Zacarías 13:7 - Chuj San Sebastian Bible

⁷ A Jehová tztac' yuj smasnil, a tzaln 'ixtic: 'Ijx cab' q'ue wan q'uen espada yuj smilx cham jun mach 'icha yilmal in calnelu yaji, to junn̈j yaj wet'oc. 'Oj milx chamoc, ax sactzic can eb' 'icha 'in calnelu yaj cha. Ax eb' 'icha to may yip 'oj canoc, 'oj woch 'ac'ojlal 'a eb'.

Chuj San Mateo Bible

⁷ A Jehová Yajal d'a Smasanil tz'alan icha tic: Ic'chajocab'q'ue q'uen espada yic stecjicham Vin̈ stan̈vumal in chon̈ab', aton Vin̈ lajan ved'oc. Miljocab'cham Vin̈ tan̈vum calnel chi', axo noc' calnel chi' ol saclemcanb'at noc'. Ol in ochcan ajc'olal d'a noc' yunetac calnel chi'.

Zacarías 13:7 Referans Kwoze

Mr 14:27

Ata xyal Jesús 'a eb' 'ixtic: —A 'a jun 'ac'wl tic, c'uxn 'oj somchjoc 'el e nab'en wu'uj, yujto 'ixtc yaj stz'ib'x can 'a Ch'an̈ U'un̈: 'Oj wac' milxc cham jun 'icha yilmal in calnelu yaji, ax eb' 'icha in calnelu cha, 'oj sactzic can 'at eb', xchi.

Mt 26:31

Ata xyal Jesús 'ixtc 'a eb': —A 'a jun 'ac'wl tic, c'uxn 'oj somchjoc 'el e nab'en wu'uj. Yujto 'ixtc yaj stz'ib'x can 'a Ch'an̈ U'un̈: ¡'Oj wac' milxc cham jun 'icha yilmal in calnelu yaji, ax eb' 'icha in calnelu cha, 'oj sactzic can 'at eb'! xchi.

Is 40:11

'Oj jawc 'icha junc 'ilm calnelu to xajn scalnelu yu'uj, tzme'n b'eyc'oc no cotc calnelu chi 'a sn̈i sc'ojol, ax no nun calnelu tot 'aljnac yune', caw tztan̈wx no yu'uj. 'Ixta yaj Jehová quet'ec.

Jn 16:32

Palta wan xo sjaw stiempoal 'oj e sactziqui. 'Oj e 'at 'elc junjn ex, ax in eyactn can in ch'ocoj. Palta man̈ in ch'ocjoc 'oj in cani, 'ayc' qui Mam Dios wet'oc.

Mr 14:50

Ax smasnil eb' scuywum Jesús cha, 'ix yactj can eb' sch'ocoj, 'ix 'at eb' 'elc smasnil.

Ez 37:24

Ax jun yin̈tl in checb' David, a 'oj 'och e reyloc. A 'oj e tan̈wni e masnil, sec wach' 'oj eyutc eyiclni in checnb'il yet' in ley.

Zacarías 11:7

Xlajw cha, in 'och yilmalc e no calnelu to jab'xoj smilx cham cha. A eb' manm calnelu cha, a eb' tz'a'n in tojol. 'Ix in sayn chab' in c'ococh: A jun te', 'ix wac' scuch Wach'c'ojlal; ax jun xo, 'ix wac' scuch Junn̈j yaji.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Apoc 1:8

Yaljnac Cajlilec 'ixtic: An tic b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in, xchi Cajlilec, atn pax jun tztac' yuj smasnil. A 'ayc' ticnec, 'ayc'n̈ej tax 'a yic pecti', atn jun 'oj jawoc.

Jeremías 47:6

¡'Ay, a wal yespada Jehová! ¿B'a'n̈ wal 'oj 'och wan q'ue'en? Comnoc tzmolx 'ejm q'uen 'a yol yatut jun 'ejm xo, sec tz'och wa'an, man̈x 'a tas tzb'o'o.

A Sb'ab'el Carta San Pedro 5:4

Toto 'ixta tzeyutj e b'a, ax yic 'oj jawc jun Quilmalec Niwn Yel'chi, 'oj e cha jun spac caw niwn swach'il. A jun cha, may b'a'n̈ 'oj lajwoc.

A Sb'ab'el Carta San Pedro 3:18

Yujto a Cristo x'ab'n syail. Cojn jun 'ejm xcham yuj qui mulec. A Cristo caw tojl snab'en. An̈ec xo tic, caw man̈ tojloc qui nab'enec, palta a xyab' syal cujec, yic tzon̈ yi'nec 'at 'a Dios. A yet' sniwnal xchami, palta ax yic 'ix pitzw paxi, pitznn̈ej yespíritu yet'oc.

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Ro 4:25

Atn jun 'ajxnac 'och 'a yol sc'ab' chaml yuj qui mulec. Xlajw cha, xpitzw paxi, sec tzon̈ 'ochc wach'l 'a sat Dios yu'uj.

Jn 10:30

An tic, caw lajn in yet' qui Mam Dios, yujto junn̈j 'anmal waj yet'oc, xchi Jesús 'a eb' 'aj Judea cha.

Mt 11:27

Xlajw cha, xyaln 'a eb' 'ixtic: —A 'in Mam, ya'jnac smasnil tas 'a yol in c'ab'. An Yunnaln tic, may junc mach 'ojtnacn si'mb'il, cojxn in Mam 'ojtnac in. An̈jtona', may mach tzcomn 'ojcan 'el in Mam. Cojxn in an Yunnaln tic, yet' pax eb' tzin nib'j tzwac' 'ojcanc 'eli.

Zacarías 11:4

'Ix yal Jehová qui Diosal 'ayn 'ixtic: Tan̈wj e no calnelu to jab'xoj wal 'oj milxoc chamoc.

Miqueas 5:4

A jun yajl cha, 'oj q'ue wa'an, ax ya'n Jehová qui Diosal yopiso yet' spoder 'a 'a, yic stan̈wni eb' schon̈ab' sec tzcan eb' 'a junc'ojlal, yujto a jun yajl cha, caw niwn 'oj 'aj 'el'ch 'a scal chon̈ab', masnto 'aj tzlajw c'och lum lum tic.

Jn 16:15

Jantcn̈ej tas 'ay 'a qui Mam Dios, wicn̈ej yaji. Yuj cha, xwaln 'ayex, to jantcn̈ej tas 'oj wal 'a Yespíritu Dios cha, a 'oj alnc pax 'ayex.

Jn 14:23

Yuj cha, 'ix yaln pax 'a 'ixtic: —A eb' 'ay schamc'ojlal 'ayin, tzyiclni eb' tas tzwala. Yuj cha, ax in Mam, tzchamc'ojlan pax eb', ax woch cajn yet' in Mam chi 'a eb'.

Jn 14:1

'Ix yaln Jesús 'a eb' scuywum 'ixtic: —Man̈ eyac' somchjc 'el e nab'en. 'A'c 'och e c'ojl 'a Dios, tzeya'n pax 'och e c'ojl 'ayin.

Jn 10:38

Palta an tic, yel wan in b'on 'icha tzb'o in Mam cha. Yuj cha, wach'xam matz eya'ch e c'ojl 'a tas tzwala, palta 'a'c 'och e c'ojl 'ayn yuj jun tzo'n̈ tzin b'o tic. Toto 'ixta', 'oj nachjoc 'el eyu'uj, chajtlto 'aych qui Mam Dios 'ayin, 'ayn 'och pax 'a 'a, xchi 'a eb'.

Jn 8:58

—Wal yel tzwal 'ayex, yic mantzac 'alj Abraham cha, toxn 'ayn xon 'eq'ui, xchi Jesús 'a ewinac.

Jn 5:23

'Ixta yutjnac in Mam ya'n wopiso an Yunnaln tic, sec wach' lajn wel'ch yet' in Mam chi 'a sat smasnil 'anma'. Toto 'ay eb' may wel'ch 'a sat, an̈jtona', may yel'ch pax in Mam 'a sat eb', yujto a checjnacn coti.

Mt 10:42

Tzann̈j mach tzsiyn junc vaso sicl a 'a junc eb' in cuywum, wach'xam junc may wal yel'chi, palta yujn̈ej to in cuywum, wal yel 'oj scha spac.

Mt 1:23

'Ay jun cob's 'ix, mant 'a xon junc winc tzyi'aj, palta 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel, xchi. (Emanuel tzyal 'el'chi, 'ayc' Dios quet'oc).

Ez 21:28

Ach 'anma', al yab' eb' amonita tzb'uchwj 'a chon̈b' Israel, to an Jehová Yajl in, an 'ixtc tzwutj waln 'a eb': 'Iltec wal jun espada, lista xo yaj smilwji, caw wal tzictzni yel sc'a'l 'icha raya.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Salmos 2:2

A eb' rey yet' eb' syajlil junjn chon̈ab', 'oj cot yowl eb', jun lajnxoj 'oj yutc eb' yaln 'a spatc Jehová, yet' pax 'a jun Rey sic'b'il 'el yu'uj.

Apoc 21:6

Xlajw cha, xyaln pax 'ayn 'ixtic: —Tox 'ix b'o 'el'chi. An tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in. A eb' 'ay stacn̈ti'al, 'oj wac' yuc' eb' jun spac'b'a tz'a'n q'uinl 'a jun 'ejmn̈ej. 'Oj wac' 'a eb' 'a nab'an̈ej.

Apoc 13:8

Smasnil 'anma 'a yolyib'n̈q'uinal, 'ix yal sb'a eb' 'a jun noc' sb'i cha. Palta ax eb' tz'ib'b'ilx can sb'i 'a jun libro yic q'uinl 'a jun 'ejmn̈ej, ma'ix yal sb'a eb' 'a 'a. A eb' cha, yictax mantzac b'o yolyib'n̈q'uinal, tz'ib'b'ilx can sb'i eb' 'a ch'an̈ libro yic jun tzcuch Calnelu, atn jun milb'il chamoc.

Apoc 2:23

An̈jtona', 'oj in mil cham pax eb' yune 'ix. 'Ixta 'oj 'aj yojcan 'el eb' 'a junjn iglesia, chajtlto an tic, wojc xon jantcn̈ej tas 'ay 'a e nab'en, yet' tas tz'ec' 'a e c'ojol. An tic, 'oj wac' spac 'ayx junjn ex, a tzyala tas tze b'o'o.

Apoc 1:17

A yic xwilni, in telw 'ejm 'a yojltac 'icha junc chamnac. Palta squil 'ejm swach' c'ab' 'a wib'an̈, 'ix yaln 'ayn 'ixtic: —Man̈ ach xiwoc. An ton tic b'ab'l waj 'a smasnil, slajb' in paxi.

Apoc 1:11

'Ix yaln 'ayn 'ixtic: [—An ton tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in.] A tas wan elni, tza tz'ib'j can 'a junc libro. Tza'n 'at 'a eb' creyente 'a uque iglesia ['a yol yic Asia,] atn 'a Éfeso, 'a Esmirna, 'a Pérgamo, 'a Tiatira, 'a Sardis, 'a Filadelfia yet' 'a Laodicea, xchi 'ayin.

1 Jn 2:2

'Icha tz'aj junc xajmb'al, 'ixta x'aj scham Cristo stojloc qui mulec. Man̈ yujocn̈ej qui mul an̈ec tic 'ix chami, palta yuj smul smasnil 'anma 'a yolyib'n̈q'uinl tic.

A Scarta San Pablo D'a Eb' Aj Filipos 2:6

A Cristo, caw junn̈j yet' Dios 'a yictax pecti'. Wach'xam junn̈j yet'oc, palta x'el 'a sc'ojol, xyactj can jun 'aj 'ay yaln yic yet' Dios cha. ma'ix sna xon jab'oc, yic xyactn cani.

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

Ro 8:32

A Dios ya'jnac 'och Yunnal 'a yol sc'ab' chaml cujec qui masnil. Wach'xam Yunnal, palta ma'ix scolo. Yujto ya'jnac cot Yunnal cha, yuj cha, cojquec to c'uxn 'oj yac' smasnil tas wach' 'ayn̈ec.

A Tas Sc'ulejnac Eb' Schecab' Jesús Hechos 2:23

Palta a Jesús cha, 'ix 'ajx can 'och 'a yol e c'ab', yujto 'ixta x'el 'a sc'ojl Dios. Yictax pecti', yojc xon Dios tas 'oj jawc 'a yib'n̈ Jesús cha. Ax tic, xe majnj sc'ab' eb' maysch'olnil, yic 'ix eya'n yamchjoc. Xeya'n 'ajxc 'och 'a spenc culus. 'Ixta xeyutj eya'n milxoc chamoc.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

Lc 17:2

Toto 'ay mach tz'a'n juwc 'el snab'en junc eb' 'unn to, octom tzjalx 'och junc niwquil q'uen cha 'a sjaj, tzjulx can 'at 'a yojl a mar yic mantzac juw 'el snab'en jun chi yu'uj, toto 'ixta', yel xo wal wach' yico'.

Lc 12:32

Ax tic, 'icha in calnelu, 'ixta 'ex, man̈ ex xiwoc. Jaywn̈n̈ej ex toni, palta a qui Mam Dios tzex 'i'n 'och 'a yol sc'ab', yujto 'ixta x'el 'a sc'ojol.

Mt 26:56

Palta 'ixtn tic tz'aji, sec tz'el'ch tas tz'ib'b'il can yuj eb' schecb' Dios 'a Ch'an̈ U'un̈, xchi 'a ewinac. Ax eb' scuywum cha, xyactj can eb' sch'ocoj, 'ix 'at eb' 'elc smasnil.

Mt 18:14

'Ixta pax qui Mam 'ayc' 'a satcha'an̈, matz nib'j 'ay junc tzsat 'a scal eb' 'unn tic.

Mt 18:10

Caw man̈ e patquilc can 'el eb' 'unn tic. An tzwal 'ayex, a eb' ángel tztan̈wni junjn eb', 'ayc'n̈ej eb' 'a yojltac qui Mam Dios 'a satcha'an̈.

Zacarías 11:11

Atn 'a yic jun c'ul cha, xlajw can jun trato cha, ax eb' manm calnelu cha, wan in sb'eyc'ojlan eb'. Xnachj 'el yuj eb' chajtlto a Jehová tzaln jun tzo'n̈ wan in b'on cha.

Is 27:1

A 'a yic jun c'ul cha, 'oj sc'anlb'oc Jehová yespada to caw 'ay smay, caw jay pax ye. 'Oj sc'anlb'oc yuj ya'n 'och yailal 'a yib'n̈ no Leviatán, atn no chan to caw jeln sb'eyi, no yajn̈ej tzsetn sb'a; 'oj smil Jehová no dragón chi cajn 'a yojl a mar.

Is 1:25

'Oj ex wac' cuenta yet' yailal, 'icha to 'oj wa'cn tz'a e paltail cha, ax wi'n 'el smasnil e mul 'aych 'a eyib'n̈ cha.

Ez 21:3

Al yab' eb' to an Jehová in, an tzwal 'ixtc 'a yib'n̈ eb': An tzwala, to tzin 'och 'ajc'ojlal 'ayex. 'Oj wic' q'uet wespada 'a yol yet'ul, ax in miln cham eb' 'anma wach' snab'en yet' eb' maysch'olnil sb'eyb'al. 'Oj 'el yich scham eb' 'anma 'a stojlal sur masnto 'oj c'och scham eb' 'a stojlal norte.