moab.

Salmos 58:6

Mamin Jehová, in Diosal ach, 'ij 'el yip eb' 'icha tzyutj eb' 'anma sma'n 'el ye no león.

Salmos 3:7

Mamin Jehová cotn̈ colwjoc wet'oc, coln ach in Diosal. Ach 'oj a ma'lajwc sat eb' 'ajc'ojl yajch 'ayin, ax a ma'n pax 'el ye eb' tzb'on maysch'olnil 'a in patic.

1 Cr 21:15

'Ix schecn cot jun yángel 'a Jerusalén yic tzya'n lajwoc. Palta ax yic xyilni to yelc'ojlal tzlajw 'el yu'uj, yuj cha, 'ix snan sb'a sc'ojl yuj jun yailal cha, 'ix yaln 'ixtc 'a jun yángel wan smilw cham 'anma cha: ¡Colb' cha, 'ochn̈ wa'an! xchi 'a 'a. A jun yángel Jehová cha, ata 'ayc' 'a 'aj wan ste'w trigo Ornán win jebuseo.

Zacarías 9:6

A chon̈b' Asdod, caln 'oj 'aj eb' 'anma yaj cajn 'a 'a. Yuj cha, tzyaln Jehová 'ixtic: 'Ixtnta 'oj wutc wi'n 'ejm sb'an̈quinal eb' filisteo.

Zacarías 9:8

An xo tic, 'oj in coln̈j eb' in chon̈b' cha, ax in tan̈wni eb' 'a eb' soldado tz'ec' 'a tic. A eb' 'ixtm 'anma', man̈x 'oj 'ixtxoc in chon̈b' yuj eb'. An wal caw 'oj in tan̈wc in chon̈b' cha, xchi Dios.

1 Cr 1:14

A 'a win Canaán, ata cotnc yin̈tl eb' jebuseo, eb' amorreo, eb' gergeseo,

Is 65:4

Ata tzlaj 'at 'em wocn eb' 'a scal eb' xi'lb'a 'a campusan, tzlaj sc'ub'n 'el sb'a eb' 'aj c'ultac yaji, ata tz'ec' 'ac'wl yuj eb' yic tzc'umn sb'a eb' yet' eb' chamnc chi snani. Tzchin eb' schib'jal no chitam, caw tzb'ut'j yuc'b' eb' yet' yalil no chib'j cha, atn jun tzo'n̈ tas man̈ wach'c 'a sat ley.