Zacarías 14:3 - Chuj San Sebastian Bible

³ Palta yajn̈ej ax yelt Jehová yac' owl yet' jun tzo'n̈ nacion̈ cha, 'icha yutjnac ya'n owl 'a pecti'.

Chuj San Mateo Bible

³ Palta elan̈chamel ol elta Jehová yac' oval yed' juntzan̈ nación chi', icha ajnac yac'an oval d'a peca'.

Zacarías 14:3 Referans Kwoze

Zacarías 12:9

A wal 'a yic jun c'ul cha, an 'oj in satl smasnil nacion̈ 'oj 'a'nc owl yet' Jerusalén.

Sofonías 3:19

A 'a yic jun tiempoal cha, 'oj wac' yowlal 'a jun tzo'n̈ eb' ex 'ixtni. 'Oj in colwj 'a eb' 'anma 'aych syailal yet' 'a eb' sactzicnac yajcn 'ati. 'Oj wi' chan̈ e b'inab'ilal 'a 'aj ex patquilx can 'el 'a smasnil yolyib'n̈q'uinal.

Jl 3:2

'Oj in molb'tzoc smasnil nacion̈, ax wi'n 'at eb' 'a lum span̈nil yic Josafat. Ata 'oj wa'ch syailal eb' yuj tas x'el sb'on eb' 'a in chon̈b' Israel, yujto caw pucnc can 'at eb' israel yuj eb' 'a smasnil yolyib'n̈q'uinal. 'Ix scotc pojn can 'ec' eb' in lum 'a scal.

2 Cr 20:15

'Ix yaln Jahaziel chi 'ixtic: Sictac tzex 'aj eyab'n e masnil ex 'aj Judá, yet' e masnil ex cajn 'a Jerusalén, yet' ach rey Josafat. 'Ixtc 'ix yutj Jehová yalni: Man̈ ex xiwoc, man̈ eyec xiw e b'a 'a yojltac jun tzo'n̈ soldado caw niwn sb'isl cha, yujto a jun owl cha, man̈ eyico'oc, wic an Dios in tic.

Josué 10:10

Ax Jehová 'ix ya'n 'och xiwlal 'a snab'en eb' amorreo cha. Caw niwn eb' xchamcn 'a Gabaón yuj eb' israel cha. Xlajw cha, 'ix 'at eb' israel chi 'a spatc eb' 'a jun b'e tzq'ue'ch a chon̈b' Bet-horón. Til wal eb' smilcn eb' israel chi 'a yol b'e yic xc'och eb' 'a chon̈b' Azeca yet' 'a chon̈b' Maceda.

Josué 10:14

May juncxo c'u 'aj 'ix uj 'icha jun tic, may 'aj ujnac 'a yic pecti', may pax 'aj 'ix uj jun 'ejmocx 'a spatquil xo, yic xyab'n Dios tas xyal junc 'anma', yujto a xcolwj yet' eb' israel 'a owal.

Nehemías 4:14

A yic xwilni to tzxiw eb', xin te'wtzan in b'a waln 'ixtc 'a eb' yichm wincal chon̈ab', 'a eb' yajl yaj 'a yib'n̈ eb' chon̈b' cha, yet' 'a smasnil eb' 'anma': Man̈ ex xiwoc. Nac cot qui Diosalec to caw niwn yel'chi, smoj a 'a tzon̈ xiwec. Yuj cha, qui colc qui chon̈ab', eb' cunnalec, eb' 'ix quislec, eb' 'ix quistlec yet' catutec, xin chi 'a eb'.

Is 29:7

Smasnil jun tzo'n̈ chon̈b' man̈x yalnb'ilc sb'isl cha, atn eb' tzyac' owl yet' jun chon̈b' tzcuch Yet'l Xajmb'al. 'Oj 'och oyn eb' 'a 'a, yic tzma'n lan̈chjoc eb' smuroal snani. A eb' cha, lajn 'oj 'aj eb' 'icha junc mach 'ay swejel yic tzwaycni.