Tito 3:13 - Chuj San Sebastian Bible

¹³ Ax cu'tac Zenas, atn licenciado, yet' cu'tac Apolos, caw tzach colwj 'a eb', yic tz'at eb' 'a junc schecnb'il. Jantcn̈ej tas 'ay tz'och yuj eb' 'a yol b'e, caw tza'n̈j 'a eb'.

Chuj San Mateo Bible

¹³ Ayic sb'at vin̈ cuc'tac Zenas, aton vin̈ licenciado yed' vin̈ cuc'tac Apolos b'aj sb'ati, tzach colvaj val d'a eb' vin̈. Tzac'n̈ej d'a eb' vin̈ tas tz'och yuj eb' vin̈ d'a yoltac b'e.

Tito 3:13 Referans Kwoze

A Tas Sc'ulejnac Eb' Schecab' Jesús Hechos 18:24

Ax 'a jun tiempoal cha, 'ay jun win israel Apolos sb'i, 'aj chon̈b' Alejandría. 'Ix c'och 'a chon̈b' Efeso. Caw yojc spaxti Dios tz'ib'b'il can 'a Ch'an̈ U'un̈.

Mt 22:35

'Ay jun 'a scal ewinac, cuywjum 'a ley yic Moisés, snib'j win tzya'lj prowal Jesús cha, 'ix stz'acn win sc'anb'c 'a 'ixtic:

A Tas Sc'ulejnac Eb' Schecab' Jesús Hechos 28:10

Til wal schamc'ojlal eb' 'aj lugar chi 'ayn̈ on̈. Ax yic xjaw stiempoal qui 'atx 'a junx barco, c'uxn xyac' eb' tas 'ay tz'och cuj on̈.

1 Co 16:11

Yuj cha, may junc ex tztac' e patquiln can 'el ta'. An xo tic, tic wan in tan̈wni sjaw 'a tic, yet' jun tzo'n̈ xo eb' cu'tac 'oj jawc yet'oc. Yuj cha, a yic 'oj cotx 'a yol b'e, tzex colwj 'a 'a, sec tzaljc'ojlal 'oj cotoc.

Ro 15:24

Yuj cha, tzin na'a, a yic 'oj in 'at 'a España, 'oj 'ec' ex wila', sec 'oj jawc in tzaljc'ojlal eyet' ta'. 'Oj lajwc in can jaye'oc c'u eyet' ta', tzin nib'j 'oj e colwj 'ayin, sec 'oj in c'och 'a España cha.

A Tas Sc'ulejnac Eb' Schecab' Jesús Hechos 21:5

Ax yic xlajw uque c'u cha, on̈ 'atx on̈. Ax eb' creyente chi smasnil, yet' yistl eb', yet' yunnal eb', c'uxn x'at eb' quet' on̈, masnto xit' on̈ ya'cn eb' 'a sti 'el chon̈ab'. Ata on̈ 'em cumn 'a sti a mar, on̈ leslwi yet' eb' on̈.

Lc 14:3

Ax Jesús 'ix yal 'ixtc 'a ewin cuywjum 'a ley yic Moisés, yet' 'a ewin fariseo cha: —¿'Aym sleyl tzb'ox junc ya'ay 'a sc'ul 'iljelal, mto ma'ay? xchi 'a ewinac.

Lc 11:52

'Oltacx wal ax cuywjum ex 'a ley yic Moisés, yujto mun xcob' eya'ch eyopiso e jacn snab'en eb' 'anma yet' spaxti Dios. Palta 'in matz eya'ch e nab'en 'a spaxti cha. Ax eb' tznib'j tzya'ch snab'en 'a 'a, matz e chaj ya'ch eb', xchi Jesús 'a eb'.

Lc 11:45

Xlajw yaln jun cha, 'ay jun win cuywjum 'a ley yic Moisés 'ix aln 'ixtc 'a 'a: —Mamin, a yic 'ix aln jun tzo'n̈ tic, an̈ xo tic on̈, caw ya 'ix al xcab' on̈, xchi win 'a 'a.

Lc 10:25

Xlajw cha, 'ay jun win cuywjum 'a ley yic Moisés, xq'ue lin̈an. Snib'j win yac' prowal Jesús. Yuj cha, sc'anb'n win 'ixtc 'a 'a: —Mamin, ¿tas yowlal 'oj in b'o', sec 'oj in cha in q'uinl 'a jun 'ejmn̈ej? xchi win 'a 'a.

Lc 7:30

Palta ax ewin fariseo yet' ewin cuywjum 'a ley yic Moisés, man̈ schajnac ewin 'ajxc bautisar sb'a yu'uj. 'Ixta xyutj ewin sch'oxni, to a tas tznib'j Dios 'a ewinac, may yel'ch 'a sat eb'.

A Tas Sc'ulejnac Eb' Schecab' Jesús Hechos 15:3

Xlajw schecx 'at eb' yuj eb' creyente 'aj Antioquía cha, 'ix 'ec' eb' 'a yol yic Fenicia yet' 'a Samaria. Ata x'ec' yal-l eb' 'a eb' creyente, chajtlto 'ay eb' man̈ israeloc 'ix sjel sb'eyb'al, 'ix ya'ch eb' sc'ojl 'a Dios. Yic 'ix yab'n eb' creyente jun cha, caw 'ix tzalj eb' smasnil.

A Tas Sc'ulejnac Eb' Schecab' Jesús Hechos 19:1

Yic 'ayc' Apolos 'a Corinto cha, 'ix 'ec' Pablo 'a jun tzo'n̈ chon̈b' 'ay 'a tzalctac. Xlajw cha, xc'och 'a chon̈b' Efeso. Ata 'ix 'ilchj jun tzo'n̈ eb' creyente yu'uj.

1 Co 16:12

Ax cu'tac Apolos, caw in tew 'och 'a 'a, xin nib'j 'at ex yila'. Palta ma'ix yal sc'ojl x'at ex yil 'a jun tiempoal tic, at ab' 'a yic 'ay scolnal, 'oj 'at ex yila'.