Sofonías 3:11 - Chuj San Sebastian Bible

¹¹ Ex in chon̈ab', a 'a yic jun c'ul cha, man̈x 'oj e q'uixw yuj e maysch'olnilal, atn 'aj tenmtac xeyutj e b'a 'ayin. A yic cha, 'oj wi'l eb' tzalj yet' sb'an̈quinal 'a e cal, man̈x b'a'n̈ 'oj e b'an̈ e b'a 'a lum tzaln 'a 'aj tz'och 'emmquilal 'ayin.

Chuj San Mateo Bible

¹¹ Ex in chon̈ab', a d'a jun c'ual chi', man̈xo ol ex q'uixvoc yuj e chuc b'eyb'al, aton b'aj ix e pitej e b'a d'ayin. A d'a jun c'ual chi', ol viq'uel eb' stzalaj yed' yac'umtaquil d'a e cal. Man̈xo ac'umtacoc ol eyutej e b'a d'a jun tzalan b'aj tz'och ejmelal d'ayin.

Sofonías 3:11 Referans Kwoze

Is 54:4

Ex 'aj Jerusalén, man̈x ex xiwoc, man̈x 'oj e can 'a q'uixwc'ojlal, man̈x 'a mach 'oj eyi'n 'ejmi. 'Oj eyac' sat e c'ojl 'a tas x'aj yel e q'uixwel 'a yic yalan̈, atn 'a yic 'actb'ilx can 'icha tzyac' junc 'ix 'ix tz'actx can yuj yichmil.

Is 11:9

Xyaln Jehová 'ixtic: Man̈x 'a xon yailal 'oj jawc 'a tzaln Sión, atn jun sic'b'il 'el wu'uj, xchi. 'Icha wal tz'aj sb'ut'j 'el a mar, 'ixta wal tz'aj yolyib'n̈q'uinl tic sb'ut'j 'el yuj eb' 'anma tz'ojcan 'el Jehová.

Is 61:7

Ax tic 'ec'b'al xo xeyutj eyab'n syail, 'ec'b'al ex 'aj e b'uchxi, ex laj b'ajxi, yuj cha, ax ticnec, 'ec'b'al xo sricoal 'oj eyaj 'a yol e chon̈ab', man̈x 'a b'a'n̈ 'ay slajb' e tzaljc'ojlal.

A Sb'ab'el Carta San Pedro 2:6

Yuj cha, 'ixtc yaj yaln can Dios 'a Ch'an̈ U'un̈: An 'oj wa'cn 'och jun q'uen q'uen yipnub'alc yich n̈a 'a Sión. A jun cha, sic'b'il 'el wu'uj, caw niwn yel'chi. A mach 'oj ya'ch jun chi yipc sc'ojol, ma'oj somchjc 'el yu'uj, xchi 'a Ch'an̈.

Ro 9:33

Yaljnac Dios yab'xil Cristo 'a Ch'an̈ U'un̈, 'aj alb'il can 'ixtic: A 'a chon̈b' Sión, ata 'oj wa'cn 'och jun mach 'icha junc q'uen q'uen 'aj tztench eb' yoc, tztelw eb' yu'uj, 'ixta 'oj 'aj 'a sat eb'. Palta a eb' 'oj ya'ch sc'ojl 'a 'a, ma'oj somchjc 'el eb' yu'uj, xchi.

Mt 3:9

Man̈ laj eyal 'ixtic: May pena, an̈ec tic yin̈tl on̈ec can Abraham, man̈ xe chioc. Yujto an tzwal 'ayex, toto tznib'j Dios, tztac' tz'och jun tzo'n̈ q'uen q'uen tic yin̈tloc Abraham e jeloc.

Dn 9:16

Mamin, cojc wal si'mb'il on̈, to tza b'on̈j tas tzala. Yuj cha, 'el cab' wal 'a a c'ojol, to tzej 'el yailal yet' yowl a c'ojl 'aych 'a yib'n̈ chon̈b' Jerusalén, yujto a chon̈b' yaji, ecn̈ej yaj lum tzaln Sión. Smasnil nacion̈ 'ay 'a stz'ey, caw tzb'uchwj eb' 'a jun chon̈b' tic. Yuj wal qui mul on̈, yet' yuj smul eb' qui mam quichm on̈, 'ixta tz'aji.

Jeremías 7:4

Man̈ eya'ch e nab'en 'a eb' 'a'm 'es, eb' tzaln 'ixtic: Cojc wal si'mb'il to may tas 'oj qui'ni, yujto a 'a tic 'ayc' yatut Jehová, atn wal yatut tic, xchi cob' eb'.

Is 45:17

Ax pax an̈ israel on̈ tic on̈, caw ach 'oj on̈ a colnc 'el 'a jun 'ejmn̈ej on̈, man̈x 'a cab' b'a'n̈ 'oj quijx 'ejm on̈, man̈x 'a pax cab' b'a'n̈ 'oj qui q'uixw can pax 'el on̈.

Ro 2:17

Palta 'ayx tzeyalch wal e b'a israelal si'mb'il, cojxn ley yic Moisés tzeya'ch wal yipc e c'ojol, caw tzeyij chan̈ e b'a, yujto schon̈b' ex Dios.

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Dn 9:20

'Ix in yamnn̈ej 'och in leslwi, 'ix waln q'uet in mul yet' smul eb' wit israelal. Caw wal in tew 'a Jehová in Diosal, yuj lum tzaln Sión to yicn̈ej yaji.

Ez 24:21

Al 'a eb' et israelal, to an Jehová in, an 'oj wac' juwc 'el watut, atn jun caw nib'b'il yilxi, nib'b'il pax eyu'uj. Tze b'an̈ e b'a yu'uj, 'icha to a 'aych eyipoc. An̈jtona eb' eyunnal yet' eb' eyisl xcancn eyuj 'a Jerusalén, 'oj cham pax eb' yuj owal, xchi.

Salmos 49:5

¿Tas yuj 'oj in xiwi, yic 'oj jawc jun tzo'n̈ tiempo maysch'olnil 'a wib'n̈ yuj smaysch'olnilal eb' tzchichn 'och 'ayin?

Nm 16:3

Syamn sb'a eb' smasnil, xlajw cha, xc'och eb' 'a Moisés yet' 'a Aarón xyaln eb' 'ixtic: ¡Colb' xo wal eyi'n chan̈ e b'a tic! Yujto qui masnil, yic xo Dios cajec, 'ayc' Jehová 'a qui calc qui masnil. ¿Tas yuj tzeyij chan̈ e b'a yajlilal 'a yib'n̈ schon̈b' Dios tic? xchi eb'.

Salmos 59:12

Tz'och smul eb' yuj smasnil tas tzyala; 'och cab' syailal eb' yuj sb'an̈quinal, yuj scatb' paxti', yet' pax yuj ya'm 'esal eb'.

Salmos 131:1

Mamin Jehová, caw man̈ b'an̈quintac in nab'en tzwab'i, man̈ chan̈oc 'ayb't in sat tzin 'eq'ui, man̈ niwc wincoc tzwutj in b'a tzin 'eq'ui, matz in 'och tza'n yuj junc tas man̈ in lajnoc yet'oc.

Is 2:12

A Jehová tztac' yuj smasnil, 'oj jawc jun c'u to nab'il xo yu'uj, yic tzya'n cot yowl sc'ojl 'a yib'n̈ eb' b'an̈quintac, eb' tenmtac, eb' cob' tzyij chan̈ sb'a;

Is 5:15

'Oj 'ijxoc 'ejm smasnil 'anma yet' sjelnal, ax eb' b'an̈quintac, 'oj yic' 'ejm sb'a eb'.

Is 56:7

toto 'ixta', 'oj wi' cot eb' 'a jun tzaln to wicn̈ej yaji, ax wa'n stzaljc'ojlal eb' 'a yol watut 'aj tz'och lesl 'ayin. 'Oj in cha sn̈us eb' xajmb'al yet' yofrenda 'a yib'n̈ yet'l xajmb'al to wic yaji, yujto 'oj alxoc yuj watut, to yatutal lesl yaj yuj smasnil chon̈ab'.

Jeremías 13:9

'Ixtc wal 'oj wutc in satn 'el sb'inab'ilal eb' 'aj Judá yet' eb' 'aj Jerusalén.

Ez 20:40

An Jehová Yajl in, an tzwal 'ixtc 'a smasnil eb' israel: A lum niwquil tzaln wic yaj 'a chon̈b' Israel, ata 'oj wul eya'x 'ejm e b'a 'ayin. 'Oj ex in cha ta', 'oj in c'an jun tzo'n̈ ofrenda 'ayx ta', ax eyi'n cot sb'ab'l sat tas 'awb'il eyu'uj, yet' smasnil tas to wic xon yaji.