Zacarías 8:16 - Chuj San Sebastian Bible

¹⁶ Atn jun tzo'n̈ tic yowlal 'oj e b'o ax tic: Tzex paxtin junjn ex wal 'a yel 'a eb' eyit 'anma'il, tojl tzeyutj e b'eyc'ojlwi, tzeya'n eyip eyoch 'a junc'ojlal junjn ex,

Chuj San Mateo Bible

¹⁶ Aton val juntzan̈ tic yovalil tze c'ulej: An̈ej tas yel tzeyal-laj d'ayex junjun ex. Tze ch'olb'itej yaj tas d'a stojolal, yic vach' ay junc'olal d'a e cal.

Zacarías 8:16 Referans Kwoze

Ef 4:25

Yuj cha, man̈x laj eya'lac 'es. Junjn ex, an̈j wal junc caw yel tzlaj eyal-la'oc, yujto qui masnil, 'icha to junn̈j 'anmal xoj cajec.

Zacarías 7:9

Atn jun tzo'n̈ tic waljnac 'a eb' in chon̈b' 'a yic pecti': Tojl cab' tzeyutj e b'eyc'ojlwi, wach' tzeyutj e nab'en, 'o'ch cab' e c'ojl 'ayx junjn ex.

Salmos 15:2

Atn eb' tic: Eb' yiclum 'ayach, eb' to wach' tas tzb'o'o, eb' tzaln tas yel yet' smasnil sc'ojol.

Zacarías 8:19

A c'ajb'c'ojlal tzeyac' 'a yic schan̈l 'uj, 'a yic yol 'uj, 'a yic yucl 'uj yet' 'a yic slajn̈il 'uj, 'oj meltzjoc can 'och jun tzo'n̈ chi 'a q'uin̈al, yet' 'a tzaljc'ojlalil 'a eb' yin̈tl Judá. Yuj cha, 'a'c 'och e b'a 'a stojlal yet' 'a junc'ojlal.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Pr 12:19

A eb' tzpaxtin wal 'a yel, may b'a'n̈ 'oj satl eb'; ax eb' 'a'm 'es, yajn̈j wal cha, tzsatl eb'.

Pr 12:17

A eb' testigo to wach'n̈j snab'en, yeln̈j tas tzyal eb'; ax eb' testigo to 'ixtm 'anma xoni, cojn 'es tzyal eb'.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

1 Ts 4:6

Caw man̈ quixtquec junc eb' quit creyenteal yet' jun tzo'n̈ tic. Xcham wal 'ec' calnc 'ayx on̈, toto 'ay eb' tzb'on jun tzo'n̈ maysch'olnil tic, caw 'oj yac' Dios syailal eb'.

Ef 4:17

A jun tzo'n̈ 'oj walb't 'ayx tic, atn schecnb'il Cajlilec. Caw man̈x lajnoc tzeyutj e b'eyb'al 'icha eb' man̈ 'ojtnacoc Dios, yujto a sb'eyb'al eb' cha, caw may yel'chi, nab'an̈ej tzyixtj sb'a eb'.

Mt 5:9

A eb' 'a'm tup owal, caw wach' yic eb', yujto 'oj yal Dios yunnalc eb'.

Miqueas 6:12

A jun tzo'n̈ eb' rico 'a scal eb' chon̈b' tic, caw 'elc'm eb', 'ixtm 'anma 'eb'. E masnil ex cajn 'a jun chon̈b' tic, caw 'a'm exn̈ej 'es.

Miqueas 6:8

Xin pacn 'ixtc 'a eb': Ex wit chon̈ab', tox 'ix yal Jehová tas wach' 'a sat yet' tas tznib'j 'ayn̈ec, atn jun tzo'n̈ tic: Yowlal tojl tzcutjec qui b'a, 'ay cab' qui chamc'ojlalec 'a eb' quit 'anma'il. 'Emmquilal pax tzcutjec qui yiclni 'a qui Diosal.

Am 5:24

Palta a tas tzin nib'j 'ayex, to lajn cab' e tojlal yet' e wach'l 'icha junc a niwn a may tz'aj stupi.

Am 5:15

Yajc 'el tas maysch'olnil, ax tas wach' a tze chamc'ojlej. Tzcham wal e maclni eyila', toto wach' xo tz'aj sb'oyaj junc mach 'a despacho. To 'ixta', toq'ue a Jehová Dios tztac' yuj smasnil, 'oj 'o'ch sc'ojl 'ayx ax yin̈tl ex to can José.

Lv 19:11

Man̈ ex 'elc'woc, man̈ eyac' 'es, man̈ eyixtc paxti e b'a junjn ex.

Jeremías 22:3

A tojlal, yet' wach'il, a tze b'eylb'ej. Man̈ eyixtc eb' eyit 'anma'il, man̈ eyixtc eb' chuc chon̈b'al, yet' eb' meb'a 'unn chamnc smam, yet' eb' 'ix 'ix chamnc yichmil. An̈jtona', man̈ e mil cham eb' 'anma may smul.

Ez 18:8

May 'aj tzyac' tumn majnil yic tzc'ann yune'; may mach tzyixtej, tojl tzyutj sb'on yaj eb' 'anma 'ay yowal.

Ez 45:9

An Jehová in, an tzwala: Ex yajl chon̈b' Israel, colb'l xo wal eyixtn eb' 'anma cha. B'ocyaj eb' 'anma 'a swach'il, tojl cab'n̈ej tzeyutj e b'eyc'ojlan eb'. 'Actjec eyi'n 'ec' slum eb' in chon̈ab'.

Sofonías 3:13

A eb' israel 'oj can to, man̈x 'oj sb'o eb' tas maysch'olnil, man̈x 'oj yac' eb' 'es. Man̈x 'a mach 'oj yixtc paxti eb', 'oj wa eb', ax yilj eb', man̈x 'a mach 'oj xib'tnoc eb', xchi Dios.

Zacarías 8:3

'Oj in meltzj pax 'a Jerusalén, yic tzin 'aj cajn 'a jun 'ejm xo. 'Ixta to b'i'an, a Jerusalén cha, 'oj scuch Chon̈b' Yiclum. Ax jun tzaln wic an Jehová in, tztac' wuj smasnil, 'oj scuch Tzaln Cojxn̈ej in 'ay wico'.

Salmos 34:15

A Jehová a tztan̈wni eb' 'anma wach' sb'eyb'al, tzmaclni pax yab' tas tzyal eb', yic tzyaln sb'a eb' 'a 'a.