Salmos 97:5 - Chuj San Sebastian Bible

⁵ A eb' lum niwc witz, ton̈j tz'ulb'x 'ejm eb' lum 'a yojltac Jehová, atn syajlil smasnil yolyib'n̈q'uinal. 'Icha yulb'x no chab'ic', 'ixta tz'aj eb' lum yu'uj.

Chuj San Mateo Bible

⁵ Tz'ulaxb'at lum nivac vitz icha noc' chaq'uib' d'a yichan̈ Jehová Yajal d'a Smasanil yolyib'an̈q'uinal tic.

Salmos 97:5 Referans Kwoze

Nahúm 1:5

Caw tz'ib'x eb' lum witz 'a yojltac Dios, caw tz'ulb'x pax 'ejm eb' lum tzaln yu'uj. Smasnil lum lum tic yet' smasnil eb' 'anma cajn ta', caw tz'ib'x eb' yuj xiwlal 'a yic tzch'oxn sb'a Dios.

Salmos 47:2

Yujto a Jehová caw niwn yel'chi, 'ay pax smay; Yajl yaj 'a yib'n̈ smasnil lum lum tic.

Habacuc 3:6

A yic tzach 'och wa'an, caw tz'ib'x lum lum tic o'oj. Smasnil jun tzo'n̈ nacion̈, xlaj 'ib'x chan̈ eb' yuj xiwlal yic ach 'och q'ueln 'a eb'. A jun tzo'n̈ lum niwc witz 'ayc' xon 'a yictax pecti', 'ix laj poj eb' lu'um, 'ix lan̈chj 'ejm smasnil lum witz cha, atn 'a 'aj 'e'nc ach 'a yictax pecti'.

Salmos 46:6

'Oj 'el yaw jun tzo'n̈ niwc nacion̈ yuj owal, ax laj yib'x chan̈ eb' 'aych yajlil, ax yulb'x pax 'ejm lum lum tic, yic 'oj 'ab'xoc spaxtin Dios.

Josué 3:11

'Oj eyila', to a te scaxail strato Dios, atn jun Dios 'ay yic lum lum tic, 'oj b'ab'ljoc te cujec yic tzon̈ 'e'c 'a yojl a Jordán tic.

1 Co 1:2

to yic xo Dios quetec, an̈ tzqui tz'ib'j 'at jun qui carta tic 'ayx on̈, atn ex yiglesia xo Dios 'a Corinto. Yic ex xo Dios, yujto junn̈j tzex 'aj yet' Cristo Jesús. A Dios 'awtjnacx 'och yico'oc, yet' jantcn̈ej eb' tzyal sb'a 'a Cajlil Jesucristo 'a junjn chon̈ab'. A Jesucristo a Cajlilec yet' eb'.

Zacarías 4:14

'Ix yaln 'ayn 'ixtic: Atn chab' tic tzch'oxn cot chawn̈ eb' sic'b'il 'el yuj Yespíritu Jehová yic tzya'n servil eb' Dios, atn Yajl yaj 'a smasnil yolyib'n̈q'uinal, xchi jun ángel cha.

Is 54:5

A jun mach ex b'oni, a 'icha 'ichmilab'il yaj 'ayex, atn Jehová tztac' yuj smasnil; qui colmal an̈ israel on̈ tic, qui Diosalec; sDiosal pax smasnil tas 'ay 'a sat lum lum tic.

Salmos 83:18

sec 'oj 'ojcaxc 'eli to cojn ach Jehová ach, to cojn ach niwn el'ch 'a yib'n̈ lum lum tic.

Miqueas 4:13

Ex 'aj Sión, q'uen̈ec wa'an, te'c 'ejm jun tzo'n̈ nacion̈ cha, yujto tzyal Jehová 'ixtic: An 'oj wac' eyip e te'n 'ejm jun tzo'n̈ nacion̈ cha, 'icha junc no quelm wacx nab'a hierro sch'a'ac, nab'a pax bronce yech to te'm trigo. Ax eyi'n can 'ec' sricoal jun tzo'n̈ nacion̈ ya'jnac ganar 'a spatc maysch'olnil, ax eya'n 'ayn an Jehová in tic, an tic Yajl waj 'a smasnil yolyib'n̈q'uinal, xchi Dios.

Mr 11:3

Toto 'ay mach tzaln 'ixtc 'ayex: ¿Tas yuj tze jiy 'elt no'? toto xchi, tzeyal 'ixtc 'a 'a: To 'ay 'oj 'och no yuj Cajlil on̈, yajn̈ej, ax wul scanx no', xe chi, xchi 'a eb'.

Salmos 75:4

Tzwal 'a eb' tzb'an̈ sb'a, yet' 'a eb' maysch'olnil tas tzb'o'o, to matz tac' sb'an̈n sb'a eb', matz tac' pax yi'n chan̈ sb'a eb'.