Sofonías 1:6 - Chuj San Sebastian Bible

⁶ An̈jtona 'oj in satl pax eb' tzyij 'el snab'en 'ayin, atn eb' matz jaw 'ayn an Jehová in tic, yic tzwul sc'anb'noc eb' junc snab'en.

Chuj San Mateo Bible

⁶ Ol in satpaxel eb' syiq'uel sb'a d'ayin, aton eb' max yal sb'a d'ayin, eb' max yaq'uem sb'a yic sc'anb'an sb'a d'ayin.

Sofonías 1:6 Referans Kwoze

Jeremías 2:13

Ax in chon̈b' ex tic, x'och chamacn̈ e mul. An tic, lajn in 'icha a a tzpaq'ui, palta in eyactj cani. Mun xoj xe b'o e diosal. A jun e diosal cha, lajn 'icha junc c'ob'a oln yich, matz can a 'a yojol, xchi Dios.

Is 1:4

Ex wit chon̈ab', caw wal 'ajmul ex, an̈j maysch'olnil tze b'o 'icha ya'jnac eb' qui mam quichmec, an̈j tu tze b'o'o. Xeyi'n 'el e b'a 'a stz'ey Jehová, xeyactn can qui Diosal To Cojxni.

Jeremías 15:6

An Jehová in, an tzwala, tox in eyactj cani, yel xo wal tzex juw 'eli. Caw in c'unb' c'och ex wa'n niwnc'ojlal, yuj cha, 'oj ex in satli.

Jeremías 2:17

Atn wal jun tzo'n̈ tic x'ec' 'a eyib'an̈, yujto in eyactj can an Jehová e Diosal in tic, yic ex wi'n b'ey 'a yol b'e.

Os 11:7

A eb' in chon̈b' tic, nab'ilx yuj eb' to tzyij can 'el sb'a eb' 'ayin. Wach'xam cob' tzyal eb' to Cojxn in Niwn Wel'chi, palta matz in yij chan̈ eb'.

Jeremías 3:10

An Jehová in, an tzwala, wach'xam xyil eb' 'aj Judá smasnil jun tzo'n̈ tic, man̈ yujoc cha, 'ix meltzj pax eb' 'ayn 'a smasnil sc'ojol, palta ton̈j 'ix stz'ac meltzjoc sb'a eb' 'ayin, xchi Dios 'ayin.

Is 9:13

Ma'oj sna sb'a eb' yic tzyaln sb'a eb' 'a Dios, wach'xam 'aych eb' 'a syailal. Ma'oj ya'ch eb' sc'ojl 'a Jehová tztac' yuj smasnil.

A Ch'an̈ Carta D'a Eb' Hebreo 2:3

Toto 'ixta x'aj eb' cha, ¿tast wal 'oj cutquec qui coln qui b'a an̈ec tic, toto tzquijec 'el qui nab'en 'a jun qui colnb'il caw niwn yel'ch tic? Caw a Cajlilec, a b'ab'l aljnac yab'xil qui colnb'ilec tic. Ax eb' 'ab'jnac, sch'oxjnac 'el eb' chajtlto caw niwn yel'ch jun 'ab'x tic, xyaln pax eb' 'ayn̈ec.

Ez 3:20

An̈jtona', toto 'ay junc mach wach' xon sb'eyb'al, ax tz'aji tzjun 'el sb'eyb'al cha, an xo 'oj wa'ch syailal. Toto ach tic, ma'oj ac' sna sb'a yuj smul ax schami, a smasnil tas wach' xcob' sb'o 'a yaln̈tax cha, man̈x 'a yel'chi. Ax schamlil cha, eb'n̈ 'oj can wu'uj.

Salmos 125:5

Palta ax eb' tz'atcn 'a scal tu b'eyb'al, 'at cab' can eb' yet' eb' maysch'olnil sb'eyb'al chi 'a scal yailal. ¡'Ay cab' junc'ojlal 'a qui calc an̈ israel on̈c tic!

Salmos 10:4

A eb' tu sb'eyb'al may xon el'ch 'a sat, caw niwn yel'ch eb' snani, man̈ ach 'ayc' 'ec' 'a snab'en eb'.

A Ch'an̈ B'ab'el Libro Samuel 15:11

Comnoc ma'ix wa'ch Saúl tic reyal. Caw wal tzwab' syal yu'uj, yujto xin spatquilj can 'eli, ma'ix syiclj tas xwala, xchi. Ax Samuel caw xcus sc'ojol, yuj cha, 'ix leslwi 'a Jehová 'a smasnil 'ac'wl cha.

Os 7:7

Smasnil eb' 'anma cha, lajn wal yowl eb' 'icha sc'a'l junc jorna cha, smil eb' smasnil eb' syajlil yuj yowl sc'ojol. Smasnil eb' rey, c'uxn xcham eb' yuj eb', palta may wal junc eb' tzyal sb'a 'ayin.

Salmos 36:3

Cojxn̈ej tu paxti'al tzyal eb', tzlaj ya'nc eb' 'es, tzyactn can eb' tas tojol, man̈xtzac snib'j eb' sb'o tas wach'.

Ro 3:11

May junc mach 'aych snab'en 'a Dios, may junc mach nanto yu'uj.

Is 43:22

Palta ax israel ex tic, ex schon̈b' can Jacob, ma'in eyawtej, a eyico', to ex tzactzj wu'uj.

Jeremías 10:25

Sec 'emt yowl a c'ojl 'a yib'n̈ jun tzo'n̈ chuc chon̈b'al cha, atn 'a yib'n̈ jun tzo'n̈ chon̈b' to matz ach 'ojcan 'eli. Atn jun tzo'n̈ chon̈b' to matz yal sb'a 'ayach, yujto caw 'ix satx 'el jun qui chon̈b' an̈ yin̈tl on̈ Jacob tic yuj eb' on̈. Jun 'ejmn̈ej on̈ satx 'el yuj eb', caw 'ix lan̈chj 'ejm qui nacion̈ 'a jun 'ejmn̈ej on̈, xin chi.

Os 7:10

A sb'an̈quintacl eb' israel, a tzch'oxn 'el smul eb'. Wach'xam 'ixta yaj eb', palta man̈ yujoc cha, tznalb'an eb' smeltzj 'ayn an Jehová in, yujto sDiosal in eb'.

Josué 23:12

Tzin nib'j tzeyojquej 'el jun tzo'n̈ tic: Toto tzeyij 'el e b'a 'a stz'ey Dios, toto junn̈j tzex 'aj yet' eb' 'anma 'ayt 'ec' 'a e cal tic, tzeyi'n e b'a yet' yisl eb', junn̈j tzex 'aj yet' eb', junn̈j pax tz'aj eb' eyet'oc,

A Ch'an̈ Schab'l Libro Samuel 22:22

Tzin b'eylb'ej sb'eyb'al Jehová, may 'ajtil xwij 'el in b'a 'a stz'ey in Diosal yic tzin b'on stu'al.

2 Cr 15:13

'Ix ya'n pax eb' sti', tzann̈j mach to man̈oc Jehová sDiosal chon̈b' Israel tzyac' servil, wach'xam 'ichm 'anma', mto 'unin, winac mto 'ix, a jun cha, yowlal tzchami.

Is 9:12

A eb' 'aj Siria, 'oj cot eb' 'a stojlal 'aj tzq'uel c'u, ax eb' filisteo, 'oj cot eb' 'a stojlal 'aj tz'em c'u. Junn̈j 'oj yutc sb'a eb', ax satn 'el eb' chon̈b' Israel. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Sofonías 3:2

Ma'ix schaj eb' yab' tas xyal Jehová, ma'ix yal sc'ojl eb' x'ajx cuenta. Ma'ix ya'ch eb' sDiosal yipc sc'ojol, ma'ix yal sc'ojl eb' xya'ch sb'a 'a yol sc'ab'.