Sofonías 3:20 - Chuj San Sebastian Bible

²⁰ A yic jun tiempoal cha, 'oj ex in molb'tzoc pax coti, ax wecn eyam e b'a. 'Oj eyil wal yet' e sat yuj tas 'oj wutc in jeln tas 'aych 'a eyib'an̈. 'Oj wac' 'ijxoc chan̈ e b'inab'ilal, sec 'ay eyel'ch 'a scal smasnil eb' 'anma 'a yolyib'n̈q'uinal, xchi Dios.

Chuj San Mateo Bible

²⁰ A d'a jun c'ual chi', ol ex vic'coti. Ol ex in molb'ej, ol in q'uexan tas ayoch d'a eyib'an̈. Ol ex vic'an val chaan̈, nivan ol aj eyelc'och d'a scal masanil chon̈ab' d'a yolyib'an̈q'uinal tic. Ol eyil val ex vic'anxi chaan̈, xchi Jehová.

Sofonías 3:20 Referans Kwoze

Jeremías 29:14

'Oj in ch'oxn̈j in b'a 'ayex. An Jehová in, an tzwala to 'oj in jel tas 'aych 'a eyib'an̈, ax ex wi'n cot 'a smasnil nacion̈, yet' 'a smasnil 'ajtil sactzicnac eyajcn 'at wu'uj. 'Oj ex in molb'tzoc paxta, ax e jab'x 'a 'aj 'ayx 'eq'ui, yic eyijx 'ati.

Malaquías 3:12

'Oj yal smasnil nacion̈ eyu'uj, chajtlto caw wach' eyico', yujto yel xo caw wach' 'oj 'aj 'el'ch jun e nacion̈ tic, xchi Dios.

Is 56:5

toto 'ixta', 'oj wac' in wach'c'ojlal 'a eb'. 'Ay jun tas niwn yel'ch 'oj wac' 'a eb', 'ec'b'al yel'ch 'a yib'n̈ to 'ay yunnal eb', mto 'ay yisl eb'; a jun cha, may b'a'n̈ 'oj 'och wan sb'inax eb' 'a yol watut yu'uj, yet' 'a scal eb' in chon̈ab'. A jun sb'i eb' cha, may b'a'n̈ 'oj sat 'ejm yalxi, 'oj alxn̈ej 'a smasnil tiempo.

Sofonías 3:19

A 'a yic jun tiempoal cha, 'oj wac' yowlal 'a jun tzo'n̈ eb' ex 'ixtni. 'Oj in colwj 'a eb' 'anma 'aych syailal yet' 'a eb' sactzicnac yajcn 'ati. 'Oj wi' chan̈ e b'inab'ilal 'a 'aj ex patquilx can 'el 'a smasnil yolyib'n̈q'uinal.

Am 9:14

yujto 'oj wi'x cot eb' in chon̈b' 'a 'aj 'aycn 'at 'icha presoal, ax sb'on pax chan̈ eb' schon̈b' lan̈chjnac 'ejmi. 'Oj canx cajn eb' 'a 'a, 'oj yawc eb' te uva, ax yu'n eb' yalil te'. 'Oj yawc eb' yawb'ente', ax slon eb' sat te'.

Jl 3:1

A wal yic 'oj jawc jun c'u cha, caw 'oj wi'xq'ue'ch Judá yet' Jerusalén tic 'a swach'l jun 'ejm xo.

Ez 34:16

'Oj in sayc' eb' satnc can 'ati, ax in molb'tzan eb' sactzicnac yajcn 'at cha, 'oj wan̈tc eb' lajwnac, eb' wecchil, ax wa'n yip eb' may yip, palta 'oj in satl eb' yajl yaj 'a scal eb', atn eb' tzlaj 'ixtn eb' in chon̈ab'. Caw wach' 'oj wutc in tan̈wni eb' in chon̈b' cha.

Is 60:15

Man̈x 'oj e can e ch'ocoj, man̈xtoc chacb'ilx 'eli, palta to 'oj wac' in wach'c'ojlal 'ayx 'a jun 'ejmn̈ej, yuj cha, to 'ayn̈j tzaljc'ojlal 'a smasnil tiempo.

Sofonías 2:7

A eb' 'oj can to 'a eb' yin̈tl Judá, 'oj yic' eb' smacl lum ta'. Ata 'oj stan̈wc wa eb' scalnelu, ax 'a 'ac'wal, a 'a eb' te n̈a 'ay 'a Ascalón, ata 'oj way eb', yujto a Jehová sDiosal eb', a 'oj tan̈wnoc eb', ax yi'n pax q'ue'ch eb'.

Ez 39:28

An xwa't eb' 'icha presoal 'a jun tzo'n̈ nacion̈ cha, an pax 'oj wi'x cot eb' jun 'ejm xo 'a sat slu'um. May wal junc eb' 'oj wactcan 'a jun tzo'n̈ nacion̈ cha, sec 'oj yojcoc 'el eb' to an Jehová in, sDiosal in eb'.

Ez 37:21

Tzlajw cha, tzaln 'a eb' 'ixtic: 'Ixtc wal xyutj Jehová Cajlil yaln 'ayex: Ex israel, an 'oj ex wi'x 'elt 'a scal jun tzo'n̈ nacion̈ 'aj c'ochnc ex; 'oj ex in molb'tzoc, ax ex wi'n 'at 'a e lum jun 'ejm xo.

Ez 28:25

An Jehová in, an tzwal 'ixtic: 'Oj in molb'tzoc cot pax eb' israel sactzicnac yajcn 'at 'a jun tzo'n̈ xo nacion̈, ax in ch'oxn in wach'c'ojlal 'a eb' 'a sat jun tzo'n̈ nacion̈ cha. A eb' israel cha, 'oj scajx eb' slum chi jun 'ejm xo, atn lum wa'jnac 'a win in checb' Jacob.

Is 66:22

Yujto 'icha wal yilx jun 'ac' satcha'an̈ yet' jun 'ac' yolyib'n̈q'uinl 'oj in b'o', to 'oj cann̈j 'a jun 'ejmn̈ej, 'ixta 'oj 'aj e b'inax yet' eyin̈tl 'a smasnil tiempo.

Is 61:9

Caw wal 'oj b'inaxc eb' eyin̈tl 'a scal jun tzo'n̈ xo nacion̈ b'aq'uin̈, ax smasnil 'anma 'oj 'ilnoc 'och eb', 'oj nachjoc 'el yuj eb' chajtlto an Jehová in, an tzwac' in wach'c'ojlal 'a eyib'an̈, xchi Dios.

Salmos 35:6

Q'uic'q'uinl cab'i', n̈el-li cab' sb'e eb' 'aj tzb'eyi, ax cab' jun sat ángel chi tzpechn b'eyc'oc eb'.

Ez 37:12

Yuj cha, al yab' eb' in chon̈ab', to an Jehová in, an tzwal 'a eb' 'ixtic: Ex in chon̈ab', 'icha to mucb'ilx 'a scal jun tzo'n̈ xo nacion̈, palta an 'oj ex in col 'elt 'a 'aj 'ayx 'ec' cha. 'Oj lajwc cha, ax ex wi'n pax meltzjoc 'a e chon̈ab'.

Is 62:12

A eb' israel, 'oj alxoc yuj eb', to Schon̈b' Dios eb', atn smasnil eb' tzcolx 'el yuj Jehová; ax yaln eb' 'anma yuj chon̈b' Jerusalén, To Caw Nib'b'il Jun Chon̈b' cha. Man̈x 'Actb'ilc Cani, 'ixta 'oj sb'ic yuj eb' 'anma cha.

Ez 16:53

Palta 'oj wi'x chan̈ Sodoma yet' yaldeail, ax wi'n chan̈ Samaria yet' yaldeail, an̈jtona 'oj wi'x chan̈ Jerusalén yet' eb' yanma pucnc can 'ati,

Is 62:7

May cab' 'iljelal eyu'uj masnto tzb'ox chan̈ chon̈b' Jerusalén jun 'ejm xo, ax smasnil 'anma 'a yolyib'n̈q'uinl tic, 'oj yal eb' wach' paxti yu'uj.

Is 56:8

An Jehová in, an tzwala to 'oj in molb'tzoc paxt eb' israel 'aycn 'at 'icha presoal 'a jun tzo'n̈ chuc chon̈b'al. 'Oj wi' cot pax jun tzo'n̈ xo 'anma yet' eb' yic junxn̈ej tz'ajcn eb' yet' eb' in chon̈b' 'oj in molb'tzoc cha, xchi Dios.

Dt 26:18

An̈jtona ticnec, 'ix yal Jehová to an̈ israel on̈c tic, to yicn̈ej cajec, sic'b'iln̈ec 'el yu'uj, 'icha yutjnac yaln 'ayn̈ec, yuj cha, yowlal tzqui yicljec smasnil schecnb'il.

Dt 26:19

A 'oj eya'n 'och niwquil chon̈b'al. 'Oj e b'inax 'a swach'ilal. Niwn eyel'ch pax 'a sat jun tzo'n̈ xo nacion̈ b'ob'il yu'uj. 'Ixta wal 'oj eyaj 'icha yutjnac yalni, jun chon̈b' to yicn̈ej Jehová Dios yaji, xchi Moisés.

Jeremías 30:3

Yujto 'ay jun c'u 'oj jawoc, 'oj in jel tas 'aych 'a yib'n̈ in chon̈b' Israel yet' 'a Judá. An Jehová in, an tzwala to 'oj wi'x meltzjoc eb' chon̈b' 'a lum lum wa'jnac yico'oc eb' e mam e yicham, xchi Dios.

Ez 39:13

Smasnil israel 'oj colwjoc eb' smucn eb' chamnc 'anma cha. An Jehová in an tzwala. To caw wal 'oj naxoc cot jun c'u chi yuj in chon̈ab', yujto ata 'oj in ch'ox 'ilxoc in poder 'a scal eb'.

Zacarías 8:8

Ax wi'n cot eb' 'a Jerusalén tic yic tzcajn pax eb' jun 'ejm xo. 'Oj 'och eb' in chon̈b'oc, an xo 'oj wochx sDiosalc eb'. 'Oj wac' yajlil 'a yib'n̈ eb' 'a stojlal, 'icha yaj waln cani, xchi Dios.

Jeremías 23:3

Ax eb' in chon̈b' xwac' sactzic can 'at 'a jun tzo'n̈ xo nacion̈, an wal caw 'oj in molb'tzoc pax cot eb'. 'Oj wac' 'aj cajn eb' jun 'ejm xo 'a schon̈ab', ata 'oj wac' niwtjoc pax sb'isl eb'.

Jeremías 33:9

A Jerusalén tic, caw 'oj tzaljc in c'ojl yu'uj, 'oj wac' junc'ojlal 'a 'a. A wal yic 'oj yab'nc smasnil eb' nacion̈ yuj tas niwn yel'ch 'oj in b'o 'a 'a, caw 'oj yal eb' wach' paxti 'ayin, ax in sb'inan eb' si'mb'il. Palta caw 'oj satcn sc'ojl eb', 'oj 'ib'xoc eb' yuj xiwlal, yic 'oj yilnc eb', xchi Dios.

Miqueas 2:12

'Icha tzyutj junc 'ilm calnelu smolb'tzan no calnelu 'a yol scolal, 'ixta 'oj ex wutc ex in molb'tzan cot e masnil ex yin̈tl Jacob, atn ex israel to 'oj to e cani. 'Icha junc lum 'a'lic b'ut'jnac 'el yuj no calnelu, 'ixta wal 'oj 'aj sb'ut'j pax 'el e lum eyu'uj.

Zacarías 8:13

'Icha 'ajnc e b'inax ex 'aj Judá, yet' ex 'aj Israel 'a scatb' paxti eb' chon̈ab'. Ax ticnec, 'oj ex in col-li, ax e b'inax 'a swach'il. ¡Caw man̈ ex xiwoc! ¡Te'n tzeyutj e b'a! xchi Dios.