Salmos 97:10 - Chuj San Sebastian Bible

¹⁰ An̈ec tzqui chamc'ojlej Jehová, qui yajc can 'el maysch'olnil. A eb' yiclum tzyutj sb'a 'a 'a, 'oj tan̈wxoc eb' yu'uj, a 'oj colnc 'el eb' 'a yol sc'ab' eb' tu snab'en cha.

Chuj San Mateo Bible

¹⁰ A ex mach ex tze xajanej Jehová, chaquec el chucal. Yujto a eb' sc'anab'ajani, tan̈vab'il eb' yuuj. Scolji eb' yuuj d'a yol sc'ab' eb' sc'ulan chucal.

Salmos 97:10 Referans Kwoze

Pr 8:13

Toto 'ay yel'ch Jehová 'a qui satec, yowlal tzquijec 'el qui b'a 'a scal maysch'olnil. Toto jeln on̈ec, man̈ qui b'an̈c qui b'a, man̈ qui'c chan̈ qui b'a, man̈ qui b'oc tas tu', man̈ ca'c pax 'es.

Ro 12:9

Caw yelc'ojlal tzlaj qui chamc'ojloquec qui b'a. Tzann̈j tas maysch'olnil, qui yajc can 'eli. Ax tastc wach', ca'c 'och qui nab'en 'a 'a.

Salmos 145:20

Mamin Jehová, tza col smasnil eb' 'ay schamc'ojlal 'ayach, palta ax eb' maysch'olnil snab'en, ach tza satl eb'.

Salmos 34:14

'Ijec 'el e b'a 'a scal tu'al, ax tas wach' a tze b'o'o; a cab' junc'ojlal tze sayq'ui, tze b'eylb'ani.

Jeremías 15:21

'Oj ach in col-l 'a yol sc'ab' eb' maysch'olnil snab'en, 'oj ach in coln̈j 'a yol sc'ab' eb' ma'm cham 'anma', xchi Dios 'ayin.

Am 5:15

Yajc 'el tas maysch'olnil, ax tas wach' a tze chamc'ojlej. Tzcham wal e maclni eyila', toto wach' xo tz'aj sb'oyaj junc mach 'a despacho. To 'ixta', toq'ue a Jehová Dios tztac' yuj smasnil, 'oj 'o'ch sc'ojl 'ayx ax yin̈tl ex to can José.

Dn 3:28

A wal 'a yic jun rato cha, 'ix yaln win rey chi 'ixtic: Alx cab' wach' paxti 'a sDiosal Sadrac, Mesac yet' Abed-nego, yujto a 'ix checn cot jun yángel wul scol-l eb' schecb' caw tzya'ch sc'ojl 'a tic. Eb' ma'ix yiclni jun ley xwac' 'elt an reyn tic. Schaj sc'ojl eb' schami, 'a yib'n̈ pax to tzyac' 'ejm sb'a eb' 'a junc xo dios to man̈ sDiosalc eb'.

2 Ts 3:2

Tze c'an 'a Dios cuj on̈, sec 'oj qui colchj 'el 'a yol sc'ab' eb' maysch'olnil snab'en on̈, eb' tu tzyutj snab'en 'ayn̈ on̈. Yujto man̈ smasnilc 'anma tz'a'n 'och 'a sc'ojol.

Pr 2:8

Tztan̈wx eb' wach' sb'eyb'al yu'uj, atn eb' yiclum tzyutj sb'a 'a 'a.

Salmos 31:23

E masnil ex to yic ex xo Jehová wet'oc, qui chamc'ojloquec qui Diosal. A tztan̈wni eb' to wach' tzyutj sb'a. Palta ax 'a eb' tzyij chan̈ sb'a yet' stu nab'enal, caw tz'acn tzyutj ya'n spac 'a eb', atn syailal eb'.

1 Jn 5:18

Cojquec, toto yel yunnaln̈ec xo Dios, man̈x 'oj qui b'eylb'oquec maysch'olnil, yujto a Yunnal tzon̈ tan̈wniec. Yuj cha, man̈xtzac stac' on̈ yixtnec win diablo.

1 Jn 4:19

'Ay qui chamc'ojlalec 'a Dios ticnec, yujto a on̈ b'ab'l chamc'ojlanec.

A Sb'ab'el Carta San Pedro 1:5

Yujto tzca'c 'och qui c'ojl 'a Dios, yuj cha, wan on̈ stan̈wniec yet' spoder, masnto 'oj qui wach' chac qui colnb'il. A qui colnb'ilec, lista xo yaji, sec wach' 'oj checljoc 'el 'a jun slajb' tiempoal.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

Dn 6:27

A Dios tic, caw tzcolwji, a tz'a'n 'el pax junc mach 'a libre. A tzch'oxn jun tzo'n̈ satjub'tac yilx 'ay 'a satcha'an̈, yet' 'a sat lum tic. A xcoln 'el Daniel 'a yol sc'ab' e no león, xchi win rey cha.

Apoc 13:8

Smasnil 'anma 'a yolyib'n̈q'uinal, 'ix yal sb'a eb' 'a jun noc' sb'i cha. Palta ax eb' tz'ib'b'ilx can sb'i 'a jun libro yic q'uinl 'a jun 'ejmn̈ej, ma'ix yal sb'a eb' 'a 'a. A eb' cha, yictax mantzac b'o yolyib'n̈q'uinal, tz'ib'b'ilx can sb'i eb' 'a ch'an̈ libro yic jun tzcuch Calnelu, atn jun milb'il chamoc.

Santiago 1:12

Toto tzca'c techjoc, yic tzon̈ 'ajxec prowal, caw wach' quiquec. Yujto a yic tox xlajw cajxec prowal, 'oj qui chac spac, atn qui q'uinlec 'a jun 'ejmn̈ej. Ya'jnac can Dios sti', chajtlto 'oj yac' jun tic 'a jantcn̈ej eb' 'ay schamc'ojlal 'a 'a.

1 Co 8:3

Palta a eb' tzchamc'ojlan Dios, 'ojcab'il xon eb' yu'uj.

Is 45:17

Ax pax an̈ israel on̈ tic on̈, caw ach 'oj on̈ a colnc 'el 'a jun 'ejmn̈ej on̈, man̈x 'a cab' b'a'n̈ 'oj quijx 'ejm on̈, man̈x 'a pax cab' b'a'n̈ 'oj qui q'uixw can pax 'el on̈.

Pr 3:7

Man̈ a na', chajtlto caw yel xo jeln ach; 'ay cab' yel'ch Jehová 'a a sat, 'ij 'el a b'a 'a scal maysch'olnil.

Salmos 125:3

A eb' rey maysch'olnil snab'en, man̈ comnoc 'oj yac' eb' yajlil 'a sat lum lum 'ac'b'il yuj Dios 'a eb' schon̈b' to tojl snab'en; toto ma'ay, a eb' 'anma tojl snab'en, 'oj scuy sb'a eb' a tas man̈ wach'oc.

Salmos 119:163

Matz in nib'j jun tzo'n̈ 'es, caw wal tzin yajl eb', ax a cuynb'il a chi tzin chamc'ojlej.

Salmos 91:14

Yaljnac can Jehová 'ayn̈ec 'ixtic: An 'oj ex in colcn 'elt 'a yol sc'ab' smasnil tas 'ay smay, yujto tzin e chamc'ojlej, eyojquin pax si'mb'il.

A Sb'ab'el Carta San Pedro 1:8

Ax xo, wach'xam man̈x 'ic eyil Jesucristo, palta 'ay e chamc'ojlal 'a 'a. Matz eyila, palta tzeya'ch e c'ojl 'a 'a. Caw tzex tzalji. A wal e tzaljc'ojlal cha, caw niwn yel'chi, man̈ jantcoc swach'il.

Ro 7:24

Caw 'oltac tzin 'aj yu'uj. A jun in niwnal tic, a tzin 'i'n 'at 'a chaml 'a jun 'ejmn̈ej. Palta ¿mach tztac' in scoln 'el 'a yol sc'ab' jun in niwnal tic?

Ro 7:15

Yujto a jun tzo'n̈ tas tzin b'o'o, man̈ wach'c tzwila. 'Ay jun tzo'n̈ tas wach' tzin nib'j in b'o', palta matz in b'o'o. Ax wal jun tzo'n̈ tas maysch'olnil 'a in sat, a tzin b'o'o.

Dn 6:22

A in Diosal, a 'ix 'a'n cot jun yángel yic smacn sti e no león tic, sec may tzin yutj e no', yujto caw yojc Dios to caw may jac in mul. An̈jtona', may xon jac tas tu 'ix in b'o 'aych mamin rey, xchi Daniel.

Salmos 119:104

A 'a spatq'uil jun tzo'n̈ a checnb'il tic, ata xwij 'elt in nab'en; yuj cha, caw matz in nib'j jun tzo'n̈ b'eyb'al yic 'a'j 'es.

Salmos 101:3

May wal b'a'n̈ 'oj wa'ch in nab'en 'a tas maysch'olnil. Matz in nib'j wil eb' tzyij 'el sb'a 'a a tz'ey, may wal junc eb' 'oj wa'ch yopiso 'a in despacho.

Salmos 36:4

A yic teln 'ec' eb' 'a sat sch'at, cojn maysch'olnil tzna eb'; mitz'tz'i yec' snab'en eb' sb'on tas tu'. Matz yal sc'ojl eb' tzyij 'el sb'a 'a maysch'olnil.

Salmos 121:7

'Oj on̈ scolc 'a yol sc'ab' maysch'olnil, ax on̈ scolnec 'a yol sc'ab' chamel.

Am 5:14

Man̈ e b'o maysch'olnil, b'oc tas wach' sec ma'oj e chami. Toto 'ixta', a Jehová Dios tztac' yuj smasnil, a 'oj 'ochn̈j eyet'oc, 'icha wal tzeyutj eyaln cob' cha.