Salmos 96:2 - Chuj San Sebastian Bible

² B'itn coyc 'a 'a, tzcalnec qui wach' paxti 'a 'a; 'a junjn c'u tzcalnec 'el yab'xil colnb'il tzyac'a.

Chuj San Mateo Bible

² Con̈ b'itanec d'a Jehová, calec vach' lolonel d'ay. Junjun c'u scalanec el co colnab'il syac'a'.

Salmos 96:2 Referans Kwoze

Mr 16:15

Xlajw cha, xyaln 'a eb' 'ixtic: 'Ixquec 'a smasnil yolyib'n̈q'uinl tic, alc 'el wach' 'ab'x yic colnb'il 'a scal smasnil 'anma'.

Salmos 71:15

Smasniln̈ej c'u 'oj wal-l ab'xil, chajtlto ach tic caw tojl ach, ach in a col-li. Wach'xam to matz nachj 'el wuj smasnil, palta 'oj wal-li.

Salmos 40:10

May 'ajtil xin c'ub'j 'el a tojlal. A wico', to 'ix walcn 'eli chajtlto tzac' 'el'choc tas tzala, yet' pax colnb'il tzac'a. May xon wal 'aj xin c'ub'j 'el a chamc'ojlal, yet' a wach'l 'a sat eb' a chon̈b' 'a 'aj tzyam sb'a eb'.

Is 40:9

'Ex 'aj Sión, q'uen̈ec c'och 'a sjolm junc lum witz, tzex 'awj 'a caw 'ip ta', yic tzeyaln 'el wach' 'ab'ix. Ex 'aj Jerusalén, man̈ex xiw eya'n 'el eyaw, alc 'el 'ixtc 'a yoltc chon̈b' yic Judá: 'Iltec yaj qui Diosalec 'a tic, xe chi.

Salmos 145:1

Ach in Diosal, 'oj wal-li to niwn ton wal el'chi, Reych paxi, 'oj wal wach' paxti 'ayach.

Apoc 5:13

'Ix wab'n pax sjaj jantcn̈ej eb' b'ob'il yuj Dios 'a satcha'an̈, yet' 'a yolyib'n̈q'uinal, yet' 'a yol lu'um, yet' pax 'a yojl a mar. Jantcn̈ej eb' 'ay 'a jun tzo'n̈ lugar cha, c'uxn xyal eb' 'ixtic: Alx cab' wach' paxti 'a jun wocn 'ejm 'a sdespacho, yet' 'a jun tzcuch Calnelu. Alx cab' 'a smasnil tiempo, chajtlto caw niwn yel'chi, niwn swach'il, an̈j Yajl yaji, xchi eb'.

Ef 1:3

Calc wach' paxti 'a qui Mam Dios, atn 'a Smam Cajlil Jesucristo. C'uxn xyac' jun tzo'n̈ wach'l yic Espíritu 'ayn̈ec, atn jun tzo'n̈ yic satcha'an̈, yujto junxn̈ej cajc yet' Cristo ticnec.

A Tas Sc'ulejnac Eb' Schecab' Jesús Hechos 13:26

Ex wit 'anma'il, ex yin̈tl can Abraham wet'oc, yet' ex 'ay e xiwc'ojlal 'a Dios, a jun 'ab'x yic colnb'il tic, eyic wet'oc.

Salmos 145:10

A tas b'ob'il oj cha, 'oj yal eb' swach' paxti 'ayach. A eb' 'anma ec xo yaji, 'oj ach sb'inoc eb' smasnil.

Salmos 103:20

Ex yángel Jehová to 'ay eyip, alc e wach' paxti 'a 'a, ex to yiclum ex 'a tas tzyala.

1 Cr 29:20

Xlajw cha, 'ix yaln David 'ixtc 'a smasnil eb' 'anma': A ticnec ex wit chon̈ab', alc wach' paxti 'a Jehová qui Diosalec, xchi. Xlajw cha, 'ix yaln smasnil eb' 'anma wach' paxti 'a Dios, atn sDiosal eb' yet' smam yicham. 'Ix 'em cumn eb' 'a yojltac Dios yic 'ayc' eb' 'a yojltac win rey cha.

Salmos 145:2

'A junjn c'u 'oj wal wach' paxti 'ayach, 'oj ach in b'itnoc 'a smasnil tiempo.