Zacarías 1:18 - Chuj San Sebastian Bible

¹⁸ 'Ix wiln pax junx tas 'a 'icha waychil, 'ay chan̈e ch'ac xwila.

Chuj San Mateo Bible

¹⁸ Ix in q'ue q'uelan, ix vilan chan̈e' noc' ch'aac.

Zacarías 1:18 Referans Kwoze

Josué 5:13

A yic 'ayc' Josué 'a sla'nil Jericó, 'ay jun c'ual 'ix yilni to 'ay jun winc lin̈n 'ec' 'a yojltac. A jun winc cha, yamb'il jun espada yu'uj. Ax Josué 'ix c'och 'a stz'ey, sc'anb'n 'a 'ixtic: —¿Tom quitb'eym qui b'a et'oc, mto etb'eym a b'a yet' eb' 'ajc'ojl yajch 'ayn̈ on̈? xchi 'a winac.

Zacarías 5:9

'Ix wiln paxi, 'ay chawn̈ 'ix, 'ay sc'axl eb' 'icha no julm chay. 'Ix cot jen̈noc eb' xwul stza'nc eb' jun 'echtab' cha, 'ix 'atx jen̈noc eb' muc'uc.

Zacarías 5:5

Xlajwn̈ej cha, x'elt jun ángel tzpaxtin wet' cha, xyaln 'ayn 'ixtic: Tzcham wal eln jun wan sch'oxn sb'a cha, xchi 'ayin.

Zacarías 5:1

'Ay jun tzo'n̈ xo xch'oxx wil 'a 'icha waychil. 'Ix wil yec' quen̈n̈oc jun ch'an̈ un̈ tz'ib'b'il.

Zacarías 2:1

'Ix wiln pax junx 'a 'icha waychil. 'Ay jun win quelm 'et'jnac jun ch'an̈ 'echtab' lu'um.

A Ch'an̈ Schab'il Libro Yic Yab'ixal Eb' Rey 15:29

A 'a yol stiempoal Peka win sreyl Israel, ata 'ix jaw win Tiglat-pileser sreyl Asiria yet' eb' soldado, xyac' eb' owl yet' eb' Israel. 'Ix yac' ganar eb' 'aj Asiria jun tzo'n̈ chon̈b' tic: Atn Ijón, Abel-bet-maacá, Janoa, Cedes, Hazor, Galaad, Galilea, yet' smasnil smacb'en Neftalí; 'ix 'ijx 'at eb' 'anma 'aj jun tzo'n̈ chon̈b' tic 'a chon̈b' Asiria.

A Ch'an̈ B'ab'el Libro Yic Yab'ixal Eb' Rey 22:11

Ax win Sedequías, win yunnal Quenaana, 'ix sb'o win jun tzo'n̈ q'ue'en, 'icha sch'ac wacx 'ix 'aji. Caw 'ip 'ix 'awj cha'an̈, 'ix yaln 'ixtic: 'Ixtc wal xyutj Jehová yalni: A jun tzo'n̈ yechl sch'ac wacx tic, tzyal el'chi to a ep 'oj 'a'nc ganar eb' 'aj Siria, masnto 'oj a satl eb' smasnil, xchi 'a win rey cha.

Zacarías 1:17

An̈jtona', 'ix yaln pax jun ángel chi 'ayn 'ixtic: Al-l jun tzo'n̈ xo tic: A Jehová tztac' yuj smasnil, a tzaln 'ixtic: 'Oj wi'x chan̈ eb' in chon̈b' tic yet' wach'ilal. 'Oj in niwnc'ojloc Sión jun 'ejm xo. An Jehová in, 'oj wal-l jun 'ejm xo, chajtlto a Jerusalén tic, in chon̈b' to sic'b'il 'el wu'uj, xchi Dios, xchi jun ángel cha.

Zacarías 1:19

Xlajw cha, xin c'anb'n 'ixtc 'a jun ángel tzpaxtin wet' cha: ¿Tas tzyal 'el'ch chan̈e ch'ac cha? xin chi 'a 'a. 'Ix yaln 'ayn 'ixtic: A chan̈e ch'ac cha, tzch'ox yipl jun tzo'n̈ nacion̈ 'a'jnac sactzic eb' 'aj Judá, eb' 'aj Israel yet' eb' cajn 'a chon̈b' Jerusalén, xchi.

Zacarías 6:1

'Ay pax junx tas 'ix ch'oxx wil 'a 'icha waychil. 'Ix wil yelt chan̈e caruaje yic owl 'a snan̈l chab' tzaln to nab'a bronce.