Salmos 96:9 - Chuj San Sebastian Bible

⁹ 'A'c 'emmquilal 'a Dios yic tzex c'och 'a scajnub' wach' yilxi. 'Ay cab' xiwc'ojlal smasnil 'anma 'a yojltac.

Chuj San Mateo Bible

⁹ Aq'uequem e b'a d'a Jehová d'a scajnub' vach' yilji. E masanil ex anima, ayocab' e xivc'olal d'a yichan̈.

Salmos 96:9 Referans Kwoze

Salmos 29:2

¡Alc wach' paxti 'a Jehová! yujto smoj ton wal sb'inaxi. 'A'c 'emmquilal 'a scajnub' to wach' yilxi.

Salmos 114:7

'Ib'x cab' chan̈ lum lum 'a yojltac Dios Yajl yaj 'a smasnil, atn qui Diosalec an̈ yin̈tl on̈c Jacob tic.

Salmos 110:3

A yic 'oj a'nc owal, mun xoj 'oj wul ya'ch sb'a eb' a chon̈b' et'oc. 'Icha wal tz'aj 'ejm chicb'chan̈ 'a yic sq'uin̈b'ial, 'ixta wal 'oj 'aj sjaw ewin quelmtac 'a a tz'ey 'a lum tzaln yic emmquilal.

Dn 11:45

Ax sb'on chan̈ scamplamento 'a snan̈l a niwquil mar yet' 'a jun tzaln to yicn̈ej Dios yaji, atn jun tzaln caw wal wach' yilxi. Palta atnta 'oj c'och stiempoal slajw yopiso, man̈x 'a junc mach 'oj colnoc.

Salmos 33:8

'Ay cab' yel'ch Jehová 'a sat smasnil tas 'ay 'a sat lum lu'um, yet' e masnil ex cajn 'a yolyib'n̈q'uinl tic, 'ay cab' pax yel'ch 'a e sat.

Ez 7:20

Yujto 'ay jun tzo'n̈ chi 'ay 'a eb', xlaj sb'an̈n sb'a eb' yet'oc, ax yet' jun tzo'n̈ chi sb'o eb' yechl jun tzo'n̈ comn dios yajb'entac. Yuj cha, 'icha xoj c'alem, 'ixta 'oj wutcan jun tzo'n̈ q'uen chi yil eb'.

Salmos 76:11

Ca'c qui ti 'a Jehová qui Diosalec, palta tzca'n 'el'choc. E masnil ex nacion̈ oyn ex 'och 'a sla'nil schon̈ab', 'ijec cot eyofrenda 'a 'a, yujto smoj 'ay yel'ch 'a e sat.

Esdras 7:27

Yuj cha, xyaln Esdras 'ixtic: Alx cab' wach' paxti 'a Jehová qui Diosalec yet' eb' qui mam quichmec, yujto a 'ix 'a'n jawc 'a snab'en win rey, sec to niwn yel'ch yatut Jehová 'a Jerusalén.

Salmos 76:7

Yel xo wal caw 'ay a may. ¿Toc 'ay mach 'oj stac' yoch lin̈n 'a ojltac, yic tox 'ix cot owal?

2 Cr 29:28

Ax smasnil eb' chon̈ab', cumn 'ejm eb' yaln sb'a, ya' sb'a wan sb'itn eb' tzb'itn cha, yet' eb' tz'utz'n trompeta, masnto yic xlajw stz'a no xajmb'al cha; 'ixta to b'i'an 'ix 'och wan eb' sb'itn smasnil.

2 Cr 29:29

A yic xlajw jun tzo'n̈ cha, 'ix 'em cumn win rey Ezequías chi yaln sb'a, yet' smasnil eb' 'ayc' yet'oc.

2 Cr 29:30

Xlajw cha, a win rey yet' eb' yajl yaj yet'oc, xyaln eb' 'a eb' levita to tzyal eb' wach' paxti 'a Jehová, yet' jun tzo'n̈ b'it yic David yet' yic Asaf, atn schecb' Dios. Caw 'ix yal eb' wach' paxti 'a tzaljc'ojlal, 'ix 'em cumn eb' yaln sb'a.

Salmos 99:1

Mamin Jehová Reych ton b'i'an. A 'a despacho, ata c'ojn 'ejm 'a yib'n̈ eb' querubín. Tzlaj 'ib'xoc chan̈ eb' lum niwc nacion̈ yuj a may, tzlaj 'ib'x chan̈ lum lum tic o'oj.