Santiago 4:3 - Chuj San Sebastian Bible

³ Wach'xam tze c'ana, palta matz 'ajx 'ayex, yujto maysch'olnil tzeyutj e nab'en yic tze c'anni. Enani to 'oj 'ajxoc 'ayex, yic tze lajn 'a spatc jun tzo'n̈ maysch'olnil tze nib'j 'ochi.

Chuj San Mateo Bible

³ Vach'chom tze c'ana', palta man̈ ol ac'joclaj d'ayex, yujto malaj svach'il e pensar ayic tze c'anani. A e naani to ol ac'joc d'ayex, yic a d'a spatic juntzan̈ chucal tze nib'ejoch tzeyac' lajvoc.

Santiago 4:3 Referans Kwoze

1 Jn 5:14

Yuj cha, matz on̈ xiwc qui leslwi 'a Dios, yujto cojquec, tzann̈j tas tzqui c'anc 'a 'a, 'oj yab'i', toto tzqui c'anc tas 'a 'icha tznib'ej.

1 Jn 3:22

Toto 'ixta', tzann̈j tas tzqui c'anc 'a 'a, 'oj yac' 'ayn̈ec, yujto wan qui yiclniec jun tzo'n̈ schecnb'il, wan qui b'onec smasnil tas 'icha tznib'ej.

Santiago 4:1

¿Eyojc am 'aj tzcot jun tzo'n̈ owl 'ay 'a e cal, yet' chichnc'ojlal? A yic tze nib'n 'och jun tzo'n̈ tas tze nib'j eyac' e gana yet'oc, ata tzpitzw 'elt jun tzo'n̈ owl cha.

Miqueas 3:4

'Ay wal jun c'ual, 'oj cob' to eyawtc Jehová, palta man̈x 'oj ta'wc 'ayex. A wal 'a yic jun c'ul cha, 'oj sc'ub'c 'el sb'a 'ayx yuj tas maysch'olnil 'ix e b'o'o, xin chi 'a eb' yajl cha.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Pr 21:13

A mach matz chaj yab' tas tzc'an eb' meb'a', ax yic 'oj yalnc sb'a 'a Dios, ma'oj scha Dios yab' tas 'oj sc'an cha.

Job 35:12

Tzcob' yal sb'a eb' tz'ixtx chi 'a Dios, palta matz ta'w 'a eb', yujto caw wal tu sb'eyb'al eb', b'an̈quintac pax eb'.

Zacarías 7:13

'Ix waln 'ixtic: 'Icha wal 'ix yutj sb'a eb', ma'ix schaj eb' yab' 'ayn an Jehová in, yic in paxtin 'a eb', an̈jtona 'ixta 'in pax jun xo, a yic 'ix tew eb' 'ayin, ma'in ta'w 'a eb'.

Lc 15:13

Ax yic jaye nant c'u, xchon̈n can 'el win tza'n 'unn chi jantcn̈ej tas xchaj 'a smam cha, 'ix 'at win 'a junx chon̈b' 'a najat. Ax 'ix c'och win 'a jun chon̈b' cha, amancotn xyutj win slajn 'el stumn chi muc'uc, ton̈j slaj win 'a spatc jun tzo'n̈ maysch'olnil 'ix sb'o sc'och ta'.

Mr 10:38

—Caw matz nachj 'el eyu'uj tas tze c'an 'ayin. ¿'Oj techjoc am eyajx prowal 'icha 'oj waji? A wal jun tas 'oj jawc 'a wib'an̈, ¿tom 'oj techjoc eyu'uj? xchi 'a eb'.

Mt 20:22

Yuj cha, 'ix yaln 'ixtc 'a ewin schawn̈il: —Palta matz nachj 'el eyu'uj, tas tze c'an 'ayin. ¿'Ojm techjoc eyu'uj yic 'oj eyajx prowal 'icha 'oj waji? A wal jun tas 'oj jawc 'a wib'an̈, ¿tom 'oj techjoc eyu'uj? xchi 'a eb'. —'Oj techjoc, xchi eb' 'a 'a.

Jeremías 11:14

Yuj cha, ach Jeremías, man̈ ach leslwoc yuj jun chon̈b' tic, man̈ ach tewoc 'ayn yuj eb', yujto ma'oj in ta'wc 'ayach. Wach'xam 'oj sc'an eb' in colwal 'a scal syailal, wal yel, ma'oj in ta'w 'a eb', xchi.

Pr 21:27

A Jehová matz chaj sc'ojl yofrenda eb' maysch'olnil, ocxom wal eb' tzyac' yofrenda yet' stu nab'enal.

Pr 1:28

A wal 'a jun c'ul cha, 'ojt cob' e c'an in colwal, palta man̈x 'oj in ta'w 'ayex; 'ojt cob' eyal e b'a 'ayin, palta man̈x 'oj wab' tas tzeyala,

Jeremías 14:12

Wach'xam tz'och eb' 'a c'ajb'c'ojlal, palta ma'oj in ta'w 'a eb'. Wach'xam caw niwn xajmb'al tzyac' tz'a eb', wach'xam pax caw niwn sat 'awb'en tzyij cot eb' ofrendail 'ayin, palta ma'oj in tzalj yet' eb'. 'Oj wac' satl eb' yuj owal, yuj wejel, yuj yab'il, xchi 'ayin.

Salmos 18:41

'Ix cob' sc'an eb' colwal, palta may mach xcoln eb'. 'Ix cob' yal sb'a eb' 'aych Mamin Jehová, palta toc ach ta'w 'a eb'.

Jeremías 11:11

Yuj cha, an Jehová in, an tzwala, to 'oj wa' cot yailal 'a yib'n̈ eb', man̈x 'oj stac' s'at eb' 'elc 'a 'a. Wach'xam 'oj 'el yaw eb', ax sc'ann eb' in colwal, palta man̈x 'oj in ta'w 'a eb'.

Lc 15:30

Palta ax jun onnal tic, ton̈j scomn laj win a tumn yet' eb' 'ix 'ajmul 'ix, ax ticnec, tzjapx winac. Yuj winac xa'n milxc cham no wacx b'a'ch yajx servil, xchi win 'a smam cha.

A Ch'an̈ B'ab'el Libro Yic Yab'ixal Eb' Rey 3:11

yuj cha, 'ix yaln Dios 'ixtic: Yujto a jun tzo'n̈ tic tza c'ana, man̈oc a q'uinal, man̈oc a ricoal, man̈ pax oc schaml eb' 'ajc'ojol, palta to a sjelnal a nab'en 'ix a c'ana, yic tzojcan 'el a'n cuenta in chon̈ab',

Lc 11:10

Yujto a eb' tzc'anni, 'oj scha eb'. Ax eb' tzsayni, 'oj chax yuj eb'. An̈jtona', eb' tz'awj 'och 'a te puerta, 'oj jacxoc te 'a eb'.