Salmos 98:9 - Chuj San Sebastian Bible

⁹ yujto tzjaw wul yac' yajlil 'a sat lum lum tic. A 'oj yac' yajlil 'a yib'n̈ smasnil chon̈b' 'a yolyib'n̈q'uinl tic. 'Oj sb'oyaj eb' 'anma 'a stojlal yet' 'a swach'il.

Chuj San Mateo Bible

⁹ yujto ol javoc, ol ul yac'an Yajalil d'a yolyib'an̈q'uinal tic. A' ol ac'an Yajalil, junlajan ol yutoc sch'olb'itan juntzan̈ chon̈ab' d'a stojolal.

Salmos 98:9 Referans Kwoze

Salmos 96:13

yic 'oj jawc Jehová. 'Oj jawc wul yac' yajlil 'a sat lum lum tic. 'Oj yac' yajlil 'a yib'n̈ smasnil chon̈ab', ax sb'eyc'ojlax eb' yuj 'a stojlal.

Salmos 96:10

Calc yab' smasnil nacion̈, to a Jehová rey toni. A 'ix b'on yolyib'n̈q'uinl tic, yuj cha matz 'ib'xi. Caw tojln̈ej tzyutj sb'eyc'ojlan smasnil chon̈ab'.

A Tas Sc'ulejnac Eb' Schecab' Jesús Hechos 17:31

Yujto yaljnac cani, to 'ay jun c'ual 'oj sb'eyc'ojloc smasnil 'anma'. Tojl 'oj yutc sb'eyc'ojlani, a tzyala tas tzb'o junjn mach. Ax jun sic'b'il can 'el yuj Dios, atn 'oj b'eyc'ojlanc eb'. 'Ix ch'ox Dios 'a smasnil 'anma', to caw yel jun tic, yic 'ix ya'n pitzwc pax jun mach sic'b'il 'el chi 'a scal eb' chamnac, xchi Pablo 'a eb'.

Apoc 1:7

'Iltec, jab'xoj 'oj jawc Cristo 'a scal 'asun. Smasnil 'anma', 'oj yil eb' sjawi, an̈jtona eb' tecjnac chamoc, 'oj yil pax eb' sjawi. Ax eb' 'anma 'a junjn chon̈b' 'a yolyib'n̈q'uinl tic, a yic 'oj yilnc eb', caw 'oj 'oc' eb'. Wal yel, 'ixta wal 'oj 'ajoc.

A Tas Sc'ulejnac Eb' Schecab' Jesús Hechos 24:25

'Ix yaln Pablo 'a winac, to yowlal tojl tzcutj qui b'eyb'al, tzqui tenn 'och wan qui b'a 'a maysch'olnil. 'Ix yaln paxi, chajtlto 'oj b'eyc'ojlaxc smasnil 'anma'. Yic 'ix yab'n win Félix jun tzo'n̈ tic, caw 'ix xiw winac, 'ix yaln win 'ixtc 'a 'a: —A ticnec, 'ixc pax 'a chi b'el, toto 'ay 'aj coln in, 'oj ach wawtc cot jun 'ejmoc xo, xchi winac.

Is 5:16

A Jehová tztac' yuj smasnil, 'oj sch'ox 'ilxoc to niwn yel'ch sb'eyc'ojlal. A Dios yel xo wal wach', 'oj sch'ox 'ilxoc to tojl snab'en.

Salmos 72:2

sec tojl 'oj yutc ya'n yajlil 'a scal eb' chon̈ab', yet' 'a eb' meb'a'.

Salmos 67:4

'El cab' yaw eb' 'a tzaljc'ojlal, yujto ach tza b'eyc'ojlej eb' chon̈b' 'a stojlal; ach tza jucb'tzej eb' nacion̈ 'ay 'a yolyib'n̈q'uinl tic.

Salmos 7:9

Yujto Dios ach, caw tojln̈ej a nab'en; ojtac tas yaj snab'en eb' 'anma', yet' tas c'ultac yaj 'a snab'en eb'. Sat cab' 'el eb' maysch'olnil sb'eyb'al, palta ax eb' wach' sb'eyb'al, 'ac' ste'nal eb'.

Salmos 9:9

Tza colcn 'el eb' 'oltac tz'aj yixtxi, tza'n yip eb' 'aych 'a syailal.