Zacarías 12:1 - Chuj San Sebastian Bible

¹ A Jehová a b'ojnac satcha'an̈, sb'on 'ejm yipnub'al yich lum lum tic, a tz'a'n sq'uinl eb' 'anma', a tzaln 'ixtc yuj chon̈b' Israel:

Chuj San Mateo Bible

¹ A Jehová, sb'oumal satchaan̈ yed' yich yolyib'an̈q'uinal tic, a' tz'ac'anpax sq'uinal eb' anima, a' tz'alan yuj chon̈ab' Israel icha tic:

Zacarías 12:1 Referans Kwoze

Is 42:5

A Jehová Dios 'ix b'on satcha'an̈, xlajw cha, 'ix sjen̈n 'ati. A 'ix b'on lum lu'um, yet' smasnil tas tzpac' 'a sat lu'um, a tz'a'n qui q'uinl an̈ 'anman̈ec tic, tzya'n pax qui'c quic', tzyaln 'a jun schecb' chi 'ixtic:

Jeremías 51:15

A Jehová 'ix b'on lum lum tic yet' spoder, yet' sjelnal 'ix sb'on yolyib'n̈q'uinl tic, yet' swach' nab'enal, 'ix sb'on satcha'an̈.

Is 57:16

Man̈x 'oj wowx 'och 'a eb' in chon̈b' tic, man̈x 'oj cot wowl 'a eb' 'a smasnil tiempo, toq'ue laj 'oj schab'c'ojloc pax sb'a eb', atn eb' 'anma b'ob'il wu'uj.

A Ch'an̈ Carta D'a Eb' Hebreo 12:9

A yic tzon̈ ya'n cuenta eb' qui mam 'a yolyib'n̈q'uinl tic, 'ay yel'ch eb' 'a qui satec. Yuj cha, yel xo caw yiclum tzcutjec qui b'a 'a junx qui Mamc 'a 'esal, sec 'oj qui chac qui q'uinl 'a jun 'ejmn̈ej.

Is 48:13

An in b'ojnac sb'achnub'al yich lum lum tic yet' in poder, an in jen̈jnac 'at pax satcha'an̈. Ton̈j xwal sb'i jun tzo'n̈ tic, 'ix pitzw chan̈ eb'.

Is 44:24

A Jehová atn b'ojnacn̈ec, a on̈ 'a'nec 'el pax 'a libre. A tzaln 'ixtic: An Jehová in, an b'ojnac ex yic mantzac ex 'alji, an b'ojnac smasnil tas, an in jen̈jnac 'ec' satcha'an̈, in b'on can pax lum lum tic 'a yet'ul, may junc mach colwjnac wet'oc.

Ec 12:7

A yic 'oj lajwc c'och jab' qui q'uinlec tic, ax qui niwnalec 'oj meltzjoc can pax 'och poccal 'a sat lum tic, 'icha xon yaj 'a yic yaln̈taxi; ax qui pixnec, 'oj meltzjoc can pax 'a Dios, yujto a 'a'jnac 'ayn̈ec.

Nm 16:22

A yic xyab'n Moisés yet' Aarón jun paxti cha, 'ix 'em n̈ojn eb' 'a sat lu'um, 'ix yaln eb' 'ixtic: —Mamin, ach ton wal tzac' sq'uinl smasnil 'anma', ¿tom tztac' scot owl 'a yib'n̈ smasnil eb' a chon̈b' tic yuj smul junc win winac? xchi eb'.

Gn 2:7

'Ix sb'on Dios jun 'anma'. A yet' spoccal lum lum 'ix b'o'i. 'Ix yutz'n 'och Dios yic' 'a sn̈i', 'ixta wal x'aj yel yich spitzw 'el 'anma'.

Ez 18:4

A eb' 'anma', wic eb' smasnil, wic win mamb'il yet' win 'unnab'il, a mach tz'och smul, tojln̈ej schami.

Jeremías 38:16

Palta caw c'ultacl xyac' win rey Sedequías sti 'ayn 'ixtic: —Wal 'a sat Jehová jun tz'a'n qui q'uinal, tzwa'n in ti 'ayach, chajtlto ma'oj ach wac' milxoc chamoc, an̈jtona ma'oj ach wa'ch pax 'a yol sc'ab' eb' tzach nib'n milnc chamoc, xchi win 'ayin.

Jeremías 30:16

A wal smasnil eb' ex nib'n satnc 'eli, caw 'oj satxoc 'el eb'. Smasnil eb' 'ajc'ojl yajch 'ayex, 'oj 'ijxoc 'at eb' 'icha presoal. A eb' ex 'ixtni, 'oj 'ixtxoc pax eb', a eb' 'el'jnac 'at tas 'ayex, 'oj 'el'xoc 'at tas 'ay 'a eb'.

Job 26:7

A Dios, 'ix slich'b't satchan̈ 'a stojlal norte, palta may tas xyamn cani, sb'on pax lum lu'um, may pax tas 'aj xq'ue b'achn lu'um.

Jeremías 10:12

A Jehová, a 'ix b'on lum lum tic yet' spoder. A yet' sjelnal, 'ix sb'on can yolyib'n̈q'uinl tic. An̈jtona yet' sjelnal cha, 'ix sb'on satcha'an̈.

Is 51:13

An Jehová in, an jen̈jnac 'at satcha'an̈, in b'on pax lum lu'um. Ax ticnec, ¿tom xeyac' sat e c'ojl 'a mach b'ojnac ex? ¿Tom an̈ja e xiw yuj eb' 'anma tzex laj 'ixtn cha, eb' tznib'n tzex satn 'el yuj yowl sc'ojol? Palta a yowl sc'ojl eb' tzex 'ixtn cha, toxn man̈x 'a jac yel'chi.

Is 45:18

Mamin Jehová, ach b'ojnac satcha'an̈ yet' lum lum tic, wach' otjnac can 'a yet'ul, caw ach b'ojnac. Man̈toc sictac 'ajnc cani, palta to xcajxi. Ach aljnac can 'ixtic: Cojn in ton Jehová in, may junc xo.

Is 45:12

An in b'ojnac lum lum tic yet' smasnil mach cajn 'a 'a, an in jen̈jnac 'at satchan̈ tic yet' in poder, 'ix walni to tzpitzw smasnil c'anal.

Is 40:22

A Dios 'ayc' sdespacho 'a yib'n̈ q'ue satcha'an̈. A satchan̈ cha, jen̈n 'ec' 'a yib'n̈ lum lum tic. A yic tzon̈ yiln 'emt Dios an̈ 'anman̈ tic, lajn on̈ 'icha no b'ojch'in. A lich'jnac 'at satchan̈ 'icha junc nip, sb'on chan̈ 'icha junc mantiado tz'och cajnub'al.

Is 40:12

¿Tom 'ay junc ex tox xe yechtej a mar 'a yol e c'ab', mto tox xe yechtej satchan̈ yet' yune e c'ab'? ¿Tom 'ay junc ex tox xe yechtej smasnil spoccal lum lum tic 'a yol junc 'echtab', mto tox xe yechtej jantc yal-l smasnil eb' lum witz yet' eb' lum tzalctac?

Salmos 104:2

A sacq'uinal, icha to a pichl yajchi, ach xa lich't satchan̈ 'icha junc mantiado.

Malaquías 1:1

An Malaquías in tic, schecb' Dios waj 'a chon̈b' Israel.

Zacarías 9:1

Atn jun tzo'n̈ paxti tic 'ix yalcn 'el Jehová, chajtlto 'oj ya' cot yailal 'a yol yic lum Hadrac yet' 'a yib'n̈ niwquil chon̈b' Damasco. Man̈ocn̈ej smasnil eb' yin̈tl Israel tzmaclj Dios yila', palta tzmaclj pax yil smasnil eb' chuc nacion̈al.

Jl 3:19

A chon̈b' Egipto, 'oj lan̈chjoc can 'ejmi, ax Edom, caw cusltac lum 'oj 'ajcni, yujto ya'jnac eb' owl yet' eb' cajn 'a Judá, ata 'elnc schic'l eb' 'anma may smul yuj eb'.

Lm 2:14

A eb' cob' tzyalch sb'a schecb'oc Dios 'a e cal, ton̈j ex yixtj paxti eb', 'esn̈j tas xyal eb' 'ayex. Ma'ix schecltej 'el eb' e mul, yuj cha, matz e jel e nab'en. 'Ix alx 'es paxti 'ayex, xeya'n 'och jun chi yipc e c'ojol.

Jeremías 50:34

Palta an Jehová in, tztac' wuj smasnil, an 'oj in colcn 'el eb'. 'Oj in b'eyc'ojloc eb' wal 'a stojlal. 'Oj wac' junc'ojlal 'a in chon̈b' tic, ax pax 'a eb' 'aj Babilonia, cojn xiwc'ojlal 'oj wac' 'a eb', xchi.

Jeremías 30:10

Ex israel yin̈tl can Jacob, caw man̈ ex xiwoc, yujto in checb' eyaji, 'oj ex in col 'elt yet' eb' eyunnal 'a jun nacion̈ 'ay 'a najt 'aj yamchjnacx 'at 'icha presoal. An Jehová in, an tzwala, to 'oj eyaj cajn jun 'ejm xo 'a junc'ojlal yet' 'a tzaljc'ojlal, man̈x 'a mach 'oj e xib'tni.

Job 37:18

¿Tzam stac' a colwj jac yet' Dios yic tzjen̈n 'at satchan̈ tic, 'icha tzyac' junc q'uen q'uen tzatz tz'ajcn 'a yet'ul?

Gn 1:8

A jun tas jen̈n 'ec' 'a yib'n̈ yolyib'n̈q'uinl tic, satchan̈ sb'i yuj Dios. X'ec' junx 'ac'wal, yet' junx c'u, 'ixta x'aj yec' schab'l c'u.

Salmos 134:3

A Jehová, jun b'ojnac satcha'an̈ yet' lum lum tic, ya' cab' cot swach'c'ojlal 'a eyib'n̈ 'a tzaln Sión.