Zacarías 6:7 - Chuj San Sebastian Bible

⁷ A jun tzo'n̈ chej caw wal 'ay yip cha, tznib'j eb' tz'at yil smasnil yolyib'n̈q'uinal. 'Ix yaln jun ángel chi 'a e no 'ixtic: 'Ixquec, 'at 'iltec smasnil yolyib'n̈q'uinal, xchi. 'Ix 'at e no'.

Chuj San Mateo Bible

⁷ A juntzan̈ noc' chej te ay yip chi', ix tzalaj noc' sb'at sb'eytzitej masanil yolyib'an̈q'uinal tic. Ix yalan jun ángel chi' d'a noc' icha tic: Ixiquec e b'eytzitej masanil yolyib'an̈q'uinal tic, xchi d'a noc'. Ix b'at noc' b'ian.

Zacarías 6:7 Referans Kwoze

Zacarías 1:10

Yuj cha, xyaln jun 'ayc' 'a scal jun tzo'n̈ te tzcuch arrayán chi 'ixtic: Atn eb' tic checb'il 'at yuj Jehová yic tz'at yilnc eb' smasnil yolyib'n̈q'uinal, xchi.

2 Cr 16:9

A Jehová tzlaj yil smasnil tas tzuj 'a yolyib'n̈q'uinl tic, yic tzch'oxn 'el spoder, tzya'n ste'nal eb' wach' snab'en 'a 'a, toto a tzya'ch eb' yipc sc'ojol. Oc xo jun, a jun xa b'o cha, lajn 'icha junc may snab'en. Yuj cha, a ticnec yet' 'a yic 'oj b'ey tiempo, owln̈ej 'oj ela', xchi 'a 'a.

Dn 7:24

A lajn̈e sch'ac cha, tzyal 'el'chi, 'ay lajn̈wan̈ eb' rey 'oj yac' yajlil. Ax 'a spatc eb' lajn̈wan̈ cha, ata tza'n sjaw junx rey 'oj yac' yajlil. A jun cha, yel xo chuc yel 'a yib'n̈ jun tzo'n̈ xo eb' rey cha, 'oj satxoc 'el 'oxwn̈ eb' rey chi yu'uj.

Dn 7:19

Xlajw cha, xin c'anb'n to wal 'a 'a, tas yaj no schan̈l cha, yujto caw yel xo chuc yilx no 'a yib'n̈ jun tzo'n̈ xo no cha, caw tzon̈ xiw quiln 'och no'. A ye no', caw nab'a hierro smasnil; ax yech, nab'a bronce. Caw choc' tzyutj smasnil tas, tzb'u'n 'ejm smasnil, ax jantc to tas tzcan yu'uj, c'uxn tzte'cn 'ejm yet' yoc.

Gn 13:17

A ticnec, 'ixc muc'uc, tza b'eytzan smasnil ste'il, yet' sat jun lum tic, yujto 'oj wac' 'ayach, xchi Dios 'a Abram.

Nm 21:4

'Ix 'elx eb' israel 'a yich lum witz Hor, 'ix 'ec' eb' 'a jun b'e tz'ec' 'a a Chac Mar. Najt 'ix 'ec' yoy sb'a eb', yujto ma'ix chax 'ec' eb' 'a yol smacb'en Edom. A yic 'aych eb' 'a yol b'e, ata 'ix jaw schab'c'ojlal eb'.