Tito 3:1 - Chuj San Sebastian Bible

¹ Caw tzlaj ec sna cot eb' creyente chi ta', chajtlto yiclum tzlaj yutc sb'a eb' 'a ewin yajl smasnil. Yowlal tzyiclj eb' tas tzyal ewinac. Tzann̈j junc munljel wach', tzchajn̈ej cab' sc'ojl eb' sb'oni.

Chuj San Mateo Bible

¹ Tzeccot sna eb' creyente chi' ta' to sc'anab'ajej eb' vin̈ yajal eb'. Yovalil sc'anab'ajej eb' tas syal eb' vin̈. Yaln̈ej tas junoc munlajel vach', sb'o'ocab' eb' d'a tzalajc'olal.

Tito 3:1 Referans Kwoze

Ec 10:4

Q'uinloc a junc mach yajl yaj 'ayn̈ec tzcot yowl yuj junc qui paltail, man̈ yajn̈joc cha, tzcactnec can copiso 'aj 'ayn̈ec 'ochi. Toto tzquijec 'ejm qui b'a, 'ay sb'omb'il jun qui paltail cha, wach'xam niwquil yalxi.

Pr 24:21

Ex wunnal, 'ay cab' yel'ch Jehová 'a e sat yet' pax win rey. Man̈ eya'ch e b'a yet' eb' 'ajc'ojl yajch 'a win rey cha,

Mt 22:21

—Atn yechl win yajl 'a Roma, yet' sb'i tic, xchi eb'. —A tas yic xon win yajl cha, 'a'c 'a winac. Palta a tas yic xon Dios yaji, 'a'c 'a 'a, xchi 'a eb'.

A Ch'an̈ Carta D'a Eb' Hebreo 13:21

Tzin nib'ej, yuj schic'l cha, tzwach' b'oj Dios e nab'en, sec wach'n̈j 'oj eyutc e b'a, tze b'on 'icha tznib'ej. Tzin nib'j paxi, yuj Jesucristo caw wach' tzon̈ 'ajc 'a sat, sec tzalj quet'ec. Niwn cab' yel'ch Cristo 'a smasnil tiempo. 'Ixta cab' tz'aji.

2 Ti 2:21

'Icha jun tzo'n̈ yamc'ab' cha, 'ixta 'on̈. Toto tzcactj can smasnil maysch'olnil, ax 'a sat Cajlil, caw 'ay quel'chi. An̈j 'ayn̈ yico', caw 'ay copiso yu'uj, yujto tzann̈j tas tznib'ej, lista caj qui b'oni.

2 Ti 1:6

A yic wa'n 'at in c'ab' 'a a jolom, ata ya'jnac Dios opiso, sec tznachj 'el o'oj, tas tzotj a'n servil. A ticnec, tzwalb't 'ayach, caw tza wach' 'a'j 'ip a munlj 'a opiso cha.

1 Ti 5:10

Cojn eb' checl yaj 'a sat eb' yit creyenteal, eb' wach' sb'eyb'al. Cojn eb' wach' tzyutj sq'uib'tzan yune', eb' 'ela tzyutj sb'a 'a eb' tzlaj 'ec' 'a 'a. Cojn eb' tz'a'n servil eb' yit creyenteal 'a 'emmquilal, eb' tz'o'ch sc'ojl 'a eb' 'aych 'a syailal, eb' wach'n̈j tzyutj sb'a 'a smasnil tiempo. Cojn eb' tic tztac' yoch scuentaoc iglesia.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

1 Ti 4:6

Toto 'oj ac' scuy eb' creyente jun tzo'n̈ cuynb'il tic ta', wach' 'oj otc a'n servil Jesucristo. 'Oj wach' 'och a te'nal, yic tza cuyn a b'a 'a jun tzo'n̈ spaxti 'aj tzca'ch qui c'ojol, yet' 'a jun tzo'n̈ xo cuynb'il caw wach' 'aj 'aych qui nab'en.

1 Ti 2:2

Yowlal tzon̈ leslwi yuj eb' niwc yajal, yet' pax yuj eb' yajl smasnil, sec junc'ojlal tzon̈ 'aj yet' eb', may owl cab' 'a qui cal yet' eb'. Toto 'ixta', 'oj stac' qui b'on 'icha tznib'j Dios. 'Oj stac' qui wach' tojlb'tzan qui b'eyb'al.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

Jeremías 27:17

Yuj cha, man̈ e cha eyab'i'. 'A'c 'och e b'a 'a yaln̈ schecnb'il win sreyl Babilonia cha, sec ma'oj e chami. ¿Tas wal yuj jun b'uln̈ 'oj 'aj slan̈chj can 'ejm jun chon̈b' tic?

Dt 17:12

Palta toto 'ay mach tz'ec' 'a yib'an̈, tzb'onyaj junc chi 'a mun yico', man̈ 'ichaoc tzyutj win ya'mal 'och e ti chi yalni, atn win 'aych ya'malc servil Jehová qui Diosalec, mto tz'ec' 'a yib'n̈ 'icha tzyutj win juez chi yalni. A jun 'ixta tzyutj sb'a cha, tojln̈ej schami, sec 'ixta tz'aj yel maysch'olnil chi 'a e cal.

A Schab'il Carta San Pedro 1:12

Yuj cha, wach'xam eyojc xon jun tzo'n̈ tic, wach'xam te'n ex xo 'a jun tzo'n̈ cuynb'il caw yel 'aj 'aych e nab'en, palta nachji, 'oj wac' e na coti.

Tito 3:8

A jun tzo'n̈ tic, caw yel. Tzin nib'j caw te'n tzotj a b'a aln 'el jun tzo'n̈ cuynb'il tic, sec wach' a eb' tzya'ch sc'ojl 'a Dios, 'oj ya'ch wal eb' snab'en sb'on jun tzo'n̈ tas wach'. A jun tzo'n̈ cuynb'il tic, caw wach'. Caw 'ay yopiso 'ayon̈ yet' 'a smasnil 'anma'.

A Scarta San Pablo D'a Eb' Aj Colosas 1:10

Toto 'ixta tzex 'aji, wach' 'oj eyutc e b'eyb'al, sec 'oj wach' tzaljoc Cajlilec eyet'oc, yujto smoj 'ixta tzeyutj e b'a. Caw wach' tzeyutj e b'eyb'al, 'icha junc te caw wach' satni. Ax e wach' 'ojcan 'el Dios.

A Scarta San Pablo D'a Eb' Aj Filipos 1:11

'Oj wach' 'och wal Jesucristo eyet'oc, sec wach' tojln̈ej 'oj eyutc e b'eyb'al. Toto 'ixta', eyu'uj 'oj checljoc 'eli, chajtlto caw niwn swach'l Dios, ax yalx wach' paxti 'a 'a.

Ef 2:10

A Dios on̈ b'onec 'a scha'ejmal yuj Cristo Jesús, sec caw wach' tzcutjec qui b'eyb'al 'a 'a. Yictax pecti', snajnac cani, chajtl 'oj cutquec qui b'eyb'al.

Is 43:26

Toto 'ay tas tze nib'j tzeyal 'ayn jun, 'och coyc 'a b'eyc'ojlal ticnec, alc coti tas yaji, ax quilni toto yel may e mul.

San Judas 1:5

A jun 'oj walb't 'ayx tic, eyojc xoni. Palta tzin nib'j tze na cot jac wet'oc. A eb' wit israelal 'a pecti', colchjnac 'elt eb' smasnil 'a Egipto yuj Cajlilec. Palta xlajw cha, satcn 'el nan̈l eb' ma'ix ya'ch sc'ojl 'a 'a.

Tito 3:14

Caw tzach cuywj 'a eb' quit creyenteal ta', chajtlto caw tzb'o eb' jun tzo'n̈ tas wach', tzlaj colwj pax eb' 'a eb' 'ay tas 'ay sc'a'l tz'och yu'uj, sec wach' 'ay yopiso eb' 'a sat Dios.

2 Ti 2:14

Caw tzlaj ec sna cot eb' jun tzo'n̈ tzwalb't 'aych tic. A 'a sat Cajlil, tzcham wal aln 'a eb', to matz tac' scomn ten sb'a eb' yuj jun tzo'n̈ comn paxti'. Niwnoc tzyixtj sb'a eb', may jac yopiso. Ax eb' tzmaclni tas tzyal eb', ton̈j tzjuw 'el eb' yu'uj.

Tito 1:16

Tzcob' yalnc eb', to caw yojc eb' Dios, palta yuj sb'eyb'al eb' tzcheclj 'eli, to man̈ yojcoc eb'. Caw maysch'olnil eb' 'a sat Dios, yujto matz yiclj eb' jac tas tzyala. Yuj cha, toxn matz tac' sb'on eb' junc tas wach'.