Salmos 94:23 - Chuj San Sebastian Bible

²³ Mamin Jehová, ach wal 'oj 'ac' meltzjoc 'och smul eb' chi 'a 'a, ax slajw 'el eb' o'oj. Ach qui Diosal on̈, ach 'oj a satl eb'.

Chuj San Mateo Bible

²³ A ach ol a pactzitej schucal eb' chuc. Ol satel eb' yuj smul. Ach co Diosal, ol ac'can lajvoquel eb'.

Salmos 94:23 Referans Kwoze

Salmos 7:16

A smaysch'olnilal yet' stu b'eyb'al eb', a 'oj cotcn 'a yib'n̈ eb'.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Pr 2:22

Ax eb' tu sb'eyb'al, yet' eb' 'ixtm 'anma', 'oj 'ijxoc 'el eb' 'a sat lum lum tic, 'icha tzyac' junc te te tzto'x q'ueta.

Salmos 55:23

Ach in Diosal, a eb' milm cham 'anma', yet' eb' 'a'm 'es, caw may sq'uinl eb', ma'oj nan̈lb'oc sq'uinl eb' yilni. Ach 'oj a'cn 'ejm eb' 'a yich sjul-l eb' chamnac, palta an xo tic, ach tzach wa'ch yipc in c'ojol.

Pr 5:22

A eb' maysch'olnil sb'eyb'al, mun a smaysch'olnilal eb' chi 'oj 'i'nc 'ejmi; mun a smul eb' chi 'oj jalnc 'ejm 'icha junc lasu.

Salmos 64:8

Mun a spaxti eb' chi 'oj 'a'nc telwoc; ax smasnil mach 'oj 'ilnc eb', 'oj b'uchxoc eb' yuj eb'.

Dn 9:26

A yic 'oj lajwc 'ec' 62 seman cha, ax smilx cham jun Yajl sic'b'il 'el cha, 'icha to may tas 'ix wul sb'o'. 'Oj lajwc cha, ax sma'x 'ejm lan̈chjoc chon̈b' Jerusalén yet' jun yatut Dios yuj eb' 'anma 'aych yet' jun yajl tot 'oj jawoc. 'Icha wal yel a 'elmal a', 'ixta 'oj 'aj satl Jerusalén. Caw 'oj 'ochn̈j owal, til wal tas 'oj satxoc 'eli, a tzyal wal tas nab'il yuj Dios, masnto 'oj jawc slajb' c'ual.

Dn 7:24

A lajn̈e sch'ac cha, tzyal 'el'chi, 'ay lajn̈wan̈ eb' rey 'oj yac' yajlil. Ax 'a spatc eb' lajn̈wan̈ cha, ata tza'n sjaw junx rey 'oj yac' yajlil. A jun cha, yel xo chuc yel 'a yib'n̈ jun tzo'n̈ xo eb' rey cha, 'oj satxoc 'el 'oxwn̈ eb' rey chi yu'uj.

Ez 18:24

Palta a mach tojl xon sb'eyb'al, q'uinloc tzjuw 'el sb'eyb'al cha, ax smasnil tas yajb'entac tzb'o eb' maysch'olnil sb'eyb'al, a chi tzb'o'o, ¿tom 'oj to wac' sq'uinl jun 'anma chi tze na'a? Wach'xam niwn tas wach' 'ix cob' sb'o', palta man̈x 'oj in na cot jun tzo'n̈ cha, cojn to tzcham yuj smul cha.

Pr 1:31

Caw 'oj eyab' syal yuj e b'eyb'al cha, 'oj eyec tzactzjoc e b'a yuj e maysch'olnilal cha.

Salmos 12:3

Mamin Jehová satcn 'el jun tzo'n̈ 'anma cha, atn eb' chab'sat yaji, yet' pax eb' niwc winc tzlaj yutc sb'a.

Ester 7:10

'Ix slocn q'ue eb' win Amán 'a te 'oy ya'jnac b'o yuj Mardoqueo. 'Ixta x'aj sicb' yowl sc'ojl win rey cha.

Jueces 9:57

An̈jtona', 'ixta xyutj Dios eb' 'aj Siquem cha, 'ix schaj eb' spac tas maysch'olnil sb'o cha. 'Ixtnta x'aj yel'ch scatb' win Jotam win yunnal can Gedeón 'a yib'n̈ eb' 'anma cha.

A Ch'an̈ Schab'il Libro Yic Yab'ixal Eb' Rey 19:7

'Ilto, an 'oj wa'ch junc xiwlal 'a 'a. A yic 'oj yab'nc junc 'ab'ix, ax smeltzj 'a schon̈ab'. Ata 'oj wac' milxc cham yet' espada, xchi Dios, xchi Isaías.

Ester 9:25

Palta yujto xc'och 'ix Ester paxtinc 'a win rey, yuj cha, xya'n 'elt win jun ley, to a smasnil tas tu 'ix sna Amán sb'on 'a eb' israel cha, a 'a yib'n̈ win tz'atcni, yuj cha, 'ix q'ue locn win yet' eb' yunnal smasnil.

Salmos 109:20

'Ixta cab' tzyutj Jehová ya'n in pac 'a smasnil eb' tzchichn 'och 'ayn cha, yet' pax 'a eb' tu tzaln 'a in patic.

Pr 5:23

Yujto matz yamch wan sb'a eb', yuj cha, ax s'atcn eb' 'a chamel; yuj sman̈ nab'enal eb', ax satcn 'el eb', xchi in mam 'ayin.

Jeremías 36:31

Ach tic yet' eb' en̈til, yet' pax eb' 'aych yopiso et'oc, caw 'oj wa'ch yailal 'a eyib'n̈ yuj e mul. 'Oj jawc 'a yib'n̈ eb' 'aj Jerusalén, yet' 'a yib'n̈ eb' 'aj Judá, atn jun tzo'n̈ yailal 'ix walcn 'el tic, atn jun tzo'n̈ paxti ma'ix e chaj eyab'i', xchi Dios, xa chi 'a eb', xin chi 'a Baruc cha.