Zacarías 7:2 - Chuj San Sebastian Bible

² A 'a yic jun tiempoal cha, a eb' 'aj Bet-el 'ix checn cot Sarezer, Regem-melec, yet' jun tzo'n̈ xo eb' winc ajun yet' eb' yic xjaw eb' 'a yatut Dios yuj wul yalnc sb'a eb' 'a Jehová jun tztac' yuj smasnil.

Chuj San Mateo Bible

² A d'a jun c'u chi', a eb' aj Betel ix checancot vin̈aj Sarezer, vin̈aj Regem-melec yed' juntzan̈xo eb' vin̈ vinac d'a stemplo Jehová Yajal d'a Smasanil, yic sc'anan svach'c'olal Jehová chi' eb' vin̈ d'a yib'an̈.

Zacarías 7:2 Referans Kwoze

Zacarías 8:21

A eb' cajn 'a junc chon̈ab', 'oj yal eb' 'a eb' cajn 'a junc xo chon̈b' 'ixtic: Coyc calc qui b'a 'a Jehová tztac' yuj smasnil, sec tzyac' syaxilal 'ayn̈ec, 'oj xchic eb'. Ax jun tzo'n̈ xo eb', 'oj yal eb' 'ixtic: 'Oj qui 'atc pax junx an̈ec tic, 'oj xchic eb'.

Jeremías 26:19

Toc yuj cha, 'ix milx cham Miqueas yuj win rey Ezequías, yet' yuj smasnil eb' chon̈ab'. A yic eb', to 'ix xiw eb', 'ix leslwi eb' 'a Jehová, sec tz'o'ch sc'ojl 'a eb'. Yuj cha, man̈x 'ic ya' cot Jehová jun yailal tox 'ix alx 'el 'a yib'n̈ eb' cha. Toto an̈ec tic, 'oj qui milc cham Jeremías tic, caw 'oj jawc yailal 'a quib'n̈ec, xchi eb'.

A Ch'an̈ B'ab'el Libro Yic Yab'ixal Eb' Rey 13:6

Yuj cha, xyaln win rey chi 'a jun schecb' Dios chi 'ixtic: —Tzin tew 'ayach, to tzach leslwi 'a Jehová a Diosal wu'uj, sec tzb'ox can in c'ab' tic, xchi. Xlajw cha, 'ix leslwi jun schecb' Dios cha, 'ix b'ox can sc'ab' win rey chi jun 'ejm xo, 'icha yaj xon 'a yic yalan̈.

A Ch'an̈ B'ab'el Libro Samuel 13:12

yuj cha, 'ix in nani toq'ue tz'eml eb' yac' owl wet' 'a Gilgal tic, an xo mantzac wac' 'ab'enal in b'a 'a yol sc'ab' Jehová. Yuj cha, 'ix wa'n pural wa'n tz'a no xajmb'al tic, xchi Saúl cha.

Zacarías 6:10

Chaj junc ofrenda 'a eb' paxn̈cta 'a Babilonia, eb' xit'nc 'icha presoal 'a jun nacion̈ cha: atn Heldai, Tobías yet' Jedaías. Tzlajwn̈ej cha, tzach 'at 'a yatut Josías, win yunnal Sofonías.

Is 60:7

Smasnil no calnelu 'ay 'a Cedar, 'oj eyico'oc no', ax e no mam calnelu 'ay 'a Nebaiot, a e no 'oj e c'anlb'oc yic 'oj eya'nc tz'a e no xajmb'al-l 'a yib'n̈ yet'l xajmb'al to wic yaji. 'Oj in cha e no eyofrendaoc. 'Ixta 'oj wutoc, sec 'ay yel'ch watut chi 'a e sat.

Esdras 6:10

yic tzya'n eb' xajmb'al-l 'a Dios 'ay yic satcha'an̈. 'Och cab' lesl wuj an rey in tic yet' yuj eb' wunnal.

Ex 32:11

Xlajw cha, syamn 'och Moisés sc'ann niwnc'ojlal 'a Dios yuj eb' chon̈b' cha, xyaln 'a Jehová 'ixtic: —Mamin Jehová, ¿tas wal yuj tzcot yowl a c'ojl 'a yib'n̈ eb' a chon̈b' tic, palta 'in to ach 'ix ej 'elt eb' 'a Egipto yet' 'a poder?