Salmos 94:8 - Chuj San Sebastian Bible

⁸ 'Ab'c ex wit chon̈ab', caw may e nab'en, caw pit ex. ¿B'a'n̈ to wal 'oj nachjoc 'el eyu'uj?

Chuj San Mateo Bible

⁸ Ex anima te pit, ex malaj jab'oc e pensar, ab'ec, ¿b'aq'uin̈ ol nachajel eyuuj?

Salmos 94:8 Referans Kwoze

Salmos 92:6

A eb' 'anma may snab'en, mto eb' tz'ec' 'a yib'an̈, caw matz nachj 'el yuj eb'.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.

Salmos 49:10

'In tzquilec to jun lajnn̈ej scham eb' 'anma smasnil, tzcham eb' jelan, tzcham pax eb' 'emnc sc'ojlani, ax sricoal eb', chucx mach 'aj tzcani.

Ro 3:11

May junc mach 'aych snab'en 'a Dios, may junc mach nanto yu'uj.

Pr 12:1

Caw 'ay qui nab'enec toto tzqui chajec 'ajxoc cuenta qui b'a, ax toto matz qui chajec 'ajxoc cuenta qui b'a, caw may qui nab'enec.

Dt 32:29

Q'uinloc 'ay snab'en eb', to 'ixta', tznachj 'el yuj eb', tzyojcan 'el eb', tas 'oj 'aj 'el'ch eb'.

Jeremías 10:8

Smasnil jun tzo'n̈ 'anma', may xon jac snab'en eb', may jac sjelnal eb'. A jac te te cha, caw matz tac' on̈ scuyn te 'on̈.

Is 27:11

A yic tztacj sc'ab' eb' te te cha, tzlaj lo'chjc cot eb' te', ax eb' 'ix 'ix tzlaj 'ec' si'nc chan̈ eb' te sc'ab' cha, tzya'n 'och eb' 'ix sc'ac' yet' te'. A jun chon̈b' tic, may xon jac snab'en. Yuj cha, a Dios b'ojnac, caw man̈x 'oj 'o'ch sc'ojl 'a 'a, man̈x 'oj cus pax yu'uj.

Pr 8:5

Ax wal ax tic, ex to mant 'a e nab'en, cuyc wal e b'a 'a jelnal. Yet' pax ex to tu e nab'en, sayc 'ec' pax wach' nab'enal.

Salmos 73:22

Caw matz nachj 'el xon jac wu'uj, 'icha wal junc no noc' may snab'en, 'ixta 'in 'a ojltac.

Pr 1:22

Ex quelm to mant 'a e nab'en, ton̈j tzex laj b'uchwji. ¿B'a'n̈ wal 'oj eyactc e tzalj yet' e man̈ nab'enal cha? ¿B'a'n̈ 'oj eyactc can e b'uchwji? ¿B'a'n̈ wal 'oj eyactc e patquiln can 'el jelnal?