Sofonías 2:3 - Chuj San Sebastian Bible

³ 'A'c 'och e b'a 'a yol sc'ab' Jehová e masnil, ax 'emmquilal tzeyutj e b'a eyiclni tojlal 'a yolyib'n̈q'uinl tic. B'oc stojlal, yet' pax 'emmquilal, sec toq'ue 'oj e colchj 'a yic 'oj jawc jun c'u yic 'oj ya'nc Jehová yowl sc'ojol.

Chuj San Mateo Bible

³ Mach ex emnaquil tzeyutej e c'anab'ajan tojolal d'a jun nación tic, aq'uecoch e b'a d'a yol sc'ab' Jehová e masanil. B'eyb'alejec tojolal yed' emnaquilal, talaj olto ilchaj b'aj ol e col e b'a d'a jun c'ual yic yoval sc'ol Jehová chi'.

Sofonías 2:3 Referans Kwoze

Salmos 76:9

Ach qui Diosal on̈, a wal yic ach coti, 'ix a'n 'och b'eyc'ojlal, yic xa coln pax 'el eb' 'oltac yaj 'a yolyib'n̈q'uinl tic.

Salmos 22:26

A eb' meb'a', 'oj wa eb' si'mb'il, caw wal 'oj b'ut'joc eb'. Ax eb' tznib'n a colwal, 'oj yal eb' wach' paxti 'ayach. Pitznn̈ej cab' eb' 'a jun 'ejmn̈ej.

Jonás 3:9

Toq'ue tzat tztac' sjeln Dios snab'en 'a q'uib'n̈ec, yic tz'och wan yowl sc'ojol, toto 'ixta', matz on̈ chamec, xchi win rey 'a jun ley cha.

Salmos 105:4

Ca'c 'och Jehová yipc qui c'ojol; c'och coyc 'a yojltac 'a smasnil tiempo.

Os 10:12

Yuj cha, waln 'a eb' 'ixtic: A cab' tas tojl tze b'o ax tic, sec ax in chamc'ojlal 'oj e cha spacoc. Tojlb'tzejc e b'eyb'al, 'actjec can e tenmtaquil, stiempoal xo eya'n 'och e b'a 'a yol in c'ab', masnto yic 'oj in jaw wul wac' colnb'il 'ayex, 'icha wal yem n̈ab', 'ixta 'oj 'aj sjawi, xin chi 'a eb'.

Jeremías 39:18

An tzwala, yujto in a'ch yipc a c'ojol, yuj cha, 'oj ach in col-l 'a yol sc'ab' eb', sec ma'oj ach smil cham eb', xchi Dios, xa chi 'a winac, xchi 'ayin.

Pr 18:10

A 'a Jehová, ata tzcol sb'a eb' 'anma tojl snab'en, lajn yaj 'a eb' 'icha junc cuartel caw wach' yaji.

Salmos 57:1

Ach in Diosal, 'o'ch cab' a c'ojl 'ayin. A 'aych tzin col in b'a masnto tz'ec' jun yailal tic 'a wib'an̈. Tzin nib'j tzin col in b'a 'aych 'icha tzyutj scoln sb'a no yune caxtiln̈ 'a yaln̈ sc'axl snun.

A Schab'il Carta San Pedro 3:18

Yowlal tze wach' 'ojquej 'el Cajlilec, atn Jesucristo qui Colmalec. An̈jtona', caw tze wach' chaj swach'c'ojlal 'a junjn c'u. Niwn cab' yel'ch Cajlilec ticnec, yet' 'a smasnil tiempo. Ya' cab'i'.

Jeremías 45:5

Caw man̈ smojc a c'ann tas tzach 'aj a q'ue'ch ricoal. Man̈ a c'ana', yujto 'oj wa' cot yailal 'a yib'n̈ smasnil 'anma'. Palta an Jehová in, an tzwala, to yaln̈j 'ajtil 'oj eq'ui, ma'oj ach in cha milxoc chamoc, xchi Dios, xin chi 'a Baruc.

Salmos 91:1

A eb' tzcol sb'a 'a yaln̈ spoder Jehová, atn jun caw niwn yel'chi, tztac' yuj smasnil,

A Sb'ab'el Carta San Pedro 3:4

Palta a wal e nab'en, a tze chamc'ojlej e b'oni, sec wach' yilx 'a sat Dios. A swach'l cha, may b'a'n̈ tzjuwi. Toto wach' yaj e nab'en, toto 'emmquil yaji, atn chi caw wach' yilx 'a sat Dios, caw niwn yel'ch 'a 'a.

A Sb'ab'el Carta San Pedro 1:22

A ticnec, [yuj Yespíritu Dios] xqui yiclniec jun cuynb'il caw yel. 'Ixta xcutjec qui tojlb'tzan qui b'eyb'al, sec caw yel 'ay qui chamc'ojlalec 'a eb' quit creyenteal. Yuj cha, yowlal tzlaj qui chamc'ojloquec qui b'a 'a smasnil qui c'ojol, yet' 'a smasnil quip.

1 Ts 4:1

Ex wu'tac, ex wanab', 'in 'ec' caljnacx 'ayx on̈, to wach' tzeyutj e b'eyb'al, sec tzalj Dios eyet'oc. Al ticnec, tzon̈ tew 'at 'ayx 'a sb'i Cajlil Jesús, tzcham wal caln 'at 'ayx on̈, to tze wach' yiclj jun checnb'il tic si'mb'il.

Mt 5:5

A eb' 'emmquil tzyutj sb'a, caw wach' yic eb', yujto 'oj yico'oc eb' jun lugar 'aj ya'jnac can Dios sti'.

Salmos 31:20

Colcn 'el eb' wach' 'a ojltac 'a stu nab'en eb' maysch'olnil, yujto a 'a atut, ata tza molcn eb' 'a stu paxti eb' 'ajc'ojl cha.

Is 11:4

'Oj sb'oyaj eb' meb'a 'a stojlal, 'oj colwjc yet' eb' 'anma 'emmquilal yeq'ui. Cojn ton̈j 'oj yala', ax yochcn syailal eb' tu tzlaj yutc sb'a. Cojn ton̈j 'oj yala', ax scham eb' tzb'on maysch'olnil.

Os 7:10

A sb'an̈quintacl eb' israel, a tzch'oxn 'el smul eb'. Wach'xam 'ixta yaj eb', palta man̈ yujoc cha, tznalb'an eb' smeltzj 'ayn an Jehová in, yujto sDiosal in eb'.

Is 61:1

A Yespíritu Jehová Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a', tzlaj wa'nc can b'oxc sc'ojl eb' ya yaji, tzwaln 'el yab'xil colnb'il 'a eb' 'icha preso yaji.

Salmos 149:4

Yujto a Jehová tzyij stzaljc'ojlal 'a quib'n̈ec an̈ schon̈b' on̈c tic, ax ya'n qui tzaljc'ojal an̈ 'emmquilal queq'ui, yujto a tzon̈ colnec.

Ex 12:27

Ax eyaln 'ixtc 'a eb': A jun q'uin̈ tic, yic snanb'il cot queltec 'a libre 'a Egipto, atn yic scham no calnelu xajmb'al-l 'a Jehová, yic 'ec' smilnc cham Jehová eb' b'ab'l 'unn 'a Egipto cha. Ax 'a sti catutec, c'ax'e'l x'eq'ui. 'Ixta 'ix yutj Jehová scoln can 'el eb' 'unnab'il 'ayn̈ 'a yic jun tiempoal cha, 'oj e chic 'a eb', xchi Moisés. A yic 'ix lajw yaln jun tzo'n̈ tic, 'ix 'em n̈ojnjoc eb' yit israelal ya'n 'emmquilal 'a Jehová.

1 Ts 4:10

'In 'ixta wan eyutn e chamc'ojlan smasnil eb' eyit creyenteal 'a yol yic Macedonia. Palta ex wu'tac, ex wanab', tzon̈ tew 'at 'ayx on̈, sec tzwach' niwtj e chamc'ojlal ta'.

Zacarías 8:19

A c'ajb'c'ojlal tzeyac' 'a yic schan̈l 'uj, 'a yic yol 'uj, 'a yic yucl 'uj yet' 'a yic slajn̈il 'uj, 'oj meltzjoc can 'och jun tzo'n̈ chi 'a q'uin̈al, yet' 'a tzaljc'ojlalil 'a eb' yin̈tl Judá. Yuj cha, 'a'c 'och e b'a 'a stojlal yet' 'a junc'ojlal.

A Ch'an̈ Schab'l Libro Samuel 12:22

'Ix ta'w 'a eb' 'ixtic: —Yujto pitznto win 'unn cha, yuj cha, in 'och 'a c'ajb'c'ojlal, in 'oc' yuj winac. 'Ix in nani, lemb'il tzyac' Dios niwnc'ojlal 'ayn yet' winac, sec matz chami.

Salmos 45:4

Q'uen̈ 'a yib'n̈ a chej yet' a poder yic tza'n ganar owal yuj swach'loc paxti caw yel. Yet' wal stojlal tza b'onyaj eb' 'anma 'emmquilal yeq'ui. 'Ay cab' smay tas 'oj a b'o yet' a poder cha.

Is 1:17

Cuyc e b'a e b'on swach'il, a cab' stojlal tze sayq'ui, colwjan̈c 'a eb' 'anma tz'ixtxi, b'oc yaj eb' meb'a 'unin, colwjan̈c 'a eb' 'ix 'ix chamnc yichmil, xchi Dios.

Ez 13:5

Mant 'a xon jac tas tzb'o eb' yic tzcolchj chon̈b' Israel, sec ax yic tzin jaw an Jehová in wul wac' owl 'a jun chon̈b' cha, 'oj colchjoc 'el eb' yu'uj.