Salmos 95:2 - Chuj San Sebastian Bible

² 'Och coyc yet' qui wach' paxti 'a yojltac, tzqui b'itnanc b'it yic tzqui'nec chan̈ sb'i.

Chuj San Mateo Bible

² Ochocon̈ec d'a yichan̈ d'a ac'oj yuj diosal. Con̈ b'itanec d'ay, yujto te nivan yelc'ochi.

Salmos 95:2 Referans Kwoze

Salmos 100:4

'Och coyc 'a spuertail yatut Dios yic tzcalnec yuj diosal 'a 'a. A yic 'ayn̈ec 'ec' 'a yamq'uil yatut cha, qui b'itnoquec b'it yic tzcalnec qui wach' paxti 'a 'a.

Ef 5:19

A yic tzlaj eyamnc e b'a, tze b'itnej jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex laj b'itni, tzeyal wach' paxti 'a Cajlil 'a smasnil e c'ojol.

Salmos 105:2

B'itn coyc yet' b'it yic tz'ijx chan̈ sb'i, calc wach' paxti 'a 'a, yujto satjub'tac yilx tastc b'ob'il yu'uj.

Miqueas 6:6

Tzlaj sc'anb'n eb' wit israelal chi 'ixtic: ¿Tas 'oj ca'c 'a Jehová yic tzon̈ 'ochc 'emmquilal 'a 'a, atn jun Dios Cojxn̈ej Niwn Yel'chi? ¿'Oj qui c'ochc 'a yojltac am yet' junc no quelm wacx jun ab'il sq'uinal, yic tzca'nec tz'a no xajmb'al-l 'a 'a?

Salmos 100:2

Ca'c servil Jehová 'a tzaljc'ojlal, tzon̈ jawc 'a yojltac yet' qui b'it yic tzaljc'ojlal.

Salmos 17:13

Mamin Jehová cotan̈, mac sjaw eb' 'ajc'ojl yajch 'ayin, 'ac' telwc 'ejm eb'. Coln 'el yet' a poder 'a yol sc'ab' eb' maysch'olnil snab'en.

Santiago 5:13

Toto 'ayx wan eyab'n syal ticnec, leslwan̈ec. Toto 'ayx 'ay pax e tzaljc'ojlal, b'itnan̈c 'a Dios.

Salmos 7:7

'Och cab' oyn jun tzo'n̈ nacion̈ 'ayach; a cab' 'a 'aj 'ay a despacho 'a satcha'an̈, ata cab' tzach 'em wocn a b'eyc'ojloc eb'.

Salmos 81:2

B'itn coyc yet' qui pandero, yet' qui arpa mto qui salterio.

Salmos 98:4

B'itn coyc 'a Jehová yet' qui tzaljc'ojlal. Jantc on̈c cajn on̈c 'a sat lum lum tic, ca'c wal tzaljoc qui c'ojl qui b'itnanec jun tzo'n̈ b'it tic.