Sofonías 3:16 - Chuj San Sebastian Bible

¹⁶ A 'a yic jun tiempoal cha, 'oj alxc 'ixtc 'a chon̈b' Jerusalén: Ex 'aj Sión, man̈x ex xiwoc, man̈x 'el cab' yip e c'ab' yuj xiwc'ojlal.

Chuj San Mateo Bible

¹⁶ A d'a jun c'ual chi', ol yal anima d'a eb' aj Jerusalén icha tic: Ex aj Sion, man̈xo ex xivoc, man̈xoocab' el yip e c'ab' yuj xivelal.

Sofonías 3:16 Referans Kwoze

A Ch'an̈ Carta D'a Eb' Hebreo 12:12

'Ay ex, 'icha to may yip e c'ab', 'icha to sicb'nac 'el eyoc. Caw tzlaj eyac' eyip, sec tzwach' b'o e nab'en.

Gl 6:9

Yuj cha, caw wach'n̈j tzcutjec qui b'eyb'al 'a smasnil tiempo, matz tac' qui tzactzjec. Toto matz cactjec can qui wach' b'eyb'al tic, ax yic 'oj jawc stiempoal, ax qui chanec spac.

Apoc 2:3

Caw niwn tzeyutj e c'ojol. Til wal yailal xeyab' syal wu'uj, palta ma'ex tzactzji.

Ef 3:13

Yuj cha, tzin tew 'at 'ayex, man̈ eyac' somchjoc e nab'en yuj jun yailal 'aych 'a wib'n̈ e mul eyujoc tic. A jun tzo'n̈ yailal tzwab' syal eyuj tic, a tzch'oxni, to caw niwn eyel'ch 'a sat Dios.

Is 44:2

An Jehová in an ex in b'o'o yic mantzac ex 'alji, an tzin colwj eyet'oc. Man̈ex xiw ex 'aj Jesurún, ex yin̈tl can Jacob, in checb' ex, sic'b'ilx 'el wu'uj.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Is 40:9

'Ex 'aj Sión, q'uen̈ec c'och 'a sjolm junc lum witz, tzex 'awj 'a caw 'ip ta', yic tzeyaln 'el wach' 'ab'ix. Ex 'aj Jerusalén, man̈ex xiw eya'n 'el eyaw, alc 'el 'ixtc 'a yoltc chon̈b' yic Judá: 'Iltec yaj qui Diosalec 'a tic, xe chi.

Jn 12:12

Til wal 'anma 'ix c'och 'a Jerusalén yuj q'uin̈ yic snanb'il cot yel eb' israel 'a libre. Ax 'a junx c'u, 'ix yab'n eb' to wan sc'och Jesús ta'.

Zacarías 8:15

'Ixta pax ticnec, tox xin na'a, to a wach'ilal a 'oj in b'o 'a Jerusalén yet' 'a Judá. Yuj cha, caw man̈ ex xiwoc.

Is 54:4

Ex 'aj Jerusalén, man̈x ex xiwoc, man̈x 'oj e can 'a q'uixwc'ojlal, man̈x 'a mach 'oj eyi'n 'ejmi. 'Oj eyac' sat e c'ojl 'a tas x'aj yel e q'uixwel 'a yic yalan̈, atn 'a yic 'actb'ilx can 'icha tzyac' junc 'ix 'ix tz'actx can yuj yichmil.

Job 4:3

Yujto til wal 'anma 'aj xac' jun tzo'n̈ cuynb'il, xlaj a'nc snab'en eb' 'anma somchjnac 'eli.

2 Co 4:1

Yuj cha, caw matz on̈ tzactzj on̈, yujto x'o'ch sc'ojl Dios 'ayn̈ on̈, xya'n jun copiso tic on̈.

Is 25:9

A 'a yic jun c'ul cha, 'oj calc 'ixtic: Atn wal Jehová qui Diosalec tic, a ca'jnaquec 'och yipc qui c'ojol, yuj cha, on̈ scolnec. Ca'c wal tzaljoc qui c'ojol, yujto a 'on̈ colnec, 'oj qui chioc.

Jl 2:21

Tzalj cab' eb' 'anma cajn 'a sat lum lu'um, man̈ xiw cab' eb' yujto 'ay wal tas niwn yel'ch 'oj sb'o Jehová.

Zacarías 8:13

'Icha 'ajnc e b'inax ex 'aj Judá, yet' ex 'aj Israel 'a scatb' paxti eb' chon̈ab'. Ax ticnec, 'oj ex in col-li, ax e b'inax 'a swach'il. ¡Caw man̈ ex xiwoc! ¡Te'n tzeyutj e b'a! xchi Dios.