Zacarías 11:4 - Chuj San Sebastian Bible

⁴ 'Ix yal Jehová qui Diosal 'ayn 'ixtic: Tan̈wj e no calnelu to jab'xoj wal 'oj milxoc chamoc.

Chuj San Mateo Bible

⁴ Ix yal Jehová in Diosal d'ayin icha tic: Tan̈vej val noc' calnel to d'in̈an smiljichamoc.

Zacarías 11:4 Referans Kwoze

Zacarías 11:7

Xlajw cha, in 'och yilmalc e no calnelu to jab'xoj smilx cham cha. A eb' manm calnelu cha, a eb' tz'a'n in tojol. 'Ix in sayn chab' in c'ococh: A jun te', 'ix wac' scuch Wach'c'ojlal; ax jun xo, 'ix wac' scuch Junn̈j yaji.

Mt 23:37

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.

Ef 1:3

Calc wach' paxti 'a qui Mam Dios, atn 'a Smam Cajlil Jesucristo. C'uxn xyac' jun tzo'n̈ wach'l yic Espíritu 'ayn̈ec, atn jun tzo'n̈ yic satcha'an̈, yujto junxn̈ej cajc yet' Cristo ticnec.

Ro 15:8

Tzwalb't jun tzo'n̈ tic 'ayex, yujto a Cristo wul ya'jnac sb'a ya'malc servil eb' quit israelal. A wul 'a'jnac 'el'choc tas yaljnac can Dios 'a eb' qui mam quichmec, yic ya'n can sti 'a eb'. 'Ixta yutjnac Cristo sch'oxni, to caw yel tzyal Dios.

Jn 20:17

—Man̈ in a yama', yujto mantzac in pax q'ue 'a 'aj 'ay in Mam. Palta 'ixic, 'at al 'a eb' wu'tac, yet' 'a eb' wanb' smasnil, chajtlto 'oj in pax q'ue 'a 'aj 'ay in Mam. A in Mam cha, e Mam pax wet'oc. A in Diosal, e Diosal pax wet'oc, xchi Jesús 'a 'ix.

Mt 15:24

'Ix ta'w Jesús 'a 'ix 'ixtic: —An̈j 'a eb' wit israelal checb'iln cot yuj Dios. Yujto 'icha jun tzo'n̈ calnelu tzsatq'ui, 'ixta eb', xchi.

Zacarías 14:5

Ax xo tic, 'oj e 'at 'eloc. 'Oj eyel 'a jun pan̈n 'ay 'a snan̈l chab' lum tzaln cha, yujto a jun pan̈n cha, 'oj c'och to 'a Azal. Caw 'oj e 'at 'elc 'icha 'ajnc s'at 'elc eb' e mam eyicham yic yec' jun quixcab' 'a pecti', yic 'aych win Uzías reyl 'a Judá. 'Ixta to b'i'an, ax sjaw Jehová qui Diosalec yet' smasnil eb' yico'.

Miqueas 5:4

A jun yajl cha, 'oj q'ue wa'an, ax ya'n Jehová qui Diosal yopiso yet' spoder 'a 'a, yic stan̈wni eb' schon̈ab' sec tzcan eb' 'a junc'ojlal, yujto a jun yajl cha, caw niwn 'oj 'aj 'el'ch 'a scal chon̈ab', masnto 'aj tzlajw c'och lum lum tic.

Salmos 44:22

Palta oj wali, yuj cha, junjn c'u 'ijn tzon̈ smil cham eb' on̈, 'icha no calnelu tz'ijx 'at chamoc, 'ixta tzon̈ yutj eb' on̈.