Salmos 95:3 - Chuj San Sebastian Bible

³ Yujto a Jehová Dios, caw niwn yel'chi, Rey 'a yib'n̈ jun tzo'n̈ xo comn dios.

Chuj San Mateo Bible

³ Yujto a Jehová te nivan yelc'ochi. Aton Rey yaj d'a yib'an̈ smasanil eb' dios.

Salmos 95:3 Referans Kwoze

Salmos 96:4

yujto a Jehová caw niwn yel'chi, smoj wal yalx wach' paxti 'a 'a. Yel xo 'ay smay 'a yib'n̈ jun tzo'n̈ comn dios.

Salmos 145:3

Mamin Jehová, caw wal niwn yel'ch a b'i, yuj cha, smoj wal a b'itnaxi; a 'a b'inab'ilal, man̈ alchjb'enoc.

Salmos 135:5

Wojc wal si'mb'il to a Jehová Cajlilec, yel xo wal 'ec'b'al 'a yib'n̈ jun tzo'n̈ comn dios.

Salmos 97:9

Mamin Jehová, Yajl ach 'a yib'n̈ smasnil yolyib'n̈q'uinl tic, 'ec'b'al el'ch 'a yib'n̈ jun tzo'n̈ tzalx 'och diosal.

Ex 18:11

A ticnec, caw wal xwojquej 'eli to a Jehová, yel xo wal 'ec'b'al 'a yib'n̈ jun tzo'n̈ tzalx 'och diosal, yujto ex colx 'elt 'a yol sc'ab' eb' 'aj Egipto yu'uj, wach'xam niwquil cob' xyutj sb'a eb' 'a yojltac Jehová, xchi Jetro cha.

Mt 5:35

An̈jtona pax sat lum tic, matz tac' e locn pax sb'i, yujto 'icha ste'nub' Dios yaji. Yet' pax Jerusalén, matz tac' e locn pax sb'i, yujto a jun cha, atn schon̈b' jun Rey caw niwn yel'chi.

Salmos 47:2

Yujto a Jehová caw niwn yel'chi, 'ay pax smay; Yajl yaj 'a yib'n̈ smasnil lum lum tic.

Malaquías 1:14

An tic Rey in niwn wel'chi, smoj xiw smasnil nacion̈ 'ayin. A eb' tzta'wj sti ya'n junc scalnelu xajmb'al-l 'ayin, no may spaltail, ax tz'aji, tzjeln eb', ax junc no 'ay spaltail tzyac' eb' 'ayin, a jun tzb'o eb' cha, caw wal catb'tzab'il, xchi Jehová tztac' yuj smasnil.

Malaquías 1:11

An tzwala to niwn wel'ch 'a sat smasnil nacion̈ 'a yolyib'n̈q'uinal. A wal tas caw wach' a chi tzyac' tz'a eb' xajmb'alil, yet' ya'n eb' yofrendaoc 'ayin, yujto caw niwn wel'ch 'a sat eb'.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Jeremías 46:18

An ton rey in, 'aynn̈ej 'eq'ui. Tzin cuch Jehová tztac' wuj smasnil, tzwac' in ti', to 'icha lum witz Tabor caw yel xo chan̈ yajb't 'a yib'n̈ jun tzo'n̈ xo eb' lum witz, 'icha pax lum witz Carmelo, yel xo chan̈ yajb't 'a yib'n̈ a mar, 'ixta wal yip jun 'ajc'ojl tzjaw 'ayex.

Is 44:8

Man̈ex xiwoc, te'n tzeyutj e b'a, ax tic in testigo ex, to waljnac jun tic 'ayx 'a yictax pecti'. ¿Tom 'ay junc xo dios, mto 'ay junc xo colwjum? Cojxn In Toni, may junc xo mach wojtac, xchi Dios.

Jeremías 48:15

Wan sc'och jun 'oj 'a'nc lajwc jun tzo'n̈ chon̈b' 'a yol yic Moab, 'oj cham eb' quelmtac caw 'ay yip cajn ta'. A jun tic, tzwal an Rey in tic, Jehová in b'i, tztac' wuj smasnil.

Ex 12:12

An Jehová in, an tzwala: To a wal 'a jun 'ac'wl cha, 'oj wec' 'a yol yic Egipto tic smasnil. 'Oj 'ec' in mil cham sb'ab'l 'unnal junjn 'anma 'a junjn n̈ail, yet' sb'ab'l 'une no cajb'en noc', ax wa'n lajwc 'ejm sdiosal eb' 'aj Egipto tic.

Dt 7:21

Yuj cha, man̈ ex xiw xon 'a eb' 'anma cha, yujto a Jehová qui Diosalec, a 'ayc' 'a e cal, caw niwquil spoder, caw wal 'ay smay.

Nehemías 8:6

Xlajw cha, xyaln Esdras wach' paxti 'a Jehová, atn jun Dios tztac' yuj smasnil. 'Ix ta'w smasnil chon̈ab', xyi'n chan̈ eb' sc'ab' 'a cha'an̈, xyaln eb' 'ixtic: 'Ixta cab' tz'aji, xchi eb'. Yajn̈ej x'em n̈ojn eb', squiln 'ejm eb' snan̈l sat 'a sat lu'um yic tzyaln sb'a eb' 'a Jehová.

Salmos 47:3

A 'ix 'a'n jun tzo'n̈ chon̈b' 'a yol qui c'ab'ec, 'ix can jun tzo'n̈ nacion̈ 'a yaln̈ cujec.

Salmos 104:1

'Oj wal in wach' paxti 'a Jehová. Mamin Jehová, in Diosal ach, caw wal niwn el'chi. A 'a tzictznial, 'icha to a 'aych a pichloc.