Zacarías 5:11 - Chuj San Sebastian Bible

¹¹ 'Ix yaln 'ixtc 'ayin: To 'oj 'at eb' 'at sb'o jun yet'l 'a Babilonia. A yic 'oj lajwc sb'o jun yet'l eb' cha, ax sb'on 'och eb' jun 'echtab' chi 'a yib'n̈ sb'achnub'al, xchi.

Chuj San Mateo Bible

¹¹ Ix yalan d'ayin: Ol b'at sb'o jun templo eb' ix d'a Babilonia. Ayic toxo ix b'oel jun templo chi', ol sb'oanoch c'ojan jun echlab' chi' eb' ix d'a yib'an̈ sb'achnub'al, xchi d'ayin.

Zacarías 5:11 Referans Kwoze

Dn 1:2

A Dios a 'ix 'a'n 'ajxc ganar win rey Joacim yet' schon̈b' yuj win rey Nabucodonosor cha. 'Ix ya'n pax 'ajxc 'och jun tzo'n̈ syamc'ab'il yatut Dios 'a yol sc'ab' win rey cha. Ax yic 'ix japx win 'a Babilonia, 'ix ya'n 'och win jun tzo'n̈ yamc'ab' chi 'a yol yatut sdiosal. 'Ix yi'n cot win jun tzo'n̈ eb' 'aj Judá chi 'icha presoal.

Gn 10:10

A eb' chon̈b' 'aj yajl yaj Nimrod, 'ix 'el yich yuj 'a Babilonia, 'a Erec, 'a Acad yet' 'a Calne. A 'a yol yic Sinar ata 'ay jun tzo'n̈ chon̈b' cha.

Is 11:11

A 'a jun tiempoal cha, ata 'oj sch'oxx Cajlil spoder 'a jun tzo'n̈ nacion̈ cha, ax smolb'tzan paxt eb' schon̈b' sactzicnac yajcn 'ati. 'Oj paxtc eb' 'aycn 'at 'a Asiria, 'a Egipto, 'a Patros, 'a Etiopía, 'a Elam, 'a Sinar, 'a Hamat yet' 'a jun tzo'n̈ xo chon̈b' 'ay 'a sti a mar.

Gn 14:1

A 'a yic jun tiempoal cha, a Amrafel 'aych reyl 'a Sinar, ax Arioc 'aych reyl 'a Elasar, ax Quedorlaomer 'aych reyl 'a Elam, ax Tidal 'aych reyl 'a Goím.

Lc 21:24

Nan̈l eb' 'oj milxc cham yuj owl cha. Nan̈l xo eb' 'oj 'atcn 'a 'icha presoal, ax spojx can 'ec' eb' 'a junjn chon̈ab'. A eb' man̈ israeloc cha, caw 'oj 'ixtxoc can 'el Jerusalén tic yuj eb'. 'Ixta 'oj 'ajoc, masnto 'oj lajwc jun tiempoal 'aj tzyac' eb' yajlil 'icha yaj snan Dios.

Os 3:4

'Ixta pax eb' wit israelal, to najtl tiempo 'oj can eb' 'a may sreyal, may syajlil eb' tztan̈wni, man̈x 'a xajmb'al eb' 'oj yac' 'a Dios, man̈x 'a eb' q'uen q'uen wach' yilx tzsay eb', man̈x 'a te spichl eb' ya'mal 'och sti eb' 'a Dios tzb'o'o, man̈x 'a pax yechl junc comn dios 'ayc' 'a yol yatut junjn eb'.

Dt 28:59

To 'ixta', 'oj ya' cot Jehová wal niwc yailal 'a eyib'an̈, yet' 'a yib'n̈ eb' eyin̈til. 'Oj jawc jun tzo'n̈ yab'il to man̈x 'a yan̈il.

Zacarías 5:10

Xlajw cha, xin c'anb'n 'a jun ángel tzpaxtin wet' cha: ¿'Ajtil tzyij 'at eb' jun 'echtab' cha? xin chi 'a 'a.